ගීතාවලිය 142වෙතින් ජනප්‍රිය බයිබල් පද

බෙදාගන්න

මම ඔබට මොර හඬ දෙමි අහෝ ස්වාමින්වහන්ස; මා කියන්නේ, “මගේ සරණය ඔබ ය; ජීවතුන්ගේ දේශයේ මගේ උරුම කොටස ද ඔබ ය” කියා ය.

ඔබගේ නාමයට මා ස්තුති කරන පිණිස මගේ සිර ගෙයින් මා නිදහස් කළ මැනව; එවිට ඔබ මට පෑ ත්‍යාගශීලීත්වය නිසා, ධාර්මිකයෝ මා වටා රොක් වනු ඇත.

මගේ ආත්මය මා තුළ මැලවී, මා අධෛර්යට පත් වූ කල, මගේ මාර්ගය දන්නේ ඔබ ය. මා ගමන් ගන්නා මාවතෙහි මිනිස්සු රහසේ මට උගුලක් ඇටවූහ.

මගේ කටහඬින් මම ස්වාමින්වහන්සේට මොර ගසමි; මගේ කටහඬින් මම ස්වාමින්වහන්සේට කන්නලව් කරමි.

මගේ මොර ගෑමට කන් දෙන්න, මන්ද, මම බෙහෙවින් වික්ෂිප්ත ව සිටිමි; මා ලුහුබඳිනාවුන්ගෙන් මා මුදා ගත මැනව, මන්ද ඔවුන් මට වඩා බොහෝ බලවත් ය.