1 Anịkọrịntị 8වෙතින් ජනප්‍රිය බයිබල් පද

බෙදාගන්න

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Mi ree sì ka ma kà ọ̀nọ̀ ịnị ịrẹyị ịsa ana a sị mẹ̀ ịsọvọ yị ori nịnị. Yâ yẹ ka avaba ayị ọ́ yẹ ịsa. Ama ẹngụ ịrẹyọyẹ ọnọ vị ana aā mẹ ka za ọ̀ọ sị ẹngụụ tụ́ ẹba. Ịsị ẹ zụ gụ ọza ụvọ hu, ọ vị ka, ye sì ịrẹyị ẹngụ nị. Ọza ene èe ro ka ọnị ộ yẹ ịsa, ọnọọ ộ sị zụ ka ọọ̀ yị yẹ tù ịzị a vọrọ ka ọ̀ yẹ tù.

Agụvị avọọ, mê re ka ịsị maa rị, vaa mẹ ka ọnọhụva amị ọ̀ mẹ ịvị, mẹ yị kụkụụ vanaa rị ịsa ọnọọ paa, agụvị asị mị na mẹ ka ọnọhụva amị ò vu ẹtẹ.

Wâ yẹ nịnị ka ẹ yị nyị isu wè yi re oze rị. Ama asị ụ zẹẹ ka ọnọọ ọ̀ mẹ ka aza ana ayị ẹnịnị ẹ̀ yị jẹẹ ẹtẹẹtẹrẹ, ẹ̀ mẹ ịvị!