ወንጌል ዘማቴዎስ 2වෙතින් ජනප්‍රිය බයිබල් පද

බෙදාගන්න

ወበዊኦሙ ውስተ ቤት ረከብዎ ለሕፃን ምስለ ማርያም እሙ ወወድቁ ወሰገዱ ሎቱ ወአርኀዉ መዛግብቲሆሙ ወአብኡ ሎቱ አምኃ ወርቀ ከርቤ ወስኂነ።

ወተወሊዶ እግዚእ ኢየሱስ በቤተ ልሔም ዘይሁዳ በመዋዕለ ሄሮድስ ንጉሥ ናሁ መጽኡ መሰግላን እምብሔረ ጽባሕ ወበጽሑ ውስተ ኢየሩሳሌም። እንዘ ይብሉ አይቴ ሀሎ ዘተወልደ ንጉሠ አይሁድ እስመ ርኢነ ኮከበ ዚኣሁ በምሥራቅ ወመጻእነ ከመ ንስግድ ሎቱ።

ወርእዮሙ ኮከበ ተፈሥሑ ዐቢየ ፍሥሓ።

ወነገሮሙ በሕልም ከመ ኢይግብኡ ኀበ ሄሮድስ ወእንተ ካልእት ፍኖት ገብኡ ወአተዉ ብሔሮሙ። ወእምድኅረ ኀለፉ እሉ ናሁ መልአከ እግዚአብሔር አስተርአዮ በሕልም ለዮሴፍ እንዘ ይብል ተንሥእ ወንሣእ ሕፃነ ወእሞ ወጕየይ ውስተ ብሔረ ግብፅ ወሀሉ ህየ እስከ አመ እነግረከ።