සෙකරියා 9වෙතින් ජනප්‍රිය බයිබල් පද

බෙදාගන්න

හොඳහැටි ප්‍රීති වන්න. එම්බා සියොන් දියණිය, ජය ගොස නගන්න. එම්බා යෙරුසලම් දියණිය, මෙන්න, ඔබේ රජ ඔබ වෙත එයි. උන්වහන්සේ ධර්මිෂ්ඨ ය, ගැලවීම ඇති තැනැත්තා ය. නිහතමානී ව බූරුවකු පිට නැග, දෙනකගේ පැටවකු වන වස්සකු පිට එයි.

එප්‍රායිම් වෙතින් යුද්ධ රථ ද යෙරුසලම වෙතින් යුද්ධ-අශ්වයින් ද මම සිඳ දමන්නෙමි. සටනට ගන්නා දුණු-හී ද කැඩී බිඳෙනු ඇත. එතුමාණෝ ජාතීන් වෙත සාමය ප්‍රකාශ කරන සේක. එතුමාණන්ගේ රාජ්‍යය මුහුදින් මුහුදටත්, ගංගාවේ පටන් පොළෝ සීමාන්ත දක්වාත් ය.

එඬේරකු තම රංචුව බේරාගන්නාක් මෙන්, ඔවුන්ගේ දෙවියන්වහන්සේ වන ස්වාමින්වහන්සේ ඒ දවසේ ඔවුන් මුදා ගන්නා සේක. මන්ද, කිරුළක මැණික් ලෙසින් ඔවුන් උන්වහන්සේගේ දේශයෙහි බැබළෙනු ඇත.