Yohane 15වෙතින් ජනප්‍රිය බයිබල් පද

බෙදාගන්න

Miyo ká mpesa, nyuwo mwá mirai aya: yowo anakhala mwa Miyo, ni Miyo mwa yowo, yowo aníma sawima sinchipale; wi káhikhala’vo Miyo hamuwerya wera etchu.

Khalani mwa Miyo, ni Miyo mwa nyuwo. Ntoko murai howerya wima va mekhaya, wáhikhala mwa mpesa; mwawihiha hemwanono nyuwo’tho, mwáhikhala mwa Miyo.

Mwakhala mwa Miyo, ni masu aka anakhala mwa nyuwo, kohani etchu yeyo munakhwelanyu, nave enarwa‐yeriwa wa nyuwo.

Nyuwo hamwákithanlile Miyo, nyenya Miyo káhothanlani, nave káhokerihani, wi mwahirowe nyuwo mwime yawima, ni wi yawima’nyu yakhale: wi etchu yeyo munirianyu mukohe Atithi mu nsina naka óvaheni nyuwo.

Havovo mutchu orino osivela wopwaha wu wawi mutchu anariha okumi awe ntakhara a anthamwene awe.

Murai mukina mwa Miyo yowo ohiníma, annavíha’vo: nave yowo oníma, annachina, wi wime sawima sawacha.

Nlamulo naka ti nla, wi, musivelane mukina ni mukhwawe, ntoko kihosivelani nyuwo.

Mwa ela annachichimihiwa Atithaka, wi mwime sawima sinchipale; nave munarwa‐mukhala óhuserya’ka.

Miyo ká mpesa enesha, nave Atithaka ti mulipa‐emacha.

Mukina áhikhala mwa Miyo, órihiwa vate ntoko murai, anyála; nave anathuku?-?manya iho ariha o moroni, nave sinavya.

Iha kihuluma ni nyuwo, wi otheya waka okhale mwa nyuwo, ni wi otheya wanyu osareye.

Mwakhapelela malamulo aka munarwa‐mukhala mu osivela waka; ntoko Miyo kokhapelela malamulo a Atithaka, nave kinakhala mu osivela wawe.

Itchu iha kinalamulela nyuwo, wi mwasivelane mukina ni mukhwawe.

Mwákhanleke a elapo ya vathi, elapo ya vathi ekásivela yawawe ya mekhaya; nyenya ntakhara hamuri a elapo ya vathi, nyenya Miyo káhothanlani nyuwo mwa elapo ya vathi, ntakhara a ela ennawichani nyuwo.