Abharuumi 5වෙතින් ජනප්‍රිය බයිබල් පද

බෙදාගන්න

Kasi Waryobha yaatwörökya igha natohanshirë bhököngʼu, ko okoreeta Yëësu Kiristo akwe ko okoghera iya bhëëtö, hano twaarenga abhaköri abha ëbhëbhë.

Ubhweseghe bhuyö, tëbhötösöökërri hë, ko bhoora Waryobha yaatohaana righonshe rinene mo-senkoro isyëtö, okohetera Umwika Ömöhörëëru uwaaye.

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö. Ököghömërrya nkoghera körë tobha abhakarë. Na obhokarë bhuyö, nkoghera bhörë tobha na ubhweseghe.

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo. Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

Mbe, hano twaarenga abhataaniinu, Yëësu Kiristo yaaishirë, enkaagha ekahika, akakwa ko okoghera iya ëbhëbhë ibhyëtö.

Mbe, nyoore twabharwa igha na-abha heene törë ko okohetera amaanyinga agha Yëësu Kiristo, m-boheene igha, kora narëtötöörya totakaasoha mu-bhushibhu ubhwa okorerra ukwa Waryobha.

Kya bhoora igha, ömöntö ömwë yaangirë ukwighwera Waryobha, akaghera abhantö bhonswe igho bhakabha abhaköri abha ëbhëbhë, ni-ighoigho kora ömöntö ömwë ono yaaighwërëëyë Waryobha, yaaghera abhantö abhaaru bhakabharwa igha m-ba heene.

Te-ngʼana iyö iyeene igho hë, kasi Waryobha atökörrë tushomerwe bhököngʼu, ko bhoora Omonene uwëëtö Yëësu Kiristo, yaakora twaighwerrana na Waryobha.