<div class="version vid56 iso6393eus" data-vid="56" data-iso6393="eus">
 <div class="book bkGEN">
 <div class="chapter ch17" data-usfm="GEN.17">
 <div class="label">17</div><div class="s1">Jaunak agintzaria berritu Abrahami</div><div class="p"> 1Abramek laurogeita hemeretzi urte zituela, berriro agertu zitzaion Jauna eta esan zion: &#171;Ni Jainko Ahaltsua#17,1 Jainko Ahaltsua: Jainkoaren titulu honen esanahia ez da argia; emandako itzulpenak grekozko eta latinezkoari jarraitzen die. naiz. Bizi nire zerbitzuan, eta joka zuzen.#Jainko Ahaltsua (El-Xaddai) 28,3; 35,11; 43,14; 48,3; 49,25; Ir 6,3; Zen 24,4.16. 2Ituna egingo dut zurekin: zure ondorengoak arras ugalduko ditut&#187;.#ondorengotza ugaria 12,2+.</div><div class="p"> 3Ahuspez erori zen Abram, eta Jainkoa mintzatzen jarraitu zitzaion:</div><div class="b"></div><div class="q"> 4&#171;Hona egiten dizudan agintzaria:</div><div class="q">herri askoren sorburu izango zara.</div><div class="q"> 5Aurrerantzean, ez duzu</div><div class="q">Abram izango izen, Abraham#17,5 Abraham: Dirudienez, Abram eta Abraham izen beraren bi forma dira, aita garaia da esan nahi dutelarik. Hemen, ordea, Abrahamen izen berria ab-hamon (herri askoren aita) hitzarekin erlazionatzen da; horrela, izenak berak ondorengotza ugariaren agintzaria biltzen du (ik. 12,2 oh.). baizik,</div><div class="q">herri askoren sorburu</div><div class="q">egingo baitzaitut.#izen-aldaketa 17,15; 32,29; 35,18; Ne 9,7. herri askoren sorburu 17,16; 35,11; Erm 4,17.</div><div class="q"> 6Ugalduko ditut zure ondorengoak,</div><div class="q">nazioen sorburu egingo zaitut</div><div class="q">eta erregeak aterako dira</div><div class="q">zuregandik.</div><div class="q"> 7Belaunez belaun eutsiko diot</div><div class="q">zurekin eta zure ondorengoekin</div><div class="q">egin dudan itunari,</div><div class="q">betiko balio izango du;</div><div class="q">zure eta zure ondorengoen Jainkoa</div><div class="q">izango naiz.</div><div class="q"> 8Zuri eta zure ondorengoei</div><div class="q">betiereko jabegotzat emango dizuet</div><div class="q">Kanaan lurraldea,</div><div class="q">gaur egun etorkin gisa</div><div class="q">bizi zareneko lurraldea;</div><div class="q">zure ondorengoen Jainkoa</div><div class="q">izango naiz&#187;.#lurraldearen agintzaria 12,7+.</div><div class="s1">Erdainkuntza edo zirkuntzisioa, itunaren ezaugarri</div><div class="p"> 9Honela mintzatu zitzaion Jainkoa Abrahami: &#171;Gorde nirekiko ituna zeuk eta zure ondorengoek belaunez belaun. 10Hau da zuk eta zure ondorengoek nirekiko duzuen konpromisoa: zuetako gizaseme oro erdaintzea#17,10 erdaintzea: Erdainkuntza ezkontzarako sarbide-erritua zen antzinako herri askorentzat; hebrearrentzat, herri hautatuaren partaide izatearen seinale bihurtuko da (ik. Eg 7,8; Erm 4,11)..#erdainkuntza 17,23-27; 34,14-17; Ir 4,24-26; 12,48; 1 M 1,60-61. Ik. Jr 4,4; 9,25; Erm 4,11-12; Flp 3,2-3; Kol 2,11-13. 