<div class="version vid4517 iso6393mif" data-vid="4517" data-iso6393="mif">
 <div class="book bkROM">
 <div class="chapter ch1" data-usfm="ROM.1">
 <div class="label">1</div><div class="s1">Mecey-har</div><div class="p"> 1Ara yah Pawl ma wuzlalakwara leeter ke&#599;e. Yah ndaw ma ka sl&#601;ra &#331;ga Yesu K&#601;riste. Ara Gazlavay ma walaya &#331;ga key ndaw-mesl&#601;rey &#331;ga Yesu, a paya &#331;ga wuzey mey a&#331;ga maaya mawiya. #1.1 Snm 9.3-15; 26.16; Gal 1.15-16 2Mey-maaya-mawiya ha na, Gazlavay a l&#601;vey d&#601;ga zleezle a da sl&#601;rd&#601;rwa ta fa nd&#601;hay ma t&#601;la mey a&#331;ga. Mey &#331;ga nd&#601;hay ma t&#601;la mey a&#331;ga ha na, mawuzlalakaya daa &#599;erewel &#331;ga Gazlavay. #1.2 3.21; 1Pi 1.10-12 3-4Mey-maaya-mawiya ha na, ara mey da ray Bay al&#601;kwa Mahura Yesu K&#601;riste, B&#601;zey &#331;ga Gazlavay. A t&#601;rey &#331;ga ndaw-mag&#601;da&#331;, a yawa daa s&#601;kway &#331;ga Bay Davit. Ama, Gazlavay ta wuzd&#601;rwa la fara fara, ara B&#601;zey a&#331;ga masa ta g&#601;da&#331; daa masa a&#331;ga ma sl&#601;k&#599;ad&#601;rwa daa mem&#601;cey ta g&#601;da&#331; &#331;ga Mes&#601;fney a&#331;ga. #1.3-4 Mat 1.1; 20.30-31; Snm 13.33; 2Ti 2.8 5Gazlavay ta wuzdiwa maaya a&#331;ga la ta fa Yesu K&#601;riste he. A paya &#331;ga ndaw-mesl&#601;rey &#331;ga Yesu amba ya wuzdatara Mey-maaya-mawiya a nd&#601;hay daa s&#601;kway hay wura wura c&#601;pa. Ya wuzdatara na, amba nd&#601;hay a, a t&#601;&#595;mara mey a&#331;ga, a namar ray. Anda ke&#599;e, ya fa h&#601;slar ray a K&#601;riste. #1.5 11.13; 15.15-18; Gal 1.1; 2.7, 9 6Akwar Rawma hay may, akwar da wuzlah nd&#601;hay a &#331;gene, maja Yesu K&#601;riste ta z&#601;lkwar la &#331;ga t&#601;rey nd&#601;hay a&#331;ga hay.</div><div class="p"> 7Ya fa cakwar har, akwar nd&#601;hay c&#601;pa da Rawm, akwar masa Gazlavay ma wu&#599;kwar kalah. Gazlavay ta z&#601;lkwar la, ta t&#601;rdakwar la &#331;ga nd&#601;hay a&#331;ga hay.</div><div class="p">Anja Papa al&#601;kwa, Bay Gazlavay, ta Bay al&#601;kwa Mahura Yesu K&#601;riste &#331;ga p&#601;smakwar mey, asaya, &#331;ga njadamakwar daa zazay. #1.7 zazay: 5.1; 15.33; 16.20; 1Kw 7.15</div><div class="s1">Pawl a wu&#599;ey &#331;ga daw &#331;ga n&#601;kt&#601;rwa Rawma hay</div><div class="p"> 8Yaw, teese&#599; na, ya fa kar suse a Papay Bay Gazlavay ta fa Yesu K&#601;riste maja akwar tabiya. Ya fa kar suse he na, maja nd&#601;hay da b&#601;la tabiya fa z&#601;ldamakwar sl&#601;may maja akwar ma t&#601;&#595;mara mey &#331;ga Yesu K&#601;riste. #1.8 16.19; 1Te 1.8 9Gazlavay a s&#601;ra, daa masa ya fa d&#601;rey da&#331;gay na, ya fa s&#601;rfadakwar. Ya fa kar sl&#601;ra ta mevel pal daa masa ya fa wuzda Mey-maaya-mawiya da ray B&#601;zey a&#331;ga. #1.9 15.23; Snm 19.21; Efe 1.16 10Ya faa c&#601;f&#599;a mandaw mandaw daa med&#601;rey-da&#331;gay a&#599;aw amba a v&#601;lya