<div class="version vid4559 iso6393kcu" data-vid="4559" data-iso6393="kcu">
 <div class="book bkACT">
 <div class="chapter ch1" data-usfm="ACT.1">
 <div class="label">1</div><div class="p"> 1Gomkulu Teofilo.</div><div class="p">Mchitabu changu chilongole, nikwandikila mbuli zose Yesu viyatendile na kufunda kulawa viyasongile sang'hano zake 2mbaka mdizua dija viyasoligwe kuita kuulanga kwa Mulungu. Viyakalile yang'hali hanasoligwa kuita kuulanga kwa Mulungu, kaweng'ha malagizo kwanzila ya Muhe wa Mulungu waja watumigwa yawasagule. 3Mmazua alubaini kulawa ifa yake Yesu kakala yowalawila mala kwa mala kwaivo yolagusa kua kakala mgima. Nayo Yesu kakala yowafunda kwambuli ya ufaume wa Mulungu. 4Na viwaiting'hane hamwe nao kawalagiza vino, &#8220;Sekemsegele Yelusalemu ila ibeteni ija nhunza iyalalike Tata, ija imunihulike viniilongelela. 5Yohana kabatiza kwa mazi, mbali mmazua madodo gokwiza, mweye mobatizigwa kwa Muhe wa Mulungu.&#8221;</div><div class="s">Yesu kosoligwa kuita kuulanga kwa Mulungu</div><div class="p"> 6Baho, watumigwa wa Mulungu viwaiting'hane na Yesu, wamuuza, &#8220;Ivo, Mndewa, uno uwo msimo wa kuwabwelezela Waizilaeli ufaume?&#8221;</div><div class="p"> 7Mbali Yesu kawalongela, &#8220;Tataangu yaiyeka iyo yovimanya msimo na chipindi cha mbuli zino zolawila lini, na simbuli yenu kuvimanya yokua lini. 8Mbali Muhe wa Mulungu vonda yawezile mweye, mobokela udaho na moita kuwalongela wanhu wose mbuli zangu mui Yelusalemu na muiisi yose ya Yudea na Samalia mbaka chila hanhu mziisi zose.&#8221; 9Viamalile kulonga gago, kuno wose womlola, kasoligwa kuita kuulanga kwa Mulungu, amala wingu dimfisa hawamuonile kaidi.</div><div class="p"> 10Viwakalile wang'hali wolola uchanha kuulanga, viyakalile yogenda, bahaja walume waidi wakalile wavala vivalo vizelu wema habehi nao 11na walonga, &#8220;Mweye wanhu wa Galilaya! mbona mwima kuno molola kuulanga? Yesu iyo yasoligwe kulawa kumwenu kuita kuulanga, kokwiza kobwela kaidi ivija kama vumumuona viyoita kuulanga.&#8221;</div><div class="s">Matia kosaguligwa yasole nyafasi ya Yuda</div><div class="p"> 12Amala watumigwa waja wabwela Yelusalemu kulawa kulugongo lukemigwa lugongo lwa Mizeituni uli utali wa kilomita imwe kulawa kuikae iyo. 13Viwavikile kuikae wengila mdigati da golofa muja muwakalile wokala, na wengile umo wakala Petulo na Yohana na Yakobo na Andulea na Filipo na Toma, Batulomayo na Matayo na Yakobo mwana wa Alufayo, Simoni mgombela isi yake na Yuda mwanage Yakobo. 14Wano wose wakala woikunzanya hamwe kupula, hamwe na Malia mami yake Yesu na wanachike wamwenga na waja waleligwe hamwe na Yesu.</div><div class="p"> 15Mdizua ijo wanhu wakalile waikunzanye hamwe kupula, wose wakala wanhu mia na ishilini. Petulo kema hagati yao kalonga, 16&#8220;Mbwiga zangu Mayandiko galondeka kavikile gaja Muhe wa Mulungu kalonga kubitila Daudi, kwambuli ya Yuda, ija yawalongoze wanhu waja wamgogile Yesu. 17Yuda kakala imwe mmwetu manake kasaguligwa chisang'hane nayo.&#8221;</div><div class="p"> 18Baho Yuda kagula mgunda kwa zija sente yazipatile kwa ubananzi. Viyakalile uko kumgunda kagwa na kutulika zinda na utumbo ulawa kunze. 19Chila munhu mui Yelusalemu kahulika mbuli iyo na kwa ulonzi wao waukema mgunda uja,&#8220;Akelidama,&#8221; manake, &#8220;Mgunda wa damu.&#8221;</div><div class="p"> 20&#8220;Baho, kama viyandikigwe mchitabu cha Zabuli,</div><div class="q">&#8216;Ng'anda yake isigale mahame,</div><div class="q">munhu yoyose seke yakale umo.&#8217;</div><div class="p">Kaidi yandikigwa,</div><div class="q">&#8216;Munhu imwenga yasaguligwe yasole nyafasi yake.&#8217;</div><div class="p"> 21&#8220;Baho munhu imwe mmwao kolondeka yailumbe na cheye ija chiilumba nayo mala zose Yesu viyakala yogenda na cheye, 22kulawa Yohana viyambatize Yesu mbaka zua dija Yesu viyasoligwe kulawa kumwetu kuita kuulanga kwa Mulungu. Iyo kosang'hana sang'hano hamwe na cheye kwambuli ya kuwalongela wanhu wose kwambuli ya uzilibuko wake Yesu.&#8221;</div><div class="p"> 23Baho, watambula mazina ga wanhu waidi, imwe Yosefu yakemigwe Balasaba hebu Yusto, na wakaidi Matia. 24Labaho wapula walonga, &#8220;Mndewa, gweye kuimanya mioyo ya wanhu wose. Ivo uchilagusile, yelihi kati ya wano waidi ija umsagule 25ili yeze yasole nyafasi ino ya sang'hano ya utumigwa yailekile Yuda kagenda hanu hake mwenyego.&#8221; 26Watoa simbi, simbi imgwila Matia, nayo kongezigwa mwa waja watumigwa wamwenga kumi na imwe.</div>
 </div>
 </div>
</div>

