යෝබ් 1වෙතින් ජනප්‍රිය බයිබල් පද

බෙදාගන්න

එවිට යෝබ් නැගිට, තම හැඳිවත් ඉරාගෙන, හිස බූ ගා, බිම වැටී වැඳ, “හිස් අතින් මම මවු කුසේ සිට ආවෙමි. හිස් අතින් මම ආපසු යන්නෙමි. ස්වාමින්වහන්සේ දුන් සේක; ස්වාමින්වහන්සේ ආපසු ගත් සේක; ස්වාමින්වහන්සේගේ නාමයට ප්‍රශංසා වේවා!” යි පැවසී ය. මේ සියල්ලෙහි දී යෝබ් පව් කළේවත්, දෙවියන්වහන්සේ පිට වරද තබා දොස් තැබුවේවත් නැත.

යෝබ් නම් වූ මිනිසෙක් ඌස් දේශයේ වාසය කළේ ය. ඔහු නිදොස්, අවංක මිනිසෙක් විය; දෙවියන්වහන්සේට භය පක්ෂපාත වූ ඔහු නපුරෙන් වැළකුණු කෙනෙකි.

එවිට ස්වාමින්වහන්සේ, “මගේ සේවක යෝබ් ගැන නුඹ සිතා බැලුවා ද? ඔහු වැනි කෙනෙක් මුළු පොළෝ තලයේ ම නැත. ඔහු නිදොස්, අවංක කෙනෙකි; දෙවියන්වහන්සේට භය පක්ෂපාත වූ, නපුරෙන් වැළකුණු මිනිසෙකැ” යි සාතන්ට පැවසූ සේක.

එවිට ස්වාමින්වහන්සේ, “ඔන්න, එහෙනම් ඔහු සතු හැම දෙයක් ම නුඹ අතෙයි; හැබැයි ඒ මිනිසාට නම් අත තියනවා හෙම නො වේ යැ” යි සාතන්ට පැවසූ සේක. ඉන්පසු සාතන් ස්වාමින්වහන්සේ ඉදිරියෙන් පිටත් ව ගියේ ය.