<div class="version vid552 iso6393leh" data-vid="552" data-iso6393="leh">
 <div class="book bkMAT">
 <div class="chapter ch25" data-usfm="MAT.25">
 <div class="label">25</div><div class="s">Cikoshanyo ca bamyooye likumi</div><div class="p"> 1&#8220;Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga.#Luka 12:35 2Pabamyooye aba, bosanwe bakalinga baluya, sombi bamwi bosanwe bakalinga kucenjete. 3Aba bosanwe baluya ndibakabwesa malampi, tabakwe kuyumuna mafuta amwi palubasu. 4Sombi bacenjete bakayumuna mafuta amwi mumisaashi. 5Ceebo shibwiinga wakacelwa kwisa, boonse bamyooye bakatalika kushinshila kushikila baya amutulo. </div><div class="p"> 6&#8220;Ono pakati ka mashiku kwakanyumfwika maswi abantu bakalinga kuyobela ayi, &#8216;Ngooyo shibwiinga waashika! Amwise mukamutambule!&#8217; 7Mpeeke bamyooye boonse balya bakabuka, akutalika kubamba malampi abo. 8Lyalo bamyooye baluya bakaambila babyabo bacenjete ayi, &#8216;Amutucafweko mafuta anu ceebo malampi esu atooyanda kushimika.&#8217; 9Bacenjete bakakumbula ayi, &#8216;Tau, inga aceya na twabaana. Anu mwebo kamuyabo kubeshikuulisha mukoole aanu mafuta.&#8217; 10Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga mu&#331;anda yabwiinga. Lyalo akumulyango kwakacalwa. 11Pesule bamyooye baluya bakashika abalo. Bakatalika kwaamba ayi, &#8216;Nkambo, nkambo, amutucalwiteeko!&#8217; 12Sombi shibwiinga wakabakumbula ayi, &#8216;Kumulwiita calushinisho, nebo nshimwishiiwo!&#8217; &#8221;#Luka 13:25 13Lyalo Jesu wakabaambila ayi, &#8220;Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.</div><div class="s">Cikoshanyo ca basebenshi botatwe</div><div class="r">(Luka 19:11-27)</div><div class="p"> 14&#8220;Ciindi ico, nsheshi shikacitike shilaakukoshanya anga ngumuntu wakaya palweendo lulaamfu. Kaatana kuya, wakabunganya basebenshi bakwe akubaabila buboni bwakwe.#Luka 10:11-27 15Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya. 16Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali. 17Alakwe wabili bweenka, wakacaninawo shuulu shobilo alimwi. 18Sombi uyo wakapekwa cuulu comwi ca maali, wakaya mukukaba cilindi akufukilamo maali a mwaami wakwe.</div><div class="p"> 19&#8220;Ndipakeenda ciindi cilaamfu, mwaami wa basebenshi abo wakesa. Wakababunganya ayi bamusansulwiite mbuli mbobakasebensesha maali akwe. 20Mpeeke musebenshi uyo wakapekwa shuulu shosanwe wakashika ampindu ya shuulu shosanwe akwaamba ayi, &#8216;Nkambo, nebo mwakampa shuulu shosanwe sha maali, sombi amubone, ndakacaninawo shuulu shosanwe ashimwi.&#8217; 21Mwaami wakwe wakamwaambila ayi, &#8216;Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.&#8217; 22Alakwe uyo wakapekwa shuulu shobilo wakashika akwaamba ayi, &#8216;Nkambo, nebo mwakampa shuulu shobilo, sombi amubone, ndakacaninawo shuulu shobilo ashimwi.&#8217; 23Mwaami wakwe wakamwaambila ayi, &#8216;Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.&#8217;</div><div class="p"> 24&#8220;Ono alakwe uyo wakapekwa cuulu comwi wakashika akulwiita mwaami wakwe ayi, &#8216;Nkambo, ndakalinga kwishi ayi mwebo muli babiibi moyo. Mulatebula mpomutakwe kushanga akuyobolola mpomutakwe kuminsa. 25Paceebo ceeco, ndakaloonda. Ndakaya mukwaafukila panshi mucilindi. Amubone, maali anu ngaaya.&#8217; 26Sombi mwaami wakwe wakamukumbula ayi, &#8216;Webo omusebenshi mubiibi mutolo! Te walikwishi kwaamba ayi nebo ndatebula mpoontakwe kushanga akuyobolola mpoontakwe kuminsa? 27Aboobo wakalinga kweelete kwaatola kumaanda a beshimakwebo, naakwiinga pakuboola, ndacaana mpindu. 28Ono amumunyaaye maali ayo mupe wooyo ucite shuulu sha maali shili likumi. 29Ceebo uyo woonse ucite kale ulaakupekwa ashimwi. Sombi uyo ucite kaniini ulaakunyaikwa akaako koonse nkaacite.#Mate 13:12; Maako 4:25; Luka 8:18 30Musebenshi uyu mubiibi utacite ncito, amumuwaale kunsengwe mumunshinshe, uko nkweshi anoolila akulumanya meeno.&#8217;#Mate 8:12; 22:13; Luka 13:28</div><div class="s">Koomboloshekwa kwa mamanino</div><div class="p"> 31&#8220;Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.#Mate 16:27; Mate 19:28 32Lyalo mishobo yoonse ya bantu ilaakubungana kuli nguwe. Mpeeke ulaakupansaanya bantu bweenka mbuli mweembeshi mbwaapansaanya mbelele ampongo. 33Ulaakubika mbelele kululyo lwakwe, ashalo mpongo kucipiko. 34Lyalo Mwaami ulaakwaambila baabo beshi bakabe kululyo lwakwe ayi, &#8216;Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi. 35Ceebo ndindakafwa nsala, mwebo mwakampa cakulya, ndindakafwa nyotwa mwebo mwakampa cakunwa, andindakalinga mweensu mwebo mwakantambula. 36Ndindakalinga mubusakula, mwebo mwakamfwalika. Ndindakalinga mulwashi, mwebo mwakesa mukumbona, andindakalinga muntolongo, mwakesa mukumbona.&#8217; 37Mpomunyaawo baluleme balaakukumbula ayi, &#8216;Nkambo, ino ndilili nditwakamubona kamufwite nsala, twamupa cakulya, nabi ndimwakalinga kufwite nyotwa, twamupa cakunwa? 38Ndilili nditwakamubona kamuli beensu twamutambula? Nabi ndilili ndimwakalinga mubusakula twamufwalika? 39Ndilili ndimwakalinga balwashi nabi muntolongo, twesa mukumubona?&#8217; 40Lakwe Mwaami ulaakukumbula ayi, &#8216;Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.&#8217;</div><div class="p"> 41&#8220;Lyalo ulaakwaambila baabo beshi bakabe kulubasu lwa kucipiko ayi, &#8216;Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe. 42Ceebo ndindakafwa nsala, tamukwe kumpa cakulya, andindakafwa nyotwa, tamukwe kumpa cakunwa. 43Ndindakalinga mweensu, tamukwe kuntambula mumaanda anu, ndindakalinga mubusakula, tamukwe kumfwalika. Ndakalinga mulwashi amuntolongo, sombi tamukwe kwisa mukumbona.&#8217; 44Abalo balaakukumbula ayi, &#8216;Nkambo, ndilili nditwakamubona kamufwite nsala, nabi nyotwa, nabi kamuli beensu, nabi kamuli mubusakula, nabi kamuli balwashi, nabi muntolongo twakaaka kumucafwa?&#8217; 45Lakwe Mwaami ulaakubakumbula ayi, &#8216;Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.&#8217; 46Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.&#8221;#Danye 12:2</div>
 </div>
 </div>
</div>

