හිතෝපදේශ 16වෙතින් ජනප්‍රිය බයිබල් පද

බෙදාගන්න

ඔබ කරන කවරක් වුව ස්වාමින්වහන්සේට බාරකරන්න; එවිට ඔබගේ සැලසුම් සඵල වෙයි.

මිනිසාගේ ගමන් මග සැලසුම් කරන්නේ ඔහුගේ හදවත ය; එහෙත් ඔහුගේ පියවර තීරණ කරන්නේ ස්වාමින්වහන්සේ ය.

කරුණාවන්ත වචන මී වදයකි, එය සිතට මිහිරකි; ගතට සුවයකි.

හදවතේ සැලසුම් අයිති මිනිසාට ය; එහෙත් දිවේ පිළිතුර පැමිණෙන්නේ ස්වාමින්වහන්සේගෙනි.

ඉවසිලිවන්තයා, රණවිරුවකුට වඩා අගේ ය; ආත්ම දමනය කරන්නා පුරවරයක් අල්ලා ගන්නාට වඩා වටනේ ය.

විනාශයට පෙරටුවෙන් උඩඟුව ගමන් ගනී; වැටීමට පෙරටුවෙන් මහ අහංකාරයකි.

මිනිසාගේ හැම ක්‍රියා මාර්ගයක් ම නිදොස් යයි ඔහුට පෙනේ; එහෙත් ඒවායේ අභිප්‍රාය කිරා-මැන බලන්නේ ස්වාමින්වහන්සේ ය.

වචනය සලකන්නා සමෘද්ධ වෙයි; ස්වාමින්වහන්සේ තුළ විශ්වාසය තබන්නා භාග්‍යවත් ය.

ධර්මිෂ්ඨකම සමඟ ස්වල්පයක් ඇති ව සිටීම, අයුක්තියෙන් බොහොමයක් අත්කර ගන්නවාට වඩා හොඳ ය.

මිනිසකුට හරියයි පෙනෙන මාර්ගයක් ඇත; එහෙත් එහි කෙළවර මරණයට මග පෙන්වයි.

අගතිගාමී මිනිසා වාද භේද අවුස්සයි; කේලමා ළබැඳි මිතුරන් වෙන් කරයි.