रोमि 5වෙතින් ජනප්‍රිය බයිබල් පද

බෙදාගන්න

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

इदोइ झोको खिनिङ माको, कालाउ केलाइ ताइको सङकटता बुङ हाउसाइनाखे, इदोइ गितेङ कि सङकटहोइ सहनसिलता उब्जाइपाखे, परमेस्वर केलाइहेङ ग्रहन पाखे, हाइपालिपानु केलाइ सहिलि बुङ धिर्का हिनाहि, हाइपालिपानु वा केलाइहेङ ग्रहन पाखे, केलाइहेङ आस हि।

ओदोङ भाअ्सिङ खाङधुरि पाहासो धर्मि बानाइका हिनाहि, कालाउ प्रभु येसु ख्रिस्ट केलाइको भाअ्सिङ पाका काम पाहासो परमेस्वर दोफा केलाइ मिलिका हिनाहि। केलाइको खाङधुरिको कारनहोइ येसु ख्रिस्ट केलाइहेङ इदोइ आनुग्रहता चुमाका हि, जेता केलाइ एला जाअ्का हिनाहि, कालाउ परमेस्वरको महिमाता सहभागि जेङका आसता लेङचान्हाखे।

हाइपालिपानु केलाइ हुइका हिलाउ दोङ ख्रिस्ट आधर्मि द्‍याङगेलाइको भाअ्सिङ दोअ्का सोमोइता सिपिहि।

केलाइ परमेस्वरको आगाता एसापा धर्मि बानाइका हिनाहि, हाइपालिपानु ख्रिस्ट केलाइको भाअ्सिङ सिहि, कालाउ केलाइको पापको भाअ्सिङ ताइको हिति होपाहि। कालाउ ख्रिस्ट जातिङकोङ परमेस्वरको चेरचुङसो केलाइहेङ बान्चिपाङ।

हाइपालिपानु जेसाङ एमि खिनिङ द्‍याङको आनाग्याकारिताहोइ हेन्जाङ झानाहेङ पापि बानाइहि, एन्साङ पातेङ एमि द्‍याङको खिनिङ आग्याकारितासो हेन्जा झानाहेङ धर्मि बानाइयावा।

इदोइ झोको खिनिङ माको, कालाउ एला केलाइको प्रभु येसु ख्रिस्ट पाहासो परमेस्वर दोफा केलाइको मिलाप जेङलि दोहोइ, ओदोङ भाअ्सिङ केलाइ परमेस्वरता आनान्दित हिनाहि।