Lenje Bible with Deuterocanon © Bible Society of Zambia, 2003.

“Pabushiku ubo bwakwisa MwanaaMuntu, Bweene bwa kwiculu bulaakukoshanya abamyooye likumi abo bakanyamuna malampi akucinsha shibwiinga. Pabamyooye aba, bosanwe bakalinga baluya, sombi bamwi bosanwe bakalinga kucenjete. Aba bosanwe baluya ndibakabwesa malampi, tabakwe kuyumuna mafuta amwi palubasu. Sombi bacenjete bakayumuna mafuta amwi mumisaashi. Ceebo shibwiinga wakacelwa kwisa, boonse bamyooye bakatalika kushinshila kushikila baya amutulo.
“Ono pakati ka mashiku kwakanyumfwika maswi abantu bakalinga kuyobela ayi, ‘Ngooyo shibwiinga waashika! Amwise mukamutambule!’ Mpeeke bamyooye boonse balya bakabuka, akutalika kubamba malampi abo. Lyalo bamyooye baluya bakaambila babyabo bacenjete ayi, ‘Amutucafweko mafuta anu ceebo malampi esu atooyanda kushimika.’ Bacenjete bakakumbula ayi, ‘Tau, inga aceya na twabaana. Anu mwebo kamuyabo kubeshikuulisha mukoole aanu mafuta.’ Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga muŋanda yabwiinga. Lyalo akumulyango kwakacalwa. Pesule bamyooye baluya bakashika abalo. Bakatalika kwaamba ayi, ‘Nkambo, nkambo, amutucalwiteeko!’ Sombi shibwiinga wakabakumbula ayi, ‘Kumulwiita calushinisho, nebo nshimwishiiwo!’ ” Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.


