ወንጌል ዘማቴዎስ 8වෙතින් ජනප්‍රිය බයිබල් පද

බෙදාගන්න

ወይቤሎሙ ምንት ያፈርሀክሙ አንትሙ ሕጹጻነ ሃይማኖት ወተንሢኦ ገሠጾሙ ለነፋሳትኒ ወለማዕበለ ባሕር ወኮነ ዐቢይ ዛኅን።

ወአውሥአ ሐቤ ምእት ወይቤ እግዚኦ ኢይደልወኒ ከመ አንተ ትባእ ታሕተ ጠፈረ ቤትየ ዳእሙ አዝዝ በቃልከ ወየሐዩ ወልድየ።

ወሰሚዖ እግዚእ ኢየሱስ አንከረ ወተመዪጦ ይቤሎሙ ለእለ ይተልውዎ አማን እብለክሙ ኢረከብኩ ከመዝ ዘየአምን በውስተ ኵሉ እስራኤል።

ወይቤሎ እግዚእ ኢየሱስ ለውእቱ ሐቤ ምእት ሑርኬ ወበከመ ተአመንከ ይኩንከ ወሐይወ ወልዱ በይእቲ ሰዓት ወገቢኦ መስፍን ውስተ ቤቱ ረከቦ ለቍልዔሁ ሐዪዎ።

ወአንከሩ ሰብእ ወይቤሉ መኑ እንጋ ውእቱ ዝንቱ ዘይትኤዘዙ ሎቱ ባሕርኒ ወነፋሳትኒ።