ወንጌል ዘሉቃስ 3වෙතින් ජනප්‍රිය බයිබල් පද

බෙදාගන්න

ወእምድኅረ ተጠምቁ ኵሉ ሕዝብ ተጠምቀ እግዚእ ኢየሱስኒ። ወእንዘ ይጼሊ ተርኅወ ሰማይ ወወረደ መንፈስ ቅዱስ ላዕሌሁ በአምሳለ ሥጋ ርእየተ ርግብ ጸዓዳ ወመጽአ ቃል እምሰማይ ዘይብል አንተ ውእቱ ወልድየ ዘአፈቅር ወኪያከ ሠመርኩ።

ወአውሥአ ዮሐንስ ወይቤሎሙ ለኵሎሙ አንሰ አጠምቀክሙ በማይ ወይመጽእ ዘይጸንዐኒ ዘኢይደልወኒ እፍታሕ ቶታነ አሣእኒሁ ወውእቱ ያጠምቀክሙ በመንፈስ ቅዱስ ወበእሳት።

ግበሩ እንከ ፍሬ ዘይደልወክሙ ለንስሓ ወኢይምሰልክሙ በብሂለ ሀሎ አቡነ አብርሃም እብለክሙ ከመ ይክል እግዚአብሔር አንሥኦ ውሉድ ለአብርሃም እምእላንቱ አእባን።

እስመ ናሁ ወድአ ተሠይመ ጕድብ ኀበ ጕንደ ዕፀው ወለኵሉ ዕፅ ዘኢይፈሪ ፍሬ ሠናየ ይገዝምዎ ወውስተ እሳት ይወድይዎ።

በከመ ይብል ቃለ መጽሐፈ ኢሳይያስ ነቢይ ዘይቤ፤ «ናሁ ቃለ ዐዋዲ ዘይሰብክ በገዳም ወይብል ጺሑ ፍኖተ እግዚአብሔር ወዐርዩ መጽያሕቶ። ኵሉ ማዕምቅ ይምላእ ወኵሉ ደብር ወወግር ይተሐት ወይኩን መብእስ መጽያሕተ ርቱዐ ወይዕሪ ፍኖት መብእስ። ወይርአይ ኵሉ ዘነፍስ አድኅኖቶ ለእግዚአብሔር።»