Kenehi 27වෙතින් ජනප්‍රිය බයිබල් පද

බෙදාගන්න

Kia hōmai anō e te Atua ki a koe te tōmairangi o te rangi, me te mōmonatanga o te whenua, kia nui anō hoki te wīti me te wāina! Kia mahi ngā iwi ki a koe, kia piko iho hoki ngā tauiwi ki a koe. Kia waiho koe hei rangatira mō ōu tēina, ā, kia piko iho ki a koe ngā tama a tōu whaea. Kia kangā te tangata e kanga ana i a koe, ā, kia manaakitia te tangata e manaaki ana i a koe.”

Nā, ka mea ia, “Ka tika ha te tapanga i a ia ko Hākopa? Kua rua nei hoki ōku māmingatanga e ia. Ko tōku mātāmuatanga kua riro i a ia; ā, ināianei kua riro tōku manaaki i a ia.” Ka mea anō ia, “Kāhore rānei i mahue atu ki a koe tētahi manaaki mōku?”

Nā, ka whakahoki a Īhaka, tōna pāpā, ka mea ki a ia: “Nā, nō te mōmonatanga o te whenua te nohoanga mōu, nō te tōmairangi hoki o te rangi i runga. Mā tāu hoari hoki e ora ai koe, me mahi anō koe ki tōu teina; ā, tēnei ake, kei tōu kakenga hei rangatira, nā, ka wāhia atu e koe tāna ioka i tōu kakī.”

Nā, ka mea a Ēhau ki tōna pāpā, “Kotahi tonu ia tāu manaaki, e tōku pāpā? Manaakitia ahau, āe rā, ahau anō hoki, e tōku pāpā.” Nā, nui atu te reo o Ēhau ki te tangi.