1 Anịkọrịntị 12වෙතින් ජනප්‍රිය බයිබල් පද

බෙදාගන්න

Ụhwẹ Ohomorihiī sị ẹngụ anịị zụ̀ ịnị ẹngụ ọzọza, agụvị dị ọzọza ọ̀ zụ sịị gụ avaba aza ụvọ.

Agụvị avọọ avaba awụ nịnị vị ẹngụ Ikirisiti, ọzọza yà ịnị ẹngụ ọnọọ.

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Ụhwẹ Ohomorihi sị ịrẹyị ịrẹyọyẹẹ yị aza ẹnyị, dị ọnị ọnyọọnya rẹ mẹ ka aza ẹnyị ẹ̀ yẹ ịsa nị. Ụhwẹ Ohomorihi ọnọọ ọ rẹ yị mẹ ka aza ẹnyị ẹ̀ sị ayị tụra Ijeesu ẹtẹẹtẹrẹ, dị ọ rẹ mẹ ka aza ẹnyị ẹ̀ zụụ̄ mẹ aza ụkụ. Ụhwẹ Ohomorihi ọnọọ ọ rẹẹ̄ mẹ ka aza ẹnyị ẹ̀ẹ mẹ̀ ụkọrọ ohyozirenu, dị ọ rẹ mẹ ka aza ẹnyị ẹnị ẹ̀ẹ kà ịsẹ. Ọ rẹẹ̄ mẹ ka aza ẹnyị ẹ̀ẹ yẹ ụkata ana àa hụụnị ụvọ Ụhwẹ Ohomorihi vẹ ọnịrị ẹnẹ ẹ̀ yị hụụnị ụvọ anị vẹ. Ọ rẹẹ̄ mẹ ka aza ẹnyị ẹ̀ zụụ kà ẹkụra irenyi-renyi, dị ọ rẹ mẹ ka aza ẹnyị ẹnị ẹ̀ zụụ̄ kà iruvo ẹkụra ẹnẹẹ nị.

Ụhwẹ Ohomorihi ọnya chọchọchọ̀ ọ vavọọ aa yịị mẹ̀ ịsa ẹnẹẹ nị. Ộ sị ụkata irenyi-renyii yị ọzọza, anka o mè sì ọọ.

Ohomorihi ộ vavọọ mẹẹ, agụvị asị ẹngụ ọza zụ gà hi, ama dị ọchẹngụ ẹnyị ọ̀ọ tẹsị ọsa.

Ụkata ọnị Ụhwẹ Ohomorihi sịị yị ọdọwụ nịnị vị irenyi-renyi. Ama Ụhwẹ Ohomorihi ọnyọọnya ọ yị sị wa yị ọzọza nị. Ụkọrọ irenyi-irenyi aa mẹẹ yị Ananyị yị nị, ama Ananyị yị vị ọnya. Ohomorihiī mẹ̀ ụkọrọ ịnị ẹngụ ọdọwụ nịnị ini oze irenyi-renyi, ama Ohomorihi ọnyọọnya aa yịị mẹ̀ ẹ ịnị ẹngụ avaba ẹnịnị nị.

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

Avaba ẹngụ ọza ọ yị vị ọyịvụrụ ọnya kẹnẹ. Ộ nyị ọchẹngụ rụrụ.

Ama ọchẹngụ ẹyị ọnị ị ka ẹnị ẹ hyakụ kụmị hu nị, ẹnị ẹ vị ịsa okuku yị yị nị.

Avaba ẹngụ ọza ọ̀ọ vị eyi, sị a kụkụ aa sịị wụ́ ịrẹyị? Avaba ẹngụ ọza ọ̀ọ rẹ va vị ụtọ, sị a kụkụ aa sịị wụ́ agụ? Ama Ohomorihi ọ raà sị avaba ọchẹngụ tụ́ ịnị ẹngụ ọza anka ịzị e zée eyi ka ẹ̀ yà. Ẹ yị yaanị nyị ẹngụ àa vị ọyịvụrụ ọnya kẹnẹ avaba ẹngụ ọza yaanị vị nị.