Yamesa 1වෙතින් ජනප්‍රිය බයිබල් පද

බෙදාගන්න

Walewalehiu, houga witai po wiyuwa uyahihi ona kaoha labatana babana ta hanapugeya naka ata witumagana ludadanahi, uyahinei ta towolo momota.

Ma apo taumi iyawoi ega nugonugomi hina gunagadagadalihi, yaka Yaubada uyahina ona lupali po ina welemi, babana tauna ginouli magomagouhi i gutahi lawa ataputa uyahita po ata lupali ega ita lauhinigaligaliyehi.

Walewalehiu, a paliwelemi po ona inugonugotuhu, lawa hai wibaabani ona nonola imahiyehi ma ega ona leelehi apo omi uyogigai ina lugeleteya.

Houga magomagouna ona towolo momota a sigana ona winugomagula imahi ma Yaubada a bagibagi atapuhi emoemotami.

Ega ona lautanigana hota tamogi bahana ona wiponawogogeya babana apo lutanigana yawa yaka ona koyamena memi.

Apo tauta witai u hinena ta towolo momota yaka ta kaoha, babana ata meiha dewadewana Yaubada uyahinei apo ta tutuhagaya naka luyagohana unuhauna dewadewana tu kadidili lawahi Yaubada ina welehi. Geka Yaubada a paliwitumagana uyahita apo ta luhogaleya yaka.

Walewalehiu, ega ona weluwelupowa. Yaubada yayata i wiwawali po aniꞌmbenena dewadewahi atapuhi uyahinei he nenei, po a mae apega ina buinihi galenana emosi hota.

Apo lawa baha ega ina wotagoya, galenana mei hilo i waya po tepana i galeya, ma iꞌmhoe po i nenae ma tepana galenana nugona i guluwi.

Yaubada Amata witumagana yeuyeuna ma dumadumaluna i lauhogaleya geegekahi, higohigoe ma hiwahiwape hai houga witai uyahihi ta haguhi, ma ega hipuli dewahi ta wootagohi.

Ma apo tam iyai apapoe a ludadana una tuhagaya yaka ega una inugonugotuhu powa po una pa, ‘Yaubada i ludadaniu’. Ega emoemotana Yaubada lawa ina ludadani, babana Yaubada dewa apapoena ega kikina ita luhogaleya. Tauta ata luhogala apapoena e teinita

Apo walehita gehouna ina widayadayabu yaka ina kaoha babana Yaubada amaka i houna geleteya.