LEVI 26වෙතින් ජනප්‍රිය බයිබල් පද

බෙදාගන්න

Niitsa khuva na munyi. Niitsa khuva Nyasaye wenyu; na munyi muliitsa khuva khandi vandu vaanje.

niitsa khumurumila imbula mu tsinyinga tsienyekhanga, nikanyalikha mulimi kwame viraakwa viakwo khandi misala chia matunda kako.

“Niiva muliitsa khumenya khulondokhana khu mechitso kaanje, nu khulonda malako kaanje

“Niitsa khuchila mumenye mu milembe mu shivala shienyu, nu khukona tsindolo, vuchila khuriakhu mundu. Niitsa khukhunganyinya tsinyama tsindulu tsiumbulimu khurula mu shivala shinu; khali liihe lilivula khuvakhuho.

Niitsa khumukasitsa nu khumukhola khwivula vaana vanyishi. Niitsa khurweshitsa shia shindu shiosi khulondokhana khu lilakano lianje lia nakhola na munyi.

Ninzi Mwami Nyasaye, uli Nyasaye wenyu, wamurulitsa mu shivala shia Misri, khuvula khuva varukwa va Vamisri. Niitsa khutong'olanyinya minyololo chiavo, khumukhola khuchenda vuchila khukokhomela.”

Niitsa khumenya na munyi mu Liheemo Litakatifu, nu khuvula khumwambakhana.

Mwami Nyasaye yavoola, “Muvuli khwilombela misambwa inoho shifwanani shiakhongwa inoho lichina litakatifu. Muvuli khusinjilitsakhu lichina liakhongwa mu shivala shienyu, khusaala khulio. Ninzi Mwami Nyasaye, uli Nyasaye wenyu.

Viraakwa vienyu viamuchesa, viliitsa khuva vinyishi khali khumala muhika mulala. Khali ndio, muliitsa khusiuva ihale wene viraakwa vikhulu, via mwali numwachesa khale, khuhaana vwiyangu khu viraakwa viyia.

Vandu varanu khurula mu munyi, valiitsa khwilukhanyinya vatsiku imia indala; khandi vandu imia indala khurula mu munyi, valiitsa khuva ni tsingulu tsiu khukuura vandu tsiheelefu likhomi; muliitsa khwiira vatsiku venyu voosi.

Viraakwa vienyu viliitsa khuva vinyishi khali kamulombe mutsililile khuchesa imu, nikali matukhu ku khwatuula matunda ki misabibu; khandi mulatsililila khwatuula matunda ki misabibu, nikali matukhu ku khuraaka imu. Muliitsa khuva ni viukhulia viosi via mwenyanga khulia; nu khumenya mu milembe mu shivala shienyu.

Muliitsa khuva ni tsingulu tsiu khukuura vatsiku venyu; navo valiitsa khukhutsa.

Mutsililile khukhola kenyekhanga khulitukhu lianje li Lisabato, khandi muhe Havundu Hatakatifu hanje luyali. Ninzi Mwami Nyasaye.