<div class="version vid4442 iso6393drs" data-vid="4442" data-iso6393="drs">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s1">Abirihaamixxa Reyo</div><div class="r">(1 Odo. 1:32-33)</div><div class="p"> 1Abirihaami Keexura hiyyendaaxxa wele manjichcho aadhe. 2Isenna Abirihaami'a Zimmiranii, Yoqisaanii, Medaanii, Midiyaamii, Yesiboqinna Siwehii ilde. 3Yoqisaaninna Saabaanna Dedaani'i i'le; Dedaanixxi horte Asoorito, Lexusitonna Le'uumitoten. 4Midiyaamixxi labbaxxi oose Gefeer, Efeer, Heenooki, Abida'inna Elda'aten; tinni duuchchiinxi Kexuraxxe hortemman.</div><div class="p"> 5Abirihaami afeexxa karra duuchcha Yisaaqi'a uwwe. 6Ifixxe shiixxaramma melaallexxe labbaxxe oose'a kinni lubbo hedhemma wodda uwwa insa'ne uwweexxi belto ifike Yisaaqi birii'n bayyante he'nashsha borotike bogibaa me'inaashsha asse. 7Abirihaami dhibbaanna torbaane tommenna onde wogga gale. 8Konnee qico Abirihaami wogga godde cimeechchi uduma lummedhe; ifike edike annuwwiba'aanna reyoti bukki hiyye. 9Oose ifixxi Isima'eelinna Yisaaqi Abirihaami'i Maamire bira hedheeke Hiititihcho Zo'aarika belto Eefiroonik fichcha'n Maakifeelaxxe wolo'o giddo moonge. 10Kunni fichchi Abirihaami Heexxixxe oosenaa'n hidheemmakemman; Abirihaaminna ookko are ifixxe Saara bira moogeme.#Dada. 23:3-16. 11Abirihaami reeyechchi uduma Mageni Yisaaqi'i eebbise; ookkone wodda Yisaaqi Bi'eeri Laahayi Roo'i hiyyendaaxxe muumme bira hedhaamman.</div><div class="s1">Isima'eelixxa Labbaxxa Oose</div><div class="r">(1 Odo. 1:28-31)</div><div class="p"> 12Gibtsichcho Saaraxxi erganjo, Aggaari Abirihaami'a ildemmake Isima'eelixxi horte konneechchinni butti'aa hexxeen. 13Isima'eelixxi labbaaxxi oose angafakenaa'n maa'niin qico'n hexxeexxik summi: Isima'eelik angafi belti Neebayyoti, Qedaari, Adibeeli, Mebisaami, 14Maasimaa'i, Duuma, Maasa, 15Hadaadi, Teemani, Ixuuri, Naafeesinna Qeedimatemman. 16Tinni Isima'eelxe labbaxxe oosemman; kunni tommenna lami gosatik summi ye'emeeke he'nemmakenna ofolleemmake boonchuwwikenniten. 17Isima'eeli hedhoti dhibbanna sase tommenna torbaan wogga tureexxi lummedhe; ifike edike annuwwiba'aanna reyoti bukki hiyye. 18Isima'eelixxi horte hexxemmak bogi Gibtsexxe gabala bira Asoori'a me'ammake ora'ni Hawulaxxinna Suuri hiyyemaake bogixxe oddo'ni; insa'nekenna wele ifike dayyuwwi duuchchinni naaphummati sammi hine he'naamman.</div><div class="s1">Ya'iqoobinna Eesawu'u</div><div class="p"> 19Yisihaaqi'i Abirihaamike beltixxi horte konnechchinni butti'a hexxeexxenni: Abirihaami Yisaaqii i'le. 20Yisaaqi ilemeexxe shoole tomme wogga'n Ribiqa aadhe; Ribiqa lame galaanixxe oddo'n hedhammake Sooriyichcho Baatu'eelixxe beltonna Sooriyichcho Laabaxxe dayyomman. 21Yisaaqi are ifixxi Ribiqa, ila afa gophpheemmaxxee Duuchchi Woddike Goottiba'a soodate; Duuchchi Woddik Goottinna soodachcho isixxa laqe; Ribiqanna siila'wite. 22Anooletinna godoba isek giddo weli dhiiba'nemman; isenna, &#171;Tinni mayee ane'ni kadde?&#187; Hita'n Duuchchi Woddika Gootta soodatto'a me'ite.</div><div class="p"> 23Duuchchi Woddik Goottinna Ribiqa'a hiyyee qici:</div><div class="q1">&#171;Lame gosa atike godob giddo hexxe;</div><div class="q2">lami arduwwi ati giddii'n gargar higee fulaan;</div><div class="q1">Mitti ardi mittekenaa'ni calla worbeeke kada;</div><div class="q2">angafikinna maa'nakee ergatemaake kadaan&#187; hiyye.#Rom. 9:12. </div><div class="p"> 24Ildaaxxi yanna geltee wodda kunnise godoba iseke'ni lakko hexxemman. 25Edise fuleek belti daayyaakenna bisi isik duuchchi ordatikemman. Tennexxe iski summi &#171;Eesawu&#187;#25:25 Eesawu: Ibritotike laagadinni &#171;Eesawu&#187; hiyya ordatike hiyyaten hiyyeme. 26Ookkoneechchi uduma dayyi isik ileme anga ifixxenn Eesawuka tinxa abixxee fule; tennexxe summi isiki &#171;Ya'iqoobi&#187;#25:26 Ya'iqoobi: Ibritotike laagadinni &#171;Ya'iqoobi&#187; hiyya tinxa abixxaakenna dedhisaake hiyyaten hiyyeme; Ribiqa tenne oose ildaa wodda Yisaaqixxi wogga jaane tommemman. 27Tinni lamiinxi oose nophphite; Eesawu adamo ege'neeke badda'ati manjo kade; Ya'iqoobi kinni dunkaanetenaa'n fulabaake ca'lisa manjomman. 28Yisaaqi'ni adamme idangeek maali elaammaxxee'e Eesawu eeyyamman; Ribiqa kinni Ya'iqoobi'i eettamman.</div><div class="p"> 29Mitte barra Ya'iqoobi hamara gaffange'ni Eesawu adamokenaa'ni dage; isinna yo'oshsha solo'weemman. 30Eesawunna Ya'iqoobi, &#171;Lumoshsha kurbuyyeennen rakkettexxi tenne diimmooxxe woxenaa'ni ani'a uwwi&#187; hiyye. Tennexxe summa isika &#171;Eedoomi&#187;#25:30 Eedoomi: Ibritotike laagadinni &#171;Eedoomi&#187; hiyya diimmoke hiyyaten hiyyeme.</div><div class="p"> 31Ya'iqoobinna &#171;Edise angafumma atixxa ane'n gurgur&#187; hiyye hiisse haaso'e.</div><div class="p"> 32Eesawunna, &#171;Kunnise reyonnaaten, anxi angafummata maa ani'a assitaaxxe?&#187; Hiyye.</div><div class="p"> 33Ya'iqoobinna Eesawu'u, &#171;Yoona iittate kaddeexxeni angafumma ate'n gurgureenen hite kakat&#187; hiyye; tennexxe Eesawu kakateexxi ifixxa angafumma Ya'iqoobi'n gurgudhe.#Ibr. 12:16. </div><div class="p"> 34Ookkoneechchi uduma Ya'iqoobi hamariinka la'a waasik welti Eesawu'a uwwe; Esawunna ite ha'weechchi uduma ke'e me'e. Konne qicinni Eesawu ifixxa angafumma shollishe.</div>
 </div>
 </div>
</div>

The Word for the World International, The Word for the World Ethiopia