1 Itimoti 3වෙතින් ජනප්‍රිය බයිබල් පද

බෙදාගන්න

Avaba aza ẹ́ẹ dọ ka ahẹkẹ ayị ọnọnị, ọ ka hịịn, iruvo anị ọ́ọ nyịnẹ ẹtẹẹtẹrẹ: Ikirisiti ọ́ọ sị ẹngụ anị zụ̀ anka ọzarẹyịrẹsụ. Ụhwẹ Ọnịnị ọ́ọ sị zụ̀ ka ọnịzẹyịza ọ vị nị, anggẹẹrị nịnị e re ree. Áa kà ịrẹyị anị yị anẹhẹ, anẹhẹ ẹ́ẹ sị ayị tụra, dị a sị ọọ nọ ẹbẹẹba ini igirima nị.

Ama ẹ́ yị vọrọ ka ọdọvịdị ịragụ ọ̀ nyị ohuvọ pẹrẹ. Ọnẹẹ ikonya a rẹ vọrọ ka ọ̀ nyị nị. Áa vọrọ ka ọ̀ vị ọza ana zụ sị ụvọ za ẹngụ anị, dị ọ̀ rẹẹ mẹ̀ ebira ịrẹyọyẹ. Áa vọrọ ka ọdọvịdị ịragụ ọ̀ọ mẹ̀ ebira ana vọrọ, dị òo sì ọzọga, dị ọ̀ rẹ zụụ sị ịsaa zụ̀ aza.

Áa vọrọ ka ọdọvịdị ịragụ Ohomorihi ọ̀ zụ sị ụvọ za irehi anị ẹtẹẹtẹrẹ, dị ezi anị ẹ̀ẹ wụ́ ịrẹyị anị, dị ẹ̀ sị ụbanyị yọ ẹtẹẹtẹrẹ.

Aza ana vị ọnọgụvọ ịnị ịragụ Ohomorihi vị ana a vọrọ ka ọ̀ nyị ọnẹẹ ikonya, dị ọ̀ rẹ zụ sị ụvọ za ezi ọnịrị aneehi anị ana vọ ẹtẹẹtẹrẹ. Aza ana àa mẹ̀ ụkọrọ anị ẹtẹẹrẹ anka ọnọgụvọ, vaa nyị udi; ẹ rẹ va zụụ nyị ọtụtụrụma, ẹ màa sị ayịị tụra Ijeesu Ikirisiti.