Matiu 21වෙතින් ජනප්‍රිය බයිබල් පද

බෙදාගන්න

Ko ngā mea katoa hoki e tono ai koutou ina īnoi, ki te whakapono, ka riro i a koutou.”

Nā, ka whakahoki a Īhu, ka mea ki a rātou, “He pono tāku e mea nei ki a koutou, me he whakapono tō koutou, kāhore i ruarua te whakaaro, e kore e meatia e koutou ko tēnei anake i meatia nei ki te piki, engari, ahakoa mea noa koutou ki tēnei maunga, ‘Kia rangā atu koe, kia whakatakā ki te moana’; ka meatia.

Ko ngā mano i haere i mua, me te hunga i haere i muri, kei te karanga, kei te mea, “Ohana ki te Tama a Rāwiri! Ka whakapaingia tēnei e haere mai nei i runga i te ingoa o te Ariki! Ohana i runga rawa!”

Ā, ka mea ki a rātou, “Kua oti te tuhituhi, ‘Ka kīia tōku whare he whare īnoi’; heoi, kua oti nei te mea e koutou hei ana mō ngā kaipāhua.”

“Mea atu ki te tamāhine o Hiona, ‘Nā, ko tōu kīngi e haere mai nā ki a koe, he ngākau māhaki tōna, e noho ana i runga i te kāihe, i te kūao hoki, i te tama a te kāihe.’ ”

Ka mea a Īhu ki a rātou, “Kīanō koutou i kite noa i roto i ngā karaipiture? ‘Ko te kōhatu i kapea e ngā kaihanga, kua meinga tēnei hei upoko mō te kokonga; nā te Ariki tēnei, he mea whakamīharo hoki ki ō tātou kanohi!’

“Koia, ahau ka mea nei ki a koutou, Ka tangohia te rangatiratanga o te Atua i a koutou, ā, ka hoatu ki tētahi iwi, e puta ai ngā hua o taua rangatiratanga.