Yohana 12වෙතින් ජනප්‍රිය බයිබල් පද

බෙදාගන්න

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Ömöntö wowonswe igho ono ahanshirë öbhöhöru ubhwaye, uyö nkubhusikya arë. Kasi ono atatöniibhwi na öbhöhöru ubhwaye ko-kebhara kono, uyö nkorenda arë öbhöhöru ubhwaye, ko okoghera iya öbhöhöru ubhwa amakora ghonswe igho.

No-bhoheene nkobhatëëbhya igha, hano imbusiro iya engano etatubhiriibhwi mo-marobha ikwe tekomera hë. Kasi hano eraatubhiribhwi, emare ikwe, hayö ho ikwama sehagho sinsharu.

Öni naasha igha mbe obhorabhu ko-kebhara kono, okore kera ömöntö ono akunkumya atakaikara mu-kisuntë.

“Ömöntö ono akwighwa amangʼana aghaane, aanga okoghaghoota, öni tenkomobhotorra ikiina hë, ko bhoora tenaasha ko-kebhara kono igha mbotorre abhantö ibhiina ibhyabho hë, kasi naasha igha ntööri ekebhara keno.

Mbe, Maryamu akaghegha inshubha iya amaghuta agha öbhöghöri obhonene agha ikirumba ikiiya, akahaka Yëësu ko-maghörö, akamweya ko-maghörö na situukya isyaye. Inyumba yonswe igho, ekeeshora ikirumba ikiiya ikya amaghuta ghayö.

Mbe, bhakaghegha amasagharya agha emetende, bhakaghya ukumuturungʼana. Bhakasherra bharaghamba igha, “Hosana! Waryobha akongʼoore ono ukuusha ko okohetera iriina irya Omonene Waryobha! Angʼoorwe Omokama uwa Abhaisiraëri.”

Yëësu akabhahonshora igha, “Enkaagha ihikirë iya Omoona uwa Ömöntö okohaanwa ubhuhika.