යෙරමියා 23වෙතින් ජනප්‍රිය බයිබල් පද

බෙදාගන්න

“මට නො පෙනෙන ලෙස රහස් තැනක සැඟවෙන්නට මිනිසකුට පුළුවන් දැ?” යි ස්වාමින්වහන්සේ ප්‍රකාශ කරන සේක. “ස්වර්ගයත්, පොළොවත් පුරවන්නේ මම නො වෙම් දැ?” යි ස්වාමින්වහන්සේ ප්‍රකාශ කරන සේක.

ස්වාමින්වහන්සේ මෙසේ ප්‍රකාශ කරන සේක: “මෙන්න! දේශයෙහි යුක්තියත්, දමිටුකමත් ඉටු කරමින්, ප්‍රඥාවෙන් රජකම් කරන රජකු වන ධර්මිෂ්ඨ ශාඛාවක්, දාවිත්ගේ පරපුරින් මා විසින් නැගිටුවන දවස් පැමිණෙන්නේ ය. එතුමන්ගේ දවස්හි දී යූදා ගලවනු ලබන්නේ ය. ඉශ්‍රායෙල් සුරැකි ව වාසය කරන්නේ ය. එතුමන් හඳුන්වනු ලබන නාමය වන්නේ, ‘අපේ ධර්මිෂ්ඨකම වන ස්වාමින්වහන්සේ’ යනුවෙනි.

“මගේ තණ බිමෙහි බැටළුවන් විනාශ කරන, උන් විසුරුවා හරින එඬේරුන්ට දුක් පැමිණේ යැ” යි ස්වාමින්වහන්සේ ප්‍රකාශ කරන සේක.

“මගේ බැටළු රැළෙහි ඉතිරි ස්වල්ප දෙනා මා විසින් ඔවුන් පලවා හරින ලද සියලු දේශවලින් මම එකතු කර, ඔවුන්ගේ පට්ටියට ආපසු ගෙනෙන්නෙමි. එහිදී ඔවුන් සඵල වී, ගණනින් ද වැඩිවනු ඇත. ඔවුන් රැක බලාගන්නා එඬේරුන් මම ඔවුන්ට පත් කර දෙන්නෙමි. තවදුරටත් ඔවුන් භයට පත් වන්නේවත්, තැති ගන්නේවත් නැත. එකකුදු නැති වන්නේ ද නැතැ” යි ස්වාමින්වහන්සේ ප්‍රකාශ කරන සේක.

සේනාංකවල ස්වාමින්වහන්සේ මෙසේ පවසන සේක: “නොහොබිනා බලාපොරොත්තුවලින් ඔබ පුරවමින් ඔබට දිවැසි වැකියෙන් පවසන දිවැසිවරුන්ගේ වචනවලට සවන් නො දෙන්න; ස්වාමින්වහන්සේගේ මුවින් කී දෑ නො ව තමන්ගේ ම මනසින් මවා ගත් දර්ශන ය.