मरकुस 16වෙතින් ජනප්‍රිය බයිබල් පද

බෙදාගන්න

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

ज्यो मारा पे विस्वास करी, वो अचम्बा का काम करी, वे मारा नामऊँ हुगली आत्माने बारणे काड़ी, अन वे नुवी-नुवी बोल्याँ बोली। यद्याँ वे आपणाँ हातऊँ हाँप पकड़ लेई अन वे जदी जेर भी पीं जाई, तुई वाँके कई नकसाण ने वेई। वे माँदा पे आपणो हात राकी अन वे हव वे जाई।”

ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई।

वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।

पछे वीं मोट्यार वाँने क्यो, “दरपो मती, थें ज्यो ईसू नासरत नगर को रेबावाळो हो, जिंने थाँ होदरी हो, जिंने हूळी पे चड़ायो हो, वो जीवतो वेग्यो हे। वो अटे कोयने हे। ईं जगाँ ने देको, जटे वींने मेल्यो हो।

जद्याँ पछे वाँकाणी आक्याँऊँ देक्यो के, कबर पूँ वो भाटो ज्यो मोटो हो, वो छेटी हरक्यो तको हे। पछे जदी वे कबर में गी, तो वाँकाणी देक्यो एक मोट्यार धोळा-फट गाबा पेरिया जीमणा पाल्ड़े बेटो हे, तो वे दरपगी।