උත්පත්ති 39වෙතින් ජනප්‍රිය බයිබල් පද

බෙදාගන්න

ස්වාමින්වහන්සේ යෝසෙප් සමඟ වූ සේක. එබැවින් ඔහු සඵල විය. ඊජිප්තියානු තම ස්වාමියාගේ නිවසේ ඔහු වාසය කළේ ය.

මෙසේ ඔහු තමා සතු ව තිබූ හැම දෙයක් ම යෝසෙප්ට බාර කළේ ය. ඒවා ඔහුගේ බාරයේ වූ බැවින්, තමාගේ ආහාර පාන ගැන මිස, අන් කිසිවක් ගැන ඔහු සොයා බැලුවේ නැත. මේ වන විට යෝසෙප්, රූපසම්පන්න, කඩවසම් පෙනුමින් යුතු කෙනෙක් විය.

සිරගෙදර අධිකාරිවරයා සිර ගෙයි සිටි සිරකරුවන් සියල්ලන්ගේ භාරකාරත්වය යෝසෙප්ට පැවරී ය. එහිදී කරන හැම කාරියක වගකීම ද ඔහුට පැවරී ය.

එබැවින් යෝසෙප්ගේ ස්වාමියා, ඔහු අල්ලා, රජුගේ සිරකරුවන් සිරකර තබන සිර ගෙයි දැම්මේ ය. යෝසෙප් සිර ගෙයි සිටියදීත්, ස්වාමින්වහන්සේ ඔහු සමඟ වූ සේක්, ඔහුට කරුණාව පා, සිරගෙදර අධිකාරිගේ ප්‍රසාදය ඔහුට ලබා දුන් සේක.

මද කලකින් යෝසෙප් වෙත ආශා දෑස යොමන්නට වූ ඔහුගේ ස්වාමියාගේ බිරිඳ, “මා හා යහනට එන්නැ” යි ඔහුට කතා කළා ය. එහෙත් එය ප්‍රතික්ෂේප කළ ඔහු, තම ස්වාමියාගේ බිරිඳ අමතමින්, “මගේ බාරයේ තිබෙන නිසා, මේ නිවසේ කිසි දෙයක් ගැන සොයා බලන්නට මගේ ස්වාමියා කරදර නො වෙයි. තමා සන්තක හැම දේ ම, ඔහු මගේ බාරයට පවරා තිබේ. මේ නිවස තුළදී මට වඩා උසස් කෙනෙක් නැහැ. ඔබ ඔහුගේ බිරිඳ බැවින්, ඔබ හැරුනු කොට මගේ ස්වාමියා අන් කිසිවක් මගෙන් වළක්වා නැත. එසේ නම්, මා මෙවැනි මහා දුෂ්ටකමක් කොට දෙවියන්වහන්සේට එරෙහිව පව් කරන්නේ කෙසේ දැ?” යි කීවේ ය.

මේ අතර දිනක් ඔහු තම කාරියේ යෙදෙන පිණිස ගෙතුළට ගියේ ය. ගෘහවාසී මිනිසුන්ගෙන් කිසිවකුත් ගෙතුළ සිටියේ නැත. එවිට ඔහුගේ සළුවෙන් ඔහු අල්ලා ගත් ඈ, “මා සමඟ සයනය කරන්නැ” යි කීවා ය. එහෙත්, ඔහු තම සළුව ඇගේ අතේ තියෙන්නට හැර, ගෙයින් පිටතට පලා ගියේ ය.