“Ciindi ico, nsheshi shikacitike shilaakukoshanya anga ngumuntu wakaya palweendo lulaamfu. Kaatana kuya, wakabunganya basebenshi bakwe akubaabila buboni bwakwe. Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya. Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali. Alakwe wabili bweenka, wakacaninawo shuulu shobilo alimwi. Sombi uyo wakapekwa cuulu comwi ca maali, wakaya mukukaba cilindi akufukilamo maali a mwaami wakwe.
“Ndipakeenda ciindi cilaamfu, mwaami wa basebenshi abo wakesa. Wakababunganya ayi bamusansulwiite mbuli mbobakasebensesha maali akwe. Mpeeke musebenshi uyo wakapekwa shuulu shosanwe wakashika ampindu ya shuulu shosanwe akwaamba ayi, ‘Nkambo, nebo mwakampa shuulu shosanwe sha maali, sombi amubone, ndakacaninawo shuulu shosanwe ashimwi.’ Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’ Alakwe uyo wakapekwa shuulu shobilo wakashika akwaamba ayi, ‘Nkambo, nebo mwakampa shuulu shobilo, sombi amubone, ndakacaninawo shuulu shobilo ashimwi.’ Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’
“Ono alakwe uyo wakapekwa cuulu comwi wakashika akulwiita mwaami wakwe ayi, ‘Nkambo, ndakalinga kwishi ayi mwebo muli babiibi moyo. Mulatebula mpomutakwe kushanga akuyobolola mpomutakwe kuminsa. Paceebo ceeco, ndakaloonda. Ndakaya mukwaafukila panshi mucilindi. Amubone, maali anu ngaaya.’ Sombi mwaami wakwe wakamukumbula ayi, ‘Webo omusebenshi mubiibi mutolo! Te walikwishi kwaamba ayi nebo ndatebula mpoontakwe kushanga akuyobolola mpoontakwe kuminsa? Aboobo wakalinga kweelete kwaatola kumaanda a beshimakwebo, naakwiinga pakuboola, ndacaana mpindu. Ono amumunyaaye maali ayo mupe wooyo ucite shuulu sha maali shili likumi. Ceebo uyo woonse ucite kale ulaakupekwa ashimwi. Sombi uyo ucite kaniini ulaakunyaikwa akaako koonse nkaacite. Musebenshi uyu mubiibi utacite ncito, amumuwaale kunsengwe mumunshinshe, uko nkweshi anoolila akulumanya meeno.’

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami. Lyalo mishobo yoonse ya bantu ilaakubungana kuli nguwe. Mpeeke ulaakupansaanya bantu bweenka mbuli mweembeshi mbwaapansaanya mbelele ampongo. Ulaakubika mbelele kululyo lwakwe, ashalo mpongo kucipiko. Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi. Ceebo ndindakafwa nsala, mwebo mwakampa cakulya, ndindakafwa nyotwa mwebo mwakampa cakunwa, andindakalinga mweensu mwebo mwakantambula. Ndindakalinga mubusakula, mwebo mwakamfwalika. Ndindakalinga mulwashi, mwebo mwakesa mukumbona, andindakalinga muntolongo, mwakesa mukumbona.’ Mpomunyaawo baluleme balaakukumbula ayi, ‘Nkambo, ino ndilili nditwakamubona kamufwite nsala, twamupa cakulya, nabi ndimwakalinga kufwite nyotwa, twamupa cakunwa? Ndilili nditwakamubona kamuli beensu twamutambula? Nabi ndilili ndimwakalinga mubusakula twamufwalika? Ndilili ndimwakalinga balwashi nabi muntolongo, twesa mukumubona?’ Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’
“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe. Ceebo ndindakafwa nsala, tamukwe kumpa cakulya, andindakafwa nyotwa, tamukwe kumpa cakunwa. Ndindakalinga mweensu, tamukwe kuntambula mumaanda anu, ndindakalinga mubusakula, tamukwe kumfwalika. Ndakalinga mulwashi amuntolongo, sombi tamukwe kwisa mukumbona.’ Abalo balaakukumbula ayi, ‘Nkambo, ndilili nditwakamubona kamufwite nsala, nabi nyotwa, nabi kamuli beensu, nabi kamuli mubusakula, nabi kamuli balwashi, nabi muntolongo twakaaka kumucafwa?’ Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’ Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

සවන් දෙන්න Mateyo 25