Jɛ́nɛ́sì 35වෙතින් ජනප්‍රිය බයිබල් පද

බෙදාගන්න

Ɓó kɔ̃in ɖeɛɛ, Gèɖèpɔ́ɔ̀ cɛ̃ɛ ma ɔ gbo, ké ɔ ɖá, “Mɔ̄ mɔ̀ kpé-séín-ɓéɖé-Gèɖèpɔ́ɔ̀. Nì mu dúún zaìn, ɓɛ́ m̀ ké dyí vò. Ɓóɖó-dù kò-kò ɓě mu ɖé m̀ mú sɔ̀ùn, ké kã́á ɓě mu ɖé m̀ mú sɔ̀ùn ɖekè. Ɓóɖó ɓɛ́ ḿ nyí ma kà Ééɓòɖòhɛ̃́ɛ̀ kè Áázèɛɛ, ní muɛ m̀ nyíìn, ké ní muɛ nì xwíníín-dyù ɓěɔ̀ nyíìn ɖekè.”

Sɔ̀ìn ɓóɛ gboɛɛ, nìí, ɓɛ́ ɓěà ké dyí sɔ̀, ɓɛ́ ɓěà ké ɖé Bɛ́fèò-hwɔ̀ɖɔ̀ɔ̀ mú mu. Ɖéɛ̀ ní mu sáa-kɔ̃-zàìn-gbàà ɖò poùn ɓó Gèɖèpɔ́ɔ̀ mɔ̀ nyɔ jǔ ma kà ní ɓaà-wùɖùɔ̀ gɔ̃̌ ɖé ní fũ̀à-fṹá-tìɔ̀ múɛɛ bìì. Ɔ nì ɓó ḿ gbo dɛ̀ séín ɓɛ́ ní mu kɛ.”

Ké ɔ cɛ̃ ma Jékɔ̀ ɖɛ dyúáɖò ɔ cɛ̃ zɔ̃̌ɔ̀ kà ɔ gbo kĩ́ín nyɛɛ gbo ɖe, ké ɔ ɖá, “Nì nyɛ́nɛ́ mɔ̀ Jékɔ̀, kɛɛ sɔ̀ìn ɓó zɛ̃̌ɛ̀ gboɛɛ, nì nyɛ́nɛ́ se Jékɔ̀ jǔɛ mu ɖe. Ɔ muá Éézùɖùɛ̀ jǔùn.” Ɔ jèɛɛ, ɔ jǔìn ma ɔ Éézùɖùɛ̀-nyɛ̀nɛ̀.

Ɔ jèɛɛ, Jékɔ̀ cɛ̃ɛ ma ɔ gbǒ-xwíníín-nyɔ̀ ɓěɔ̀ gbo, ké ɔ ɖá, “Ɓě po gèɖèpɔ́ɔ̀ kò-kò séín ɓě ɓéɖéɛɛ xwáɖáún, ɓɛ́ ɓě ké ɓě mìɔùn mú hwɔ, ɓɛ́ ɓě ké ɓěɛ̀ ɖɔ ɓěɔ̀ gbo zĩàìn.

Hwɛ̀ ké Gèɖèpɔ́ɔ̀ cɛ̃ɛ ma Jékɔ̀ gbo, ké ɔ ɖá, “Sɔ̀ dyí, ɓɛ́ m̀ ké ɖé Bɛ́fèò-hwɔ̀ɖɔ̀ɔ̀ mú mu, ɓɛ́ m̀ ké ɖé cĩ́, ɓɛ́ m̀ ké ɖé sáa-kɔ̃-zàìn-gbàà ɖò po ɓó ḿ bìì. Mɔ̄ mɔ̀ nyɔ wóɖóìn ma kà m̀ dyí ti ɓɛ́ m̀ nì ma kà m̀ ɖíí-gàà Íìsɔ́ɔ̀ xwaún xwáɖáún kpáuń wɛ̃.”

Ti ɔ nìǎ ma ɖé fɛ̀ɛ̀ zàǔn wɛ̃ɛ, ɔ jǔìn ma ɔ dyúɔ̀ Bɛ̃̀nɔ́nì-nyɛ̀nɛ̀ kɔ̃̀ xwíníín mɔ̀à fũ̀à-fṹá kɛ, ké ɔ mɛ́ ma. Kɛɛ dyúɔ̀ ɓǎ jǔìn ma ɔ Bɛ̃́címà-nyɛ̀nɛ̀ kɔ̃̀ xwíníín mɔ̀à mana kɛ.