Gomkulu Teofilo.
Mchitabu changu chilongole, nikwandikila mbuli zose Yesu viyatendile na kufunda kulawa viyasongile sang'hano zake mbaka mdizua dija viyasoligwe kuita kuulanga kwa Mulungu. Viyakalile yang'hali hanasoligwa kuita kuulanga kwa Mulungu, kaweng'ha malagizo kwanzila ya Muhe wa Mulungu waja watumigwa yawasagule. Mmazua alubaini kulawa ifa yake Yesu kakala yowalawila mala kwa mala kwaivo yolagusa kua kakala mgima. Nayo Yesu kakala yowafunda kwambuli ya ufaume wa Mulungu. Na viwaiting'hane hamwe nao kawalagiza vino, “Sekemsegele Yelusalemu ila ibeteni ija nhunza iyalalike Tata, ija imunihulike viniilongelela. Yohana kabatiza kwa mazi, mbali mmazua madodo gokwiza, mweye mobatizigwa kwa Muhe wa Mulungu.”

Baho, watumigwa wa Mulungu viwaiting'hane na Yesu, wamuuza, “Ivo, Mndewa, uno uwo msimo wa kuwabwelezela Waizilaeli ufaume?”
Mbali Yesu kawalongela, “Tataangu yaiyeka iyo yovimanya msimo na chipindi cha mbuli zino zolawila lini, na simbuli yenu kuvimanya yokua lini. Mbali Muhe wa Mulungu vonda yawezile mweye, mobokela udaho na moita kuwalongela wanhu wose mbuli zangu mui Yelusalemu na muiisi yose ya Yudea na Samalia mbaka chila hanhu mziisi zose.” Viamalile kulonga gago, kuno wose womlola, kasoligwa kuita kuulanga kwa Mulungu, amala wingu dimfisa hawamuonile kaidi.
Viwakalile wang'hali wolola uchanha kuulanga, viyakalile yogenda, bahaja walume waidi wakalile wavala vivalo vizelu wema habehi nao na walonga, “Mweye wanhu wa Galilaya! mbona mwima kuno molola kuulanga? Yesu iyo yasoligwe kulawa kumwenu kuita kuulanga, kokwiza kobwela kaidi ivija kama vumumuona viyoita kuulanga.”

Amala watumigwa waja wabwela Yelusalemu kulawa kulugongo lukemigwa lugongo lwa Mizeituni uli utali wa kilomita imwe kulawa kuikae iyo. Viwavikile kuikae wengila mdigati da golofa muja muwakalile wokala, na wengile umo wakala Petulo na Yohana na Yakobo na Andulea na Filipo na Toma, Batulomayo na Matayo na Yakobo mwana wa Alufayo, Simoni mgombela isi yake na Yuda mwanage Yakobo. Wano wose wakala woikunzanya hamwe kupula, hamwe na Malia mami yake Yesu na wanachike wamwenga na waja waleligwe hamwe na Yesu.
Mdizua ijo wanhu wakalile waikunzanye hamwe kupula, wose wakala wanhu mia na ishilini. Petulo kema hagati yao kalonga, “Mbwiga zangu Mayandiko galondeka kavikile gaja Muhe wa Mulungu kalonga kubitila Daudi, kwambuli ya Yuda, ija yawalongoze wanhu waja wamgogile Yesu. Yuda kakala imwe mmwetu manake kasaguligwa chisang'hane nayo.”
Baho Yuda kagula mgunda kwa zija sente yazipatile kwa ubananzi. Viyakalile uko kumgunda kagwa na kutulika zinda na utumbo ulawa kunze. Chila munhu mui Yelusalemu kahulika mbuli iyo na kwa ulonzi wao waukema mgunda uja,“Akelidama,” manake, “Mgunda wa damu.”
“Baho, kama viyandikigwe mchitabu cha Zabuli,
‘Ng'anda yake isigale mahame,
munhu yoyose seke yakale umo.’
Kaidi yandikigwa,
‘Munhu imwenga yasaguligwe yasole nyafasi yake.’
“Baho munhu imwe mmwao kolondeka yailumbe na cheye ija chiilumba nayo mala zose Yesu viyakala yogenda na cheye, kulawa Yohana viyambatize Yesu mbaka zua dija Yesu viyasoligwe kulawa kumwetu kuita kuulanga kwa Mulungu. Iyo kosang'hana sang'hano hamwe na cheye kwambuli ya kuwalongela wanhu wose kwambuli ya uzilibuko wake Yesu.”
Baho, watambula mazina ga wanhu waidi, imwe Yosefu yakemigwe Balasaba hebu Yusto, na wakaidi Matia. Labaho wapula walonga, “Mndewa, gweye kuimanya mioyo ya wanhu wose. Ivo uchilagusile, yelihi kati ya wano waidi ija umsagule ili yeze yasole nyafasi ino ya sang'hano ya utumigwa yailekile Yuda kagenda hanu hake mwenyego.” Watoa simbi, simbi imgwila Matia, nayo kongezigwa mwa waja watumigwa wamwenga kumi na imwe.

සවන් දෙන්න Sang’hano za Wasenga 1