<div class="version vid4559 iso6393kcu" data-vid="4559" data-iso6393="kcu">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Mfano wa ndia ya lusona lwa zengele</div><div class="r"> Luka 14:15-24</div><div class="p"> 1Yesu kagendelela kulonga nao kwa mifano, 2&#8220;Ufaume wa kuulanga uilinga na mfaume imwe yamsang'hanile mbwangaake ndia ya lusona lwa zengele. 3Kawalagiza watumigwa wake wakawakeme wagonekigwe mulusona lwa zengele, mbali wagonekigwe hawalondile kwiza. 4Ivo, kawalagiza watumigwa wamwenga, kawalongela, &#8216;Walongeleni waja wagonekigwe, &#8216;Lusona lwa zengele jangu sambi da tiyali, ming'ombe yangu milume na magung'hundila wanonile wachinjigwa mwaka, vinhu vose va tiali, izoni mulusona.&#8217; 5Mbali wao hawagesile, wasegela, imwe kaita kumgunda wake, imwenga kaita kuzisang'hano zake, 6na wamwenga wawamha waja watumigwa na wawatoa na wawakoma. 7Ija mfalume kagevuzika ng'hani, kawalagiza wamilizi wake wakawakome wao wakomile wayao na kuwasomela kae yao. 8Labaho kawalongela watumigwa wake, &#8216;Ndia ya lusona lwa zengele imala kwipa, mbali wagonekigwe hawalondeke kwiza. 9Sambi gendeni mzinzila mhanda heli na wanhu wengi muikae na mkawagoneke wanhu muindia ya zengele wanhu wose wonda muwaone. 10Waja watumigwa walawa, waita mzinzila za kae zili na wanhu wengi, wawakunzanya wanhu wose, wehile na wanogile. Luhelengo lwa zengele lumema nyambenyambe.</div><div class="p"> 11Baho mfalume viyengile kuwaona wagonekigwe, kamuona munhu imwe havalile chivalo cha zengele. 12Mfaume kamuuza, &#8216;Mbwiga, kwingilaze muno bila kuvala chivalo cha lusona lwa zengele? Mbali iyo munhu kakala hupi. 13Baho mfaume kawalongela watumigwa, &#8216;Mgeleni nzabi mikono na magulu, mkamwase kunze kudiziza, uko yalile na kuluma meno.&#8217;&#8221; 14Yesu kakomeleza kwakulonga, &#8220;Wagonekigwa ni wengi, mbali wasaguligwa wadodo.&#8221;</div><div class="s">Yesu kouzigwa mbuli ya kuliha kodi</div><div class="r"> Maluko 12:13-17; Luka 20:20-26</div><div class="p"> 15Amala Mafalisayo wasegela, wamwikila chigwena vija vonda wamwamhe Yesu kwa ulonzi wake. 16Ivo wawatuma wajalusona wao hamwe na wajalusona wa Helode. Wamuuza, &#8220;Mfundaji, chivimanya kua gweye kwa munhu utogoligwa, humdumba munhu yoyose, manake ukulu wa munhu si chochose kumwako. 17Ivo chilongele vuuona. Ivo, cheye yofaya kumliha kodi Mkulu wa Loma hebu haifaya?&#8221;</div><div class="p"> 18Mbali Yesu kavimanya viwotonga vihile kawalongela, &#8220;Mweye watenda giladi mbona monigeza? 19Ndagusileni iyo sente yakulihila kodi!&#8221;</div><div class="q">Wamwing'ha iyo sente, 20nayo Yesu kawauza wao, chihanga chino na zina dino da nani?&#8221;</div><div class="p"> 21Wamwidika, &#8220;Da mkulu wa Loma.&#8221; Baho Yesu kawalongela, &#8220;Mwing'heni gake mkulu wa Loma, na ga Mulungu mwing'heni Mulungu.&#8221;</div><div class="p"> 22Viwahulike ivo wakanganya ng'hani, wamleka, wasegela.</div><div class="s">Masadukayo womuuza Yesu mbuli ya kuzilibuka</div><div class="r"> Maluko 12:18-27; Luka 20:27-40</div><div class="p"> 23Mdizua ijo, Masadukayo wamwenga waja hawatogola kuzilibuka kwa wafile wamuinza Yesu. 24Ivo, wamlongela, &#8220;Mfundaji, Musa kalonga munhu yasolile mwehe yahafa bila kuleka wana, kolondeka magati yamhazi mwehe iyo mgane, ili yamlelele wana mkulu wake. 25Ivo, hano hamwetu hakala na ndugu saba waleligwe na tata imwe. Yalongole kasola amala kadanganika bila kulela wana, mdodowake kamhazi iyo mgane. 26Mbuli iyo imlawila iyo ndugu wa kaidi na wakadatu mbaka wose saba. 27Viwamalile ndugu wose kudanganika, na mgane ija kadanganika ivija. 28Ivo, mdizua dakuzilibuka wafile mgane iyo kokua mwehe wa yelihi mwa waja ndugu saba? Manake wose saba wakala wamsola.&#8221; 29Yesu kewedika waja Masadukayo, &#8220;Mweye mokwaga kwavija hammanyile Mayandiko ga Mulungu hebu udaho wa Mulungu.&#8221; 30Manake wafile wahazilibuka habule kusola hebu kusoligwa, wokua kama watumigwa wa kuulanga kwa Mulungu. 31Mbali kwa mbuli ya kuzilibuka kwa wafile, ivo hamsomile gaja gayawalongele Mulungu? Kawalonge, 32&#8216;Nie Mulungu wa Ibulahimu na Mulungu wa Isaka na Mulungu wa Yakobo.&#8217; Ivo, Mulungu sio Mulungu wa wanhu wafile mbali ni Mulungu wa wanhu wagima.&#8221; 33Bumbila da wanhu viwahulike ivo, wakanganya kwa vija viyofunda.</div><div class="s">Ndagizi ng'hulu</div><div class="r"> Maluko 12:28-34; Luka 10:25-28</div><div class="p"> 34Mafalisayo viwahulike kua Yesu kawatenda Mafalisayo wapotigwe na dakulonga, waigoneka kuiting'hanila hamwe, 35Mfunda ndagizi za Musa imwe mmwao, kamuuza Yesu kwa kumgeza, 36&#8220;Mfundaji, ilihi ndagizi ili ng'hulu mzindagizi zose?&#8221;</div><div class="p"> 37Yesu kamwidika,&#8221; &#8216;Mwing'he wende Mndewa Mulungu wako kwa moyo wako wose na kwa muhe wako wose na kwa ubala wako wose.&#8217; 38Ino iyo ndagizi ng'hulu na ya mosi. 39Na yakaidi iilinga na iyo, &#8216;Mwing'he wende miago kama vuuing'ha mwenyego. 40Ndagizi zose za Musa na mafundo gose ga walagusi wa Mulungu zogangamiza mzindagizi zino mbili.&#8221;</div><div class="s">Yesu kowauza Mafalisayo Kilisito ni nani?</div><div class="r"> Maluko 12:35-37; Luka 20:41-44</div><div class="p"> 41Mafalisayo viwamalle kuiting'hana hamwe Yesu kawauza, 42&#8220;Mweye moonaze kwambuli ya Kilisito? Ivo, mwana nani?&#8221; Wamwidika, &#8220;Mwana Daudi.&#8221;</div><div class="p"> 43Yesu kawalongela, &#8220;Ivo, yodahikaze kua kwa udaho wa Muhe wa Mulungu Daudi komkema iyo Mndewa? Iyo mana kalonga,</div><div class="q"> 44&#8216;Mndewa Mulungu kamlongela Mndewa wangu. Kala mkono wangu wa kulume, mbaka honda uwahume kabisa wahasanyi wako.&#8217;</div><div class="p"> 45Ivo, yahawa Daudi komkema Kristo &#8216;Mndewa,&#8217; kodahaze kaidi kua mwanage?&#8221; 46Habule munhu yoyose yadahile kumwidika mbuli. Na kulawa zua ijo habule munhu yagezile kaidi kumuuza mbuli.</div>
 </div>
 </div>
</div>

