ലൂക്കോസ് 10වෙතින් ජනප්‍රිය බයිබල් පද

බෙදාගන්න

ഇദാ ണോഡി, പാമ്പ്‌ഗണാമ് ണ്‌ണ്ട്‌തോളുഗണാമ് മെ്ട്ടി പിജ്‌ക്ക്യാമ്, ഏദ്‌ക്കാറാ് സെയിത്ത്യാന്‌ദ് എല്ല സക്‌ദിനാമ് മീ്റി കഡാക്ക്യുള്ള അദിഗാരണാമ് സക്‌ദിനാമ് ണിമാക്ക് തന്തിര്‌ക്കെ. ഒരു ജാദിക്ക്‌മ് ണിമാണ ഗായ ആക്ക്യ മുഡ്യമാട്ട.

അക്കുളെ ആണ്ടവാ്: മാറ്‌ത്തെ, മാറ്‌ത്തെ, ണീ പല കാര്യണ ണെനേത്ത് എ്ണ്ണപ്പട്ട് അങ്കലാപ്പ്‌പഡ്‌റെ. ആന ഒന്റുത്തെ ബേ്ഡു. മറിയ ണല്ലാദ്‌ണ തെരിന്തെ്ഡ്‌ത്തിര്‌ക്ക. അദ്‌ണ ആര്‌മ് അവാളോഡെ ഇര്‌ന്ത് എ്ഡ്‌ത്ത് തള്ള്യ മുഡ്യമാട്ട.

അദ്‌ക്ക് അയാള്: << <ണിന്ന് സാമി ആന ആണ്ടവാന മനേസ്സാറ സീവാ് ബ്‌ട്ട് ണഡാക്കുഡൊ. ണമ്മ് ഉജുറുണ കൊഡുത്ത്‌മ് സാമിന സീവാ് ബ്‌ഡുഡൊ. ണമ്മ് മുജുവുണ മുച്ചുഡാമ് സാമി ബേലേക്ക് കൊഡുക്കുഡൊ. ണമ്മ് സാമിനാത്തെ എപ്പ്‌മ് ണെനേത്ത് കൊണ്ടിര്‌ക്കുഡൊ> എന്ത്‌മ് <ണിനാണ ണീ സീവാ് ബ്‌ട്ട് ണഡാക്ക പാസെ ണിന്ന് എ്ണേവുക്കാറാനാമ് സീവാ് ബ്‌ട്ട് ണഡാക്കുഡൊ> എന്ത്‌മ്‌ത്തെ>> എന്ത് സൊന്നാ്.

എന്ത്‌ട്ട് ഏസു അവാര്‌ക്കെ സൊന്നാ്: <<അന്ന അറ്‌ക്ക്യ എത്തിന്യൊ ഇര്‌ക്ക്‌ദ്. ആന അറ്‌വെക്കാറാര് ലേസാത്തെ. അദ്‌ണാലെ അറ്‌ക്ക്യ ബേ്ണ്ടി ബേലെക്കാറാര്‌ണ സൊല്ലിബ്‌ഡുഡോമെ എന്ത് കാഡ്‌ക്കാറനാന പണ്ണാഡിക്കെ ബേ്ണ്ടികൊള്ളിരി.

ഏസു അയാള്‌ണ കേ്ട്ടാ്: <<ത്‌റ്‌ട്ടാര്‌ദ് കയ്യിക്കെ സിക്കിന ഇവാന്‌ക്ക് ഈ മൂണാളിലി ആര് എ്ണേവുക്കാറാ് ആയി തീന്താ് എന്ത് ണെനേക്കെ.>> അക്കുളെ ബേദ ബാത്ത്യാ്: <<അവാനോഡെ കറ്‌മ്മ പ്‌ഡിത്തവാ്ത്തെ>> എന്ത് സൊന്നാ്. അക്കുളെ ഏസു ബേദ ബാത്ത്യാന്‌ക്കെ: <<ണീമ് പോയി അദേപാസെ താനെ സെയ്യി>> എന്ത് സൊന്നാ്.

സെന്നായിഗാദ് പട്ട്‌ക്കെ കൊറ്യാഡ്‌കുട്ടിന സൊല്ലിബ്‌ഡ്‌റ പാസെ ണാന് ണിമാണ സൊല്ലിബ്‌ഡ്‌റെ. ണിമ്മ പോയി.