Matyo 19වෙතින් ජනප්‍රිය බයිබල් පද

බෙදාගන්න

Yeso a tə́g əmə́g nə́ pó ńnáŋə ághɔ́b ńtíʼ ńkwěe ńgə́, “Anu zəənə́ á tsɛɛlə̂ lə́ ŋwunə, lə́ á mbô Əsê, anuə yətsə́ á kě yí tsɛɛlə̂ pô.”

Lə́ələ́ pə́ ńgə́ pó kě pɛ́d ḿbə́ lə́ pɨ pɛ́n pɛ̌ pô, pó tíʼ ḿbə́ lə́ táʼ mbəəmə. Ńdaŋ ə́lɨ́d, ajúmə atsəm páʼ Əsê a kyeetə̂ nə́ aliʼə́ mɔʼə́, kɔ ŋwunə a shamkə̂.”

Yeso a kwěe ńgə́, “Nə kě kə́ fóŋə ńgə́ ŋwu páʼ a kə tsoŋkə̂ nə́ ághɔ́b ə́fɛ́lə nəfɛdnə́ a nə ńtsoŋkə̂ ŋwu mbyâŋnə pó məngyě? Ə́sóŋ ńgə́, Ndzaŋə á chî nə́ lɛ lə́ ŋwu mbyâŋnə a yǒ mɛdtə̂ tǎ əyǐ pó mǎ əyǐ, ə́ tsɛntə̂ pó ngwě əyǐ pó pɛ́n pɛ̌ ə́ tíʼ táʼ na mbəəmə.

Yeso a sóŋə á mbô pó ńgə́, “Mɛdtə̂ nə́ pɔ̂nkə̂ pó yǐəə á mbô maŋə, kɔ nə́ tə́ ńkɨ́ʼə ághɔ́b ńté ńgə́ anuə nəfoonə nəpóolə a chî lə́ á mbô pəənə ándó pɔ́ pəənə́.”

Lə́, pɨ pi nɨ́ nə́ páʼ pó chî nə́ á mbi pó yǒ tíʼ ndzəmə. Pɨ pi nɨ́ nə́ páʼ pó chî nə́ á ndzəm pó tíʼ mbiə.

Ŋwu ntsəm páʼ a kə́ nə́ mɛdtə̂ məláʼ mí, kɨ pɔ́pə́mɛ́ pí pipə́ mbyâŋnə, kɨ pipə́ pəngyě, kəənə tǎ əyǐ, kəənə mǎ əyǐ, kɨ pɔ́ pí, kəənə afoonə ají ńté mə, Əsê a yǐ pɨ fɛ̂ əpúmə á mbô yí ngǎ nkɛd tsɛ ndɛn páʼ a nə ḿmyaʼ nə́, a kə́ ḿbɨ ńjî nchîntɨ páʼ ə́ mɛdnə̂ nə́ ngǎ mɔʼə́.

Yeso a sóŋ nə yí ńgə́, “Mbɔʼ gho tə́ ńdoonə̂ á mə́ koʼnə̂ nə́ ghɛn fyag, gho ghɛn finə̂ apeʼə azô tsɔʼə atsəm, ə́fɛ̂ nə́ pəpóŋə, afoʼə azô á tíʼ ńchîə nəpóolə; gho tíʼ ńgyǐ ńdzoŋə̂ mə.”

Yeso a kwěe ńgə́, “Lə́ ghɛlə̂ akə̂ gho pítə mə nə́ anu páʼ á pɔŋ nə́, lə́ tsɔʼə ndaʼ táʼ ŋwunə a pɔŋ nə́. Mbɔʼ gho tə́ ńdoonə̂ á mə́ jî nə́ nchîntɨ, gho lɔʼkə̂ məntəgə́ mə́ Əsê.”

Maŋ pɨ̈ ńkə́ fiʼtə̂ áwɨ́ ngǎ yitsə̌ ńgə́ á pwɔ́dnə á mbô anjwa á mə́ kwú nə́ á mə́m ngɔ́d əsáʼ ńtsɛɛlə̂ á mbô ngaŋnkéebə mə́ kwú nə́ á mə́mə anuə nəfoonə Əsê.”

Mäŋ fiʼtə̂ áwɨ́ ńgə́ ŋwu ntsəm páʼ a fóg nə́ ngwě əyǐ ńgə́ a ghɛlə̂ anu yətsə́ tə ńdéʼtə pə́ ńgə́ a tə́ ńkéelə ńjínə, ḿbɨ ńdzɔ́ʼə məngyě yi ndaʼ a jî lə́ mə̂ghabə.”

Yeso a tíʼ sóŋə á mbô ngaŋə́zoŋə́ndzəm əjí ńgə́, “Maŋ fiʼtə̂ áwɨ́ nə ndə̌ŋdəŋ ńgə́, á tyantə̂ á mbô ngaŋnkéebə á mə́ kwú nə́ á mə́mə anuə nəfoonə nəpóolə.