Yesu kagendelela kulonga nao kwa mifano, “Ufaume wa kuulanga uilinga na mfaume imwe yamsang'hanile mbwangaake ndia ya lusona lwa zengele. Kawalagiza watumigwa wake wakawakeme wagonekigwe mulusona lwa zengele, mbali wagonekigwe hawalondile kwiza. Ivo, kawalagiza watumigwa wamwenga, kawalongela, ‘Walongeleni waja wagonekigwe, ‘Lusona lwa zengele jangu sambi da tiyali, ming'ombe yangu milume na magung'hundila wanonile wachinjigwa mwaka, vinhu vose va tiali, izoni mulusona.’ Mbali wao hawagesile, wasegela, imwe kaita kumgunda wake, imwenga kaita kuzisang'hano zake, na wamwenga wawamha waja watumigwa na wawatoa na wawakoma. Ija mfalume kagevuzika ng'hani, kawalagiza wamilizi wake wakawakome wao wakomile wayao na kuwasomela kae yao. Labaho kawalongela watumigwa wake, ‘Ndia ya lusona lwa zengele imala kwipa, mbali wagonekigwe hawalondeke kwiza. Sambi gendeni mzinzila mhanda heli na wanhu wengi muikae na mkawagoneke wanhu muindia ya zengele wanhu wose wonda muwaone. Waja watumigwa walawa, waita mzinzila za kae zili na wanhu wengi, wawakunzanya wanhu wose, wehile na wanogile. Luhelengo lwa zengele lumema nyambenyambe.
Baho mfalume viyengile kuwaona wagonekigwe, kamuona munhu imwe havalile chivalo cha zengele. Mfaume kamuuza, ‘Mbwiga, kwingilaze muno bila kuvala chivalo cha lusona lwa zengele? Mbali iyo munhu kakala hupi. Baho mfaume kawalongela watumigwa, ‘Mgeleni nzabi mikono na magulu, mkamwase kunze kudiziza, uko yalile na kuluma meno.’” Yesu kakomeleza kwakulonga, “Wagonekigwa ni wengi, mbali wasaguligwa wadodo.”


