1 Korin 12වෙතින් ජනප්‍රිය බයිබල් පද

බෙදාගන්න

Malawin Ndrabun badeh, ndraleheyani iy amwenen ndrame lewan ta lau ta Kindrei marakon. Iy amekes i buku doh, ta taha kaseben iri lau rayah ja.

Na dah bada aha marakon ndrahis ndrala bada Krais le ari, ma bada aha ari, ari badu hawe badan.

Buku bada taha sese atona isi, badeh, bwidi bada taha mara-ei isi. Buku bada taha sese sekesek ta akohok nyaran mwasin, idah kameh bada taha mara-ei sekesek labai.

Taha lau rayah badeh, winiya asehek sahou ta budon. Ya iri rayah ja winiya asehek sahou ta tanan, arile iri ndramas marakon doh badu mine Malawin Ndrabun le ari. Lau rayah badeh, akohok budon handru badeh, boto-on labai. Ya lau rayah ja badeh akohok boto-on ta anyumor ndramak ibo sik amwenen ja. Iri lau mwan ma badih nane doh akohok ndramas ta Malawin Ndrabun ari le. Ta iy ari ja badeh, iy edeu boto-on ta amekes lahou tinan ma kalem. Ta iy ari ja badeh, iy edeu ndramas ta asehek sahou buku propet. Ya, iy ari ja akohok ndramas ta seleya iri malawin marakon, ta Kindrei, deh bwe. Iy ari badeh, akohok ndramas ta asehek boho kon randrah labai ja. Iy ari ja akohok ndramas ta tobolowe iri boho kon doh, ma asehek ili tiri lau ta Kindrei.

Malawin Mwasin ari le nane adeh, amekes iri lakou marakon. Ta so-ok tan le, iy apwai ndramas tan marakon ili ta ndramak ari, ari.

Iy amekes i buku doh, ta bada taha iri satebelese, ma satalan laleyah, arile taha ari, ari winiyan atondrok iri rayah ta kandriyen randra le.

Iri ndramas ta Malawin Ndrabun kede-eh solo-an labai. Arile, Malawin Mwasin badeh, ari le, ma iy edeu lakou doh eme tataha. Taha winiyan amekes iri gok solo-an ta Laban. Arile, Laban badeh, ari le. Kandriyen ta amekes gok kede-eh, iri solo-an labai, arile Kindrei badeh, ari le, ma iy edeu boto-on eme tataha lau marakon, ma taha winiya amekes iri gok doh.

Udu bolo iri lau ta Kindrei, iy atehei iri aposel mwena, ano iri propet, hamon tiri propet, iri lau ta leheya. Ano iy ale atehei lau rayah ta amekes lahou tinan ma kalem, iri rayah ta anyumor lau abo sik, iri rayah ta aseben, iri rayah asahan kabin ta amekes lahou ta Kindrei, ma iri rayah ta asehek iri boho kon randrah labai ja.

Sahou dah handru, bada taha kede-eh ari le bwe. Iy badeh, solo-an labai.

Badeh, bamwenen se bwai! Iri lakou rayah ou abudon, iri nyamu iri bwe, iri badu badam le amwenen. I buku iri bado badam bwe, badam kameh winiya bamwenen bwe.

I buku badam mara-ei ki madam le, ou winiya banuhun ari lakou bwe. Ma, i buku badam mara-ei ki ndranyem le, ou winiya bahon lakou bwe. Arile, Kindrei ndratehei iri lakou marakon badu bada taha ili le se, in hamon ta tanan ma so-ok tan. I buku badam ki sese le, ya badam handru kameh udu heh?