ലൂക്കോസു 9වෙතින් ජනප්‍රිය බයිබල් පද

බෙදාගන්න

പ്‌റസാരി ഏസ്സ് അവാര്‌ക്ക് ഇത്തെ സൊന്നാന്: <<ആരാറ്റ എന്ന് പിന്ന്‌മേലെ ബര്യ ആസെപട്ടദാന അയാള് തനാക്ക് ഇര്‌ക്കുവാദ്‌നെല്ല ബ്‌ട്ട്‌തള്ളി നാള്‌ക്ക്‌മ് ബരുവ കജട്ടഗാള്‌ന താങ്കി തന്ന് ഉജുരുന ഗുഡി കൊഡുക്ക്യ ഒരിങ്കി കൊണ്ടു എന്ന് പിന്ന്‌മേലെ നഡാക്കുഡൊ.

ആരാറ്റ തന്ന് ഉജുരുന കാപാറ്റ്യ ആസെപട്ടദാന അയാള് അദ്‌ന കെ്ഡേസമാട്ടാന്. എനാക്ക് ബേ്ണ്ടി തന്ന് ഉജുരുന കൊഡുത്തദാന അയാള് അദ്‌ന കാപാറ്റുവാന്.

അദുക്കുള ഏസ്സ്: <<കലാപേക്ക് കയി ബെത്ത പ്‌റ തിരിഗി നോഡുന്റവാന് കക്കറെമൊക്കറെ ഉളുവാന്. ഇദേപാസെ ഇര്‌ക്ക്‌ന്റവാന് സാമി ആളുവാദ്‌ന പറ്റി സൊല്ലുവ ഗിലാസാക്ക് തഗ്‌ന്തവാനല്ല>> എന്റ് സൊന്നാന്.

ഒരുത്താന് ഉലഗാത്ത്‌ല് ഇര്‌ക്കുവാദ്‌ന ഒട്ടുക്കു കെ്ഡേസിമ് തന്ന് ഉജുരുന നജ്‌ട്ടമാഡ്യൊ കെ്ഡിസിതള്ള്യൊ ഗേന്തദാന അയാള്‌ക്ക് എന്ത് പ്‌ണ്ണ്യ ഇര്‌ക്ക്‌ന്റ്?

ആരാറ്റ എനാന പറ്റ്യൊ എന്ന് സൊല്ലുസുലാക്കാന പറ്റ്യൊ നാണപട്ടദാന മന്‌സാനായി പ്‌റാന്തവാന് തന്ന് മദ്‌പ്പ്‌ല്‌മ് അപ്പാന് സാമി മദ്‌പ്പ്‌ല്‌മ് സാമിദൂദാര് മദ്‌പ്പ്‌ല്‌മ് ബര്‌ഗാട്ടി അവാര്‌ന നെനേത്ത് നാണപഡുവാന്.

അദുക്കുള ഏസ്സ് അയാള്‌ക്ക്: <<കുള്ളനരിഗാള്‌ക്ക് തങ്ക്യ അളെ ബായിഗാള്‌മ് ബാന്‌ല് പറാന്ത് നഡാക്കുവ പക്കിഗാള്‌ക്ക് ഇര്‌ക്ക്യ ഗൂഡുഗാള്‌മ് ഇര്‌ക്ക്‌ന്റ്. ആന മന്‌സാനായി പ്‌റാന്തവാന്‌ക്കൊ തലെ മറേപ്പ്‌ക്ക് ഗുഡി ഇഞ്ചല എ്ഡെ ഇല്ലെ>> എന്റ് സൊന്നാന്.

എന്റിന്ത് ഇത്തെ സൊന്നാന്: <<എന്ന് പേര്‌ല് ഈ സ്‌ന്ന മഗാന തങ്കാരിത്തദാന എനാന തങ്കാരിത്താദ്‌ക്ക് സമാത്തെ. അദേപാസെ എനാന തങ്കാരിക്ക്‌ന്റവാന് എനാന സൊല്ലി ബ്‌ട്ടവാന്‌ന തങ്കാരിക്ക്‌ന്റാന്. നിമ്മ് കൂട്ടാത്ത്‌ല് മ്‌ഗ്‌ന്ത തണിമോഡ നഡാക്ക്‌ന്റവാന്‌ത്തെ നേര്‌മായിമ് ദൊഡ്ഡവാന്.>>