Amala Mafalisayo wasegela, wamwikila chigwena vija vonda wamwamhe Yesu kwa ulonzi wake. Ivo wawatuma wajalusona wao hamwe na wajalusona wa Helode. Wamuuza, “Mfundaji, chivimanya kua gweye kwa munhu utogoligwa, humdumba munhu yoyose, manake ukulu wa munhu si chochose kumwako. Ivo chilongele vuuona. Ivo, cheye yofaya kumliha kodi Mkulu wa Loma hebu haifaya?”
Mbali Yesu kavimanya viwotonga vihile kawalongela, “Mweye watenda giladi mbona monigeza? Ndagusileni iyo sente yakulihila kodi!”
Wamwing'ha iyo sente, nayo Yesu kawauza wao, chihanga chino na zina dino da nani?”
Wamwidika, “Da mkulu wa Loma.” Baho Yesu kawalongela, “Mwing'heni gake mkulu wa Loma, na ga Mulungu mwing'heni Mulungu.”
Viwahulike ivo wakanganya ng'hani, wamleka, wasegela.


Mdizua ijo, Masadukayo wamwenga waja hawatogola kuzilibuka kwa wafile wamuinza Yesu. Ivo, wamlongela, “Mfundaji, Musa kalonga munhu yasolile mwehe yahafa bila kuleka wana, kolondeka magati yamhazi mwehe iyo mgane, ili yamlelele wana mkulu wake. Ivo, hano hamwetu hakala na ndugu saba waleligwe na tata imwe. Yalongole kasola amala kadanganika bila kulela wana, mdodowake kamhazi iyo mgane. Mbuli iyo imlawila iyo ndugu wa kaidi na wakadatu mbaka wose saba. Viwamalile ndugu wose kudanganika, na mgane ija kadanganika ivija. Ivo, mdizua dakuzilibuka wafile mgane iyo kokua mwehe wa yelihi mwa waja ndugu saba? Manake wose saba wakala wamsola.” Yesu kewedika waja Masadukayo, “Mweye mokwaga kwavija hammanyile Mayandiko ga Mulungu hebu udaho wa Mulungu.” Manake wafile wahazilibuka habule kusola hebu kusoligwa, wokua kama watumigwa wa kuulanga kwa Mulungu. Mbali kwa mbuli ya kuzilibuka kwa wafile, ivo hamsomile gaja gayawalongele Mulungu? Kawalonge, ‘Nie Mulungu wa Ibulahimu na Mulungu wa Isaka na Mulungu wa Yakobo.’ Ivo, Mulungu sio Mulungu wa wanhu wafile mbali ni Mulungu wa wanhu wagima.” Bumbila da wanhu viwahulike ivo, wakanganya kwa vija viyofunda.


Mafalisayo viwahulike kua Yesu kawatenda Mafalisayo wapotigwe na dakulonga, waigoneka kuiting'hanila hamwe, Mfunda ndagizi za Musa imwe mmwao, kamuuza Yesu kwa kumgeza, “Mfundaji, ilihi ndagizi ili ng'hulu mzindagizi zose?”
Yesu kamwidika,” ‘Mwing'he wende Mndewa Mulungu wako kwa moyo wako wose na kwa muhe wako wose na kwa ubala wako wose.’ Ino iyo ndagizi ng'hulu na ya mosi. Na yakaidi iilinga na iyo, ‘Mwing'he wende miago kama vuuing'ha mwenyego. Ndagizi zose za Musa na mafundo gose ga walagusi wa Mulungu zogangamiza mzindagizi zino mbili.”


Mafalisayo viwamalle kuiting'hana hamwe Yesu kawauza, “Mweye moonaze kwambuli ya Kilisito? Ivo, mwana nani?” Wamwidika, “Mwana Daudi.”
Yesu kawalongela, “Ivo, yodahikaze kua kwa udaho wa Muhe wa Mulungu Daudi komkema iyo Mndewa? Iyo mana kalonga,
‘Mndewa Mulungu kamlongela Mndewa wangu. Kala mkono wangu wa kulume, mbaka honda uwahume kabisa wahasanyi wako.’
Ivo, yahawa Daudi komkema Kristo ‘Mndewa,’ kodahaze kaidi kua mwanage?” Habule munhu yoyose yadahile kumwidika mbuli. Na kulawa zua ijo habule munhu yagezile kaidi kumuuza mbuli.

සවන් දෙන්න Matayo 22