c&#601;ve&#599; &#331;ga daw fa akwar anda aa ma wu&#599;ey. 11Ahaw, ya wu&#599;ey fara fara &#331;ga h&#601;tkwar fa dey amba ya v&#601;lkwar g&#601;da&#331; ma sawa ta fa Mes&#601;fney &#331;ga Gazlavay. Anda ke&#599;e, ka da h&#601;tam g&#601;da&#331; ma f&#601;na, ma f&#601;na daa c&#601;ve&#599; &#331;ga Yesu. 12Ya wu&#599;ey &#331;ga l&#601;vey na, ya da daw fa akwar a na, amba ya j&#601;nkwa vaw &#331;ga v&#601;ley g&#601;da&#331; da wuzlah al&#601;kwa. Anda mel&#601;vey, ya da h&#601;tey g&#601;da&#331; maja akwar ma t&#601;&#595;mara mey &#331;ga Yesu. Akwar may, ka da h&#601;tam g&#601;da&#331; maja yah ma t&#601;&#595;a mey &#331;ga Yesu.</div><div class="p"> 13M&#601;lma a&#599;aw hay, maaya na, ka s&#601;rmara ya ta wulkey la dey ga &#331;ga daw fa akwar, ama ya ta h&#601;tey har &#331;ga daw daa ba ara&#331;. Ya wu&#599;ey &#331;ga daw fa akwar a na, &#331;ga kawa sl&#601;ra &#331;ga j&#601;nkwar &#331;ga daw fa mey, fa mey daa c&#601;ve&#599; &#331;ga Yesu anda yah ma j&#601;nt&#601;rwa nd&#601;hay daa hwayak hay mekele mekele may. #1.13 1Kw 9.19-22 14Si ya wuzda Mey-maaya-mawiya a nd&#601;hay tabiya, kwa &#331;gada nd&#601;hay daa berney hay &#331;ga G&#601;rek hay, kwa &#331;gada nd&#601;hay daa slam hay mekele, asaya, kwa &#331;gada nd&#601;hay ta le&#331;gesl, kwa &#331;gada nd&#601;hay ma s&#601;ra cek ba. #1.14 Kwa 3.11 15Ara maja &#331;gene, yah ma wu&#599;ey &#331;ga daw fa akwar Rawma hay may &#331;ga wuzdakwara Mey-maaya-mawiya.</div><div class="s1">Mey-maaya-mawiya aa ta g&#601;da&#331; &#331;ga l&#601;hey nd&#601;hay</div><div class="p"> 16Ya fa da zlurey &#331;ga wuzey Mey-maaya-mawiya na, daa ba, maja Mey-maaya-mawiya aa ta g&#601;da&#331; &#331;ga Gazlavay &#331;ga l&#601;hdata nd&#601;hay ma pamara Yesu &#331;ga ndaw ata fara fara daa meb&#601;rey. Gazlavay a l&#601;hey teese&#599; na, nd&#601;hay J&#601;wif hay, fa d&#601;&#595;a ha, nd&#601;hay masa J&#601;wif hay ba hay. #1.16 2.9; Snm 13.46; 2Ti 1.8; 1Kw 1.18, 24 17Mey-maaya-mawiya na, fa wuzd&#601;rwa Gazlavay a n&#601;kta nd&#601;hay, ata maaya fa mey a&#331;ga na, kwara. A da n&#601;kta nd&#601;hay, ata maaya na, ta fa ata ma pamara Yesu &#331;ga ndaw ata fara fara gway, ba na, cek mekele daa ba. Ara anda mawuzlalakaya daa &#599;erewel &#331;ga Gazlavay, ma l&#601;vey: &#171;Ndaw masa maaya fa mey &#331;ga Gazlavay na, ara ndaw ma pa Gazlavay a &#331;ga ndaw a&#331;ga fara fara. Anda ke&#599;e, a h&#601;tey heter mend&#601;vey ba la.&#187; #1.17 3.21-30; fas&#601;lawal 4; 10.4-13; Hab 2.4; Gal 3.9-12; F&#601;l 3.9; Heb 10.38</div><div class="s1">Nd&#601;hay tabiya ata ta meb&#601;rey na, maja me?</div><div class="p"> 18 Gazlavay da va&#599; fa cey mevel da ray meb&#601;rey &#331;ga nd&#601;hay mag&#601;da&#331; tabiya. Ata fa kam cek hay malamba &#331;gada nd&#601;hay, a namar ray a Gazlavay ba s&#601;lak. Anda ke&#599;e, Gazlavay a da katar sariya maja ata fa t&#601;kmata nd&#601;hay siya &#331;ga s&#601;rey mey masa fara fara da ray Gazlavay. #1.18 2.5, 8; Efe 5.6; 2Te 2.12 19A da s&#601;rdata banay maja c&#601;ve&#599; mawuzdakaya maaya maaya cay &#331;gada nd&#601;hay ndav amba a s&#601;ram cek da ray Gazlavay. Ara Gazlavay a ray a&#331;ga ma wuzdatara c&#601;ve&#599; e fa mey ata. Ama, ata ta s&#601;pmara c&#601;ve&#599; e daa ba. #1.19 J&#601;w 12.9; P&#601;s 19.2-5; Snm 17.27-28; 1Kw 1.21 20Fara fara, ndaw a gwa &#331;ga h&#601;tar Gazlavay ta dey ba, ama d&#601;ga a&#331;ga ma l&#601;ma b&#601;la haa wure ke&#599;e, nd&#601;hay a gwamara &#331;ga s&#601;rmara ta fa cek hay masa a&#331;ga ma kat&#601;rwa. Cek hay a na, fa wuzd&#601;rwa Gazlavay aa ta g&#601;da&#331; mend&#601;vey ba &#331;ga s&#601;rmataw, asaya, a&#331;ga Gazlavay Mawaca-waca. Anda ke&#599;e, fa mey &#331;ga Gazlavay na, mey ata &#331;ga wurey amba Gazlavay a s&#601;rfatar dey-ceceh fa meb&#601;rey ata na, daa saba. 21Nd&#601;hay a fa s&#601;rmara Gazlavay na, daha. Ama, a namar ray ba, a kamar suse ba anda ara Gazlavay ata ba. A wulkam na, a ray cek hay &#331;ga tede. Ata na, anda ata daa l&#601;va&#331; maja cek maaya ta maaya ba na, a s&#601;rmara ba. #1.21 Efe 4.17-18 22A pamara ray ata &#331;ga nd&#601;hay ta le&#331;gesl, anja ara nd&#601;hay manjar-le&#331;gesl. #1.22 1Kw 1.19-20 23Gazlavay masa ta g&#601;da&#331;, ndaw masa ta dey &#331;ga s&#601;rmataw na, ata fa namar ray daa ba. Sas&#601;kar a nam ray na, &#331;gada cek mav&#601;&#599;kaya ta &#595;&#601;rey anda ndaw-mag&#601;da&#331; masa ma da m&#601;cey jak. Asaya, a nam ray na, &#331;gada cek hay masa ata ma v&#601;&#599;mata ta har ata hay aa slam a &#331;ga &#599;iya&#331; hay, aa slam a &#331;ga cek hay masa salay m&#601;fa&#599; le&#331; aa slam a &#331;ga zezekw hay. #1.23 Mew 4.16-18; P&#601;s 106.20</div><div class="p"> 24Ara maja &#331;gene, Gazlavay ma mb&#601;kdata sem amba a kam cek hay ma ka hezey masa ata ma wu&#599;am. Anda ke&#599;e, fa n&#601;smara vaw ata ta cek hay ma ka hwaray. 25Yaw, ta mb&#601;kdamara mey masa fara fara da ray Gazlavay sem amba a j&#601;kam sl&#601;may fa mey memb&#601;rzley. A ragadam na, &#331;gada cek hay masa Gazlavay ma kat&#601;rwa jak, a namatar ray. Ama, Gazlavay ta ray a&#331;ga masa ma kat&#601;rwa cek hay a na, ta mb&#601;kdamara sem jak. A&#331;ga na, Gazlavay pal masa nd&#601;hay ma da h&#601;lmamara &#331;ga s&#601;rmataw. Amen. #1.25 9.5</div><div class="p"> 26Ara maja &#331;gene, Gazlavay ta mb&#601;kdata sem amba a kam cek hay malamba ma ka hwaray anda ata ma wu&#599;am kalah daa mevel ata. &#330;gusay a mb&#601;kdamara meney ta zel hay anda maamandaw, a nam ta &#331;gusay c&#601;la ata hay. &#330;gene ara cek malamba, ara cek &#331;ga key k&#601;ne ba. #1.26 1Kw 6.9 27Zel hay may k&#601;ne, a mb&#601;kdamara meney ta &#331;gusay. A wu&#599;am na, si &#331;ga nam ta zel hay c&#601;la ata hay. Zel a ney ta zel c&#601;la na, ara cek ma ka hwaray kalah. Anda ke&#599;e, fa handamawa banay &#331;gada ray ata, t&#601;&#599;e ta sl&#601;ra ata maaya ba ha &#331;gene. #1.27 Lev 18.22; 20.13</div><div class="p"> 28Nd&#601;hay a &#331;gene ta wu&#599;am &#331;ga s&#601;rmara Gazlavay daa ba. Ara maja &#331;gene Gazlavay ma mb&#601;kdata sem amba a wulkam saw, anda ke&#599;e, a kam cek ta c&#601;ve&#599; e ba. 29Cek hay maaya ba daa mevel ata daha. Ata fa kam cek masa ta c&#601;ve&#599; e daa ba, fa s&#601;rdamata banay ta nd&#601;hay, fa kam dey fa cek &#331;ga nd&#601;hay, fa kam maagway, fa kam s&#601;le&#331;, fa k&#601;&#599;am nd&#601;hay vagay, fa kam baazlam da wuzlah ata, fa kam wewer fa cek &#331;ga nd&#601;hay, fa f&#601;cam nd&#601;hay. Asaya, ata fa slam mey a ray nd&#601;hay, #1.29 Gal 5.19-21; 2Ti 3.2-4 30fa kam mba&#599;a fa nd&#601;hay, a wu&#599;mara Gazlavay ba, fa c&#601;&#599;am vaw saw, fa zlapam, faa h&#601;mdamara ray ata. Mandaw mandaw ata fa s&#601;pam wewer hay mekele mekele &#331;ga key cek hay maaya ba a nd&#601;hay. A namatar ray &#331;gada papa ata hay ta mama ata hay ba. 31Ata manjar le&#331;gesl, aa guzlam ta neneh cew cew, a wu&#599;am vaw p&#601;reh, a s&#601;ram dey-ceceh fa ndaw ba. 32Ama, ata fa s&#601;rmara, nd&#601;hay ma kam cek hay maaya ba anda &#331;gene na, Gazlavay a katar sariya la. Nd&#601;hay anda &#331;gene hay na, ata t&#601;&#599;e &#331;ga k&#601;&#599;ey vagay maja meb&#601;rey ata. Ta &#331;gene he c&#601;pa, fa kam cek hay malamba ma f&#601;na, ma f&#601;na, asaya, aa h&#601;mdamata nd&#601;hay mekele ma kam cek hay malamba anda ata.</div>
 </div>
 </div>
</div>

Ara yah Pawl ma wuzlalakwara leeter keɗe. Yah ndaw ma ka sləra ŋga Yesu Kəriste. Ara Gazlavay ma walaya ŋga key ndaw-meslərey ŋga Yesu, a paya ŋga wuzey mey aŋga maaya mawiya. Mey-maaya-mawiya ha na, Gazlavay a ləvey dəga zleezle a da slərdərwa ta fa ndəhay ma təla mey aŋga. Mey ŋga ndəhay ma təla mey aŋga ha na, mawuzlalakaya daa ɗerewel ŋga Gazlavay. Mey-maaya-mawiya ha na, ara mey da ray Bay aləkwa Mahura Yesu Kəriste, Bəzey ŋga Gazlavay. A tərey ŋga ndaw-magədaŋ, a yawa daa səkway ŋga Bay Davit. Ama, Gazlavay ta wuzdərwa la fara fara, ara Bəzey aŋga masa ta gədaŋ daa masa aŋga ma sləkɗadərwa daa meməcey ta gədaŋ ŋga Mesəfney aŋga. Gazlavay ta wuzdiwa maaya aŋga la ta fa Yesu Kəriste he. A paya ŋga ndaw-meslərey ŋga Yesu amba ya wuzdatara Mey-maaya-mawiya a ndəhay daa səkway hay wura wura cəpa. Ya wuzdatara na, amba ndəhay a, a təɓmara mey aŋga, a namar ray. Anda keɗe, ya fa həslar ray a Kəriste. Akwar Rawma hay may, akwar da wuzlah ndəhay a ŋgene, maja Yesu Kəriste ta zəlkwar la ŋga tərey ndəhay aŋga hay.
Ya fa cakwar har, akwar ndəhay cəpa da Rawm, akwar masa Gazlavay ma wuɗkwar kalah. Gazlavay ta zəlkwar la, ta tərdakwar la ŋga ndəhay aŋga hay.
Anja Papa aləkwa, Bay Gazlavay, ta Bay aləkwa Mahura Yesu Kəriste ŋga pəsmakwar mey, asaya, ŋga njadamakwar daa zazay.

Yaw, teeseɗ na, ya fa kar suse a Papay Bay Gazlavay ta fa Yesu Kəriste maja akwar tabiya. Ya fa kar suse he na, maja ndəhay da bəla tabiya fa zəldamakwar sləmay maja akwar ma təɓmara mey ŋga Yesu Kəriste. Gazlavay a səra, daa masa ya fa dərey daŋgay na, ya fa sərfadakwar. Ya fa kar sləra ta mevel pal daa masa ya fa wuzda Mey-maaya-mawiya da ray Bəzey aŋga. Ya faa cəfɗa mandaw mandaw daa medərey-daŋgay aɗaw amba a vəlya cəveɗ ŋga daw fa akwar anda aa ma wuɗey. Ahaw, ya wuɗey fara fara ŋga hətkwar fa dey amba ya vəlkwar gədaŋ ma sawa ta fa Mesəfney ŋga Gazlavay. Anda keɗe, ka da hətam gədaŋ ma fəna, ma fəna daa cəveɗ ŋga Yesu. Ya wuɗey ŋga ləvey na, ya da daw fa akwar a na, amba ya jənkwa vaw ŋga vəley gədaŋ da wuzlah aləkwa. Anda meləvey, ya da hətey gədaŋ maja akwar ma təɓmara mey ŋga Yesu. Akwar may, ka da hətam gədaŋ maja yah ma təɓa mey ŋga Yesu.
Məlma aɗaw hay, maaya na, ka sərmara ya ta wulkey la dey ga ŋga daw fa akwar, ama ya ta hətey har ŋga daw daa ba araŋ. Ya wuɗey ŋga daw fa akwar a na, ŋga kawa sləra ŋga jənkwar ŋga daw fa mey, fa mey daa cəveɗ ŋga Yesu anda yah ma jəntərwa ndəhay daa hwayak hay mekele mekele may. Si ya wuzda Mey-maaya-mawiya a ndəhay tabiya, kwa ŋgada ndəhay daa berney hay ŋga Gərek hay, kwa ŋgada ndəhay daa slam hay mekele, asaya, kwa ŋgada ndəhay ta leŋgesl, kwa ŋgada ndəhay ma səra cek ba. Ara maja ŋgene, yah ma wuɗey ŋga daw fa akwar Rawma hay may ŋga wuzdakwara Mey-maaya-mawiya.

Ya fa da zlurey ŋga wuzey Mey-maaya-mawiya na, daa ba, maja Mey-maaya-mawiya aa ta gədaŋ ŋga Gazlavay ŋga ləhdata ndəhay ma pamara Yesu ŋga ndaw ata fara fara daa mebərey. Gazlavay a ləhey teeseɗ na, ndəhay Jəwif hay, fa dəɓa ha, ndəhay masa Jəwif hay ba hay. Mey-maaya-mawiya na, fa wuzdərwa Gazlavay a nəkta ndəhay, ata maaya fa mey aŋga na, kwara. A da nəkta ndəhay, ata maaya na, ta fa ata ma pamara Yesu ŋga ndaw ata fara fara gway, ba na, cek mekele daa ba. Ara anda mawuzlalakaya daa ɗerewel ŋga Gazlavay, ma ləvey: «Ndaw masa maaya fa mey ŋga Gazlavay na, ara ndaw ma pa Gazlavay a ŋga ndaw aŋga fara fara. Anda keɗe, a hətey heter mendəvey ba la.»

Gazlavay da vaɗ fa cey mevel da ray mebərey ŋga ndəhay magədaŋ tabiya. Ata fa kam cek hay malamba ŋgada ndəhay, a namar ray a Gazlavay ba səlak. Anda keɗe, Gazlavay a da katar sariya maja ata fa təkmata ndəhay siya ŋga sərey mey masa fara fara da ray Gazlavay. A da sərdata banay maja cəveɗ mawuzdakaya maaya maaya cay ŋgada ndəhay ndav amba a səram cek da ray Gazlavay. Ara Gazlavay a ray aŋga ma wuzdatara cəveɗ e fa mey ata. Ama, ata ta səpmara cəveɗ e daa ba. Fara fara, ndaw a gwa ŋga hətar Gazlavay ta dey ba, ama dəga aŋga ma ləma bəla haa wure keɗe, ndəhay a gwamara ŋga sərmara ta fa cek hay masa aŋga ma katərwa. Cek hay a na, fa wuzdərwa Gazlavay aa ta gədaŋ mendəvey ba ŋga sərmataw, asaya, aŋga Gazlavay Mawaca-waca. Anda keɗe, fa mey ŋga Gazlavay na, mey ata ŋga wurey amba Gazlavay a sərfatar dey-ceceh fa mebərey ata na, daa saba. Ndəhay a fa sərmara Gazlavay na, daha. Ama, a namar ray ba, a kamar suse ba anda ara Gazlavay ata ba. A wulkam na, a ray cek hay ŋga tede. Ata na, anda ata daa ləvaŋ maja cek maaya ta maaya ba na, a sərmara ba. A pamara ray ata ŋga ndəhay ta leŋgesl, anja ara ndəhay manjar-leŋgesl. Gazlavay masa ta gədaŋ, ndaw masa ta dey ŋga sərmataw na, ata fa namar ray daa ba. Sasəkar a nam ray na, ŋgada cek mavəɗkaya ta ɓərey anda ndaw-magədaŋ masa ma da məcey jak. Asaya, a nam ray na, ŋgada cek hay masa ata ma vəɗmata ta har ata hay aa slam a ŋga ɗiyaŋ hay, aa slam a ŋga cek hay masa salay məfaɗ leŋ aa slam a ŋga zezekw hay.
Ara maja ŋgene, Gazlavay ma mbəkdata sem amba a kam cek hay ma ka hezey masa ata ma wuɗam. Anda keɗe, fa nəsmara vaw ata ta cek hay ma ka hwaray. Yaw, ta mbəkdamara mey masa fara fara da ray Gazlavay sem amba a jəkam sləmay fa mey membərzley. A ragadam na, ŋgada cek hay masa Gazlavay ma katərwa jak, a namatar ray. Ama, Gazlavay ta ray aŋga masa ma katərwa cek hay a na, ta mbəkdamara sem jak. Aŋga na, Gazlavay pal masa ndəhay ma da həlmamara ŋga sərmataw. Amen.
Ara maja ŋgene, Gazlavay ta mbəkdata sem amba a kam cek hay malamba ma ka hwaray anda ata ma wuɗam kalah daa mevel ata. Ŋgusay a mbəkdamara meney ta zel hay anda maamandaw, a nam ta ŋgusay cəla ata hay. Ŋgene ara cek malamba, ara cek ŋga key kəne ba. Zel hay may kəne, a mbəkdamara meney ta ŋgusay. A wuɗam na, si ŋga nam ta zel hay cəla ata hay. Zel a ney ta zel cəla na, ara cek ma ka hwaray kalah. Anda keɗe, fa handamawa banay ŋgada ray ata, təɗe ta sləra ata maaya ba ha ŋgene.
Ndəhay a ŋgene ta wuɗam ŋga sərmara Gazlavay daa ba. Ara maja ŋgene Gazlavay ma mbəkdata sem amba a wulkam saw, anda keɗe, a kam cek ta cəveɗ e ba. Cek hay maaya ba daa mevel ata daha. Ata fa kam cek masa ta cəveɗ e daa ba, fa sərdamata banay ta ndəhay, fa kam dey fa cek ŋga ndəhay, fa kam maagway, fa kam səleŋ, fa kəɗam ndəhay vagay, fa kam baazlam da wuzlah ata, fa kam wewer fa cek ŋga ndəhay, fa fəcam ndəhay. Asaya, ata fa slam mey a ray ndəhay, fa kam mbaɗa fa ndəhay, a wuɗmara Gazlavay ba, fa cəɗam vaw saw, fa zlapam, faa həmdamara ray ata. Mandaw mandaw ata fa səpam wewer hay mekele mekele ŋga key cek hay maaya ba a ndəhay. A namatar ray ŋgada papa ata hay ta mama ata hay ba. Ata manjar leŋgesl, aa guzlam ta neneh cew cew, a wuɗam vaw pəreh, a səram dey-ceceh fa ndaw ba. Ama, ata fa sərmara, ndəhay ma kam cek hay maaya ba anda ŋgene na, Gazlavay a katar sariya la. Ndəhay anda ŋgene hay na, ata təɗe ŋga kəɗey vagay maja mebərey ata. Ta ŋgene he cəpa, fa kam cek hay malamba ma fəna, ma fəna, asaya, aa həmdamata ndəhay mekele ma kam cek hay malamba anda ata.

සවන් දෙන්න Rawma hay 1