11Zeuen zakil-muturra erdainduko duzue: horixe izango duzue nire eta zuen arteko itunaren ezaugarria. 12Zuetako gizaseme oro, jaio eta zortzi egunera, erdaindu egingo duzue belaunez belaun; baita esklaboa ere, zuregandik sortua izan ez arren, etxean jaioa nahiz atzerrian erosia izan.#zortzi egunera 21,4; Lb 12,3; Lk 2,21. 13Salbuespenik gabe erdainduko dituzue esklaboak, etxean jaioa ala diruz erosia izan. Honela, nire ituna zuen gorputzean geldituko da seinalatua betiko.#ituna betiko Ez 37,26; Sal 105, 8-10; Lk 1,72-73. Ik. Erm 11,29. 14Erdaingabea, hau da, bere zakil-muturra erdaindu ez duen gizasemea, herritik bota egingo duzue, nire ituna hautsi duelako&#187;.</div><div class="s1">Isaaken jaiotzaz lehen agintzaria</div><div class="p"> 15Jainkoak esan zion Abrahami: &#171;Aurrerantzean ez diozu zeure emazteari Sarai esango, baizik eta Sara#17,15 Sara eta Sarai izen bera dira. Printzesa esan nahi du; izan ere, Sararengandik erregeak aterako dira (ik. 17,16). izango du izen. 16Honen bidez semea emango dizut. Bedeinkatuko dut, nazio askoren sorburu egingo eta harengandik erregeak aterako dira&#187;.</div><div class="p"> 17Orduan, Abrahamek, ahuspezturik, irri egin zuen. Pentsatu zuen bere baitan: &#171;Ehun urteko gizakumeari sortu al lekioke semerik? Edota, izan ote dezake semerik Sarak bere laurogeita hamarrekin?&#187;#zahartzaroan semea 18,12; 21,6-9; Heb 11,11. Ik. Lk 1,37; Jn 8,56. 18Horregatik ziotson Abrahamek Jainkoari:</div><div class="p">&#8212;Ai, Ismaeli bederen bizirik eutsiko bazenio!</div><div class="p"> 19&#8212;Ez! &#8212;erantzun zion Jainkoak&#8212;. Zeure emazte Sarak sortuko dizu semea, eta Isaak#17,19 Isaak: Izenak Jaunak irri &#8212;begi argia&#8212; egiten du esan nahi du. Izenak aitaren irria gogorarazten du (ik. 17,17), baita Sararena ere (ik. 18,12; 21,6). jarriko diozu izen. Ituna egingo dut harekin eta haren ondorengoekin betiko. 20Aditu dizut Ismaeli buruz esan duzuna ere. Bedeinkatu egingo dut: ondorengo ugari izango ditu, hamabi printze sortuko ditu eta herri handi baten sorburu egingo dut.#Ismaelen ondorengotza 16,10+. 21Baina nire ituna burutu, Isaakekin burutuko dut, Sarak urtebete barru sasoi honetan sortuko dizun semearekin.#urtebete barru 18,10.14; 21,2.</div><div class="p"> 22Abrahamekin mintzatu ondoren, alde egin zuen Jainkoak.</div><div class="p"> 23Egun hartan bertan, Jainkoak agindu bezala, bere etxeko gizaseme guztiak erdaindu zituen Abrahamek: Ismael bere semea eta esklabo guztiak, nahiz etxean jaioak nahiz diruz erosiak.</div><div class="p"> 24Erdaindu zirenean, Abrahamek laurogeita hemeretzi urte zituen, 25eta Ismael semeak hamahiru. 26Biok egun berean erdaindu ziren.</div><div class="p"> 27Abrahamekin batera erdaindu ziren etxeko gizaseme guztiak ere, nahiz etxean jaioak nahiz atzerrian diruz erosiak.</div>
 </div>
 </div>
</div>

Abramek laurogeita hemeretzi urte zituela, berriro agertu zitzaion Jauna eta esan zion: «Ni Jainko Ahaltsua naiz. Bizi nire zerbitzuan, eta joka zuzen. Ituna egingo dut zurekin: zure ondorengoak arras ugalduko ditut».
Ahuspez erori zen Abram, eta Jainkoa mintzatzen jarraitu zitzaion:

«Hona egiten dizudan agintzaria:
herri askoren sorburu izango zara.
Aurrerantzean, ez duzu
Abram izango izen, Abraham baizik,
herri askoren sorburu
egingo baitzaitut.
Ugalduko ditut zure ondorengoak,
nazioen sorburu egingo zaitut
eta erregeak aterako dira
zuregandik.
Belaunez belaun eutsiko diot
zurekin eta zure ondorengoekin
egin dudan itunari,
betiko balio izango du;
zure eta zure ondorengoen Jainkoa
izango naiz.
Zuri eta zure ondorengoei
betiereko jabegotzat emango dizuet
Kanaan lurraldea,
gaur egun etorkin gisa
bizi zareneko lurraldea;
zure ondorengoen Jainkoa
izango naiz».

Honela mintzatu zitzaion Jainkoa Abrahami: «Gorde nirekiko ituna zeuk eta zure ondorengoek belaunez belaun. Hau da zuk eta zure ondorengoek nirekiko duzuen konpromisoa: zuetako gizaseme oro erdaintzea. Zeuen zakil-muturra erdainduko duzue: horixe izango duzue nire eta zuen arteko itunaren ezaugarria. Zuetako gizaseme oro, jaio eta zortzi egunera, erdaindu egingo duzue belaunez belaun; baita esklaboa ere, zuregandik sortua izan ez arren, etxean jaioa nahiz atzerrian erosia izan. Salbuespenik gabe erdainduko dituzue esklaboak, etxean jaioa ala diruz erosia izan. Honela, nire ituna zuen gorputzean geldituko da seinalatua betiko. Erdaingabea, hau da, bere zakil-muturra erdaindu ez duen gizasemea, herritik bota egingo duzue, nire ituna hautsi duelako».

Jainkoak esan zion Abrahami: «Aurrerantzean ez diozu zeure emazteari Sarai esango, baizik eta Sara izango du izen. Honen bidez semea emango dizut. Bedeinkatuko dut, nazio askoren sorburu egingo eta harengandik erregeak aterako dira».
Orduan, Abrahamek, ahuspezturik, irri egin zuen. Pentsatu zuen bere baitan: «Ehun urteko gizakumeari sortu al lekioke semerik? Edota, izan ote dezake semerik Sarak bere laurogeita hamarrekin?» Horregatik ziotson Abrahamek Jainkoari:
—Ai, Ismaeli bederen bizirik eutsiko bazenio!
—Ez! —erantzun zion Jainkoak—. Zeure emazte Sarak sortuko dizu semea, eta Isaak jarriko diozu izen. Ituna egingo dut harekin eta haren ondorengoekin betiko. Aditu dizut Ismaeli buruz esan duzuna ere. Bedeinkatu egingo dut: ondorengo ugari izango ditu, hamabi printze sortuko ditu eta herri handi baten sorburu egingo dut. Baina nire ituna burutu, Isaakekin burutuko dut, Sarak urtebete barru sasoi honetan sortuko dizun semearekin.
Abrahamekin mintzatu ondoren, alde egin zuen Jainkoak.
Egun hartan bertan, Jainkoak agindu bezala, bere etxeko gizaseme guztiak erdaindu zituen Abrahamek: Ismael bere semea eta esklabo guztiak, nahiz etxean jaioak nahiz diruz erosiak.
Erdaindu zirenean, Abrahamek laurogeita hemeretzi urte zituen, eta Ismael semeak hamahiru. Biok egun berean erdaindu ziren.
Abrahamekin batera erdaindu ziren etxeko gizaseme guztiak ere, nahiz etxean jaioak nahiz atzerrian diruz erosiak.

සවන් දෙන්න HASIERA 17