Baloma 6වෙතින් ජනප්‍රිය බයිබල් පද

බෙදාගන්න

Bulumbu bwazinyonyoono ndufu, pele Leza ncapa buyo mbuumi butamani muli Kilisito Jesu Mwami wesu.

Kuzwa ono cinyonyoono tacili aanguzu kulindinywe, nkaambo ceendelezya buumi bwanu tuuli Mulawo pe, pele nduse lwa Leza lutaambiki.

Aboobo cili mbuli kuti twakafwa akuzikkwa anguwe kubafu anguzu zyawisi, mbubonya oobo aswebo tweende mubuumi bupya.

Mutabelesyi cimwi cazizo zyanu kuzibi. Pele mulipe kuli Leza mbuli bantu bakazwa mulufu kuya mubuumi. Amubelesye zizo zyanu mukucitila Leza zyabululami.

Tulizi kuti buntunsi bwesu bwakaloba naakakankaminwa aciingano kuti bukkale bwesu bubi bunyonyoonwe aboobo tutabi limbi bazike bazinyonyoono.

Mbubonya oobo anywebo mulifwide kuzinyonyoono, pele mulapona kuli Leza muli Kilisito Jesu Mwami wesu.

Lino twaambe buti? Sena inga tulati katubisya buyo kutegwa luse lwa Leza luvule kapati? Peepe! Ino swebo notufwide mukuti tatutobeli nzila yazinyonyoono inga twazumanana buti kukkala mukucita zibi?

Kuti walyaaba mbuli muzike kuli umwi, uleelede kumuswiilila. Naa muli bazike bazinyonyoono muyoofwa, pele naa mwabelekela Leza muyooba balulami.

Ncobeni mwakali bazike bazinyonyoono, pele tulalumba Leza nkaambo mazuba aano mulaswiilila amoyo oonse njiisyo zyakasimpe nzimwakaiisigwa. Lino mwavunwa kuzwa muzinyonyoono mwaba batwanga babululami.