ද්විතීය 10වෙතින් ජනප්‍රිය බයිබල් පද

බෙදාගන්න

එබැවින් දැන් ඉශ්‍රායෙල්වරුනි, ඔබේ දෙවියන්වහන්සේ වන ස්වාමින්වහන්සේ ඔබෙන් ඉල්ලා සිටින්නේ මොනවා ද? ඔබේ දෙවියන්වහන්සේ වන ස්වාමින්වහන්සේට භය පක්ෂපාත වීමත්, උන්වහන්සේගේ සියලු මාර්ග අනුගමන කිරීමත්, උන්වහන්සේට ප්‍රේම කිරීමත්, ඔබේ මුළු හදින් ද ඔබේ මුළු ජීවයෙන් ද ඔබේ දෙවියන්වහන්සේ වන ස්වාමින්වහන්සේට සේවය කිරීමත්, ඔබේ සුබ සෙත පිණිස මා අද ඔබට දෙන ස්වාමින්වහන්සේගේ ආඥා හා නියෝග ඉටු කිරීමත් නො වේ ද?

මන්ද ඔබේ දෙවියන්වහන්සේ වන ස්වාමින්වහන්සේ දෙවියන්ගේ දෙවිඳාණෝ ය; ස්වාමින්ගේ ස්වාමියාණෝ ය. උන්වහන්සේ, තරාතිරම් නො බලන, අල්ලස් නො ගන්න බලසම්පන්න වූත්, බියජනක වූත් උත්තම දෙවියන්වහන්සේ ය.

එබැවින් ඔබේ හදවත් චර්මඡේද කර ගන්න. තවදුරටත් මුරණ්ඩු නො වන්න.

උන්වහන්සේ පියා අහිමි දරුවන්ටත්, වැන්දඹු කාන්තාවනටත් යුක්තිය ඉටු කරන සේක. ආහාර පාන හා ඇඳුම් දීමෙන්, ඔබ අතර වසන විදෙස්සනට ප්‍රේම කරන සේක.

ඔබ ප්‍රශංසා කළ යුතු උන්වහන්සේ ය; ඔබේ දෙවියන්වහන්සේ උන්වහන්සේ ය. ඔබේ ම ඇස්වලින් ඔබ දුටු ඒ භය ජනක මහා ආශ්චර්යයන් ඔබ උදෙසා ඉටු කළේ උන්වහන්සේ ය.

ඔබේ දෙවියන්වහන්සේ වන ස්වාමින්වහන්සේට භය පක්ෂපාතී ව, සේවය කරන්න. උන්වහන්සේට ඇලුම් ව සිටින්න; ඔබේ දිවුරුම් උන්වහන්සේගේ නාමයෙන් දෙන්න.

ස්වර්ග ද උත්තම ස්වර්ග ද පොළොව හා එහි ඇති සියල්ල ද අයිති ඔබේ දෙවියන්වහන්සේ වන ස්වාමින්වහන්සේට ය.

එබැවින් ඔබත්, ඊජිප්තුවේ විදෙස්සන් ව සිටි බැවින්, විදෙස්සනට ප්‍රේම කළ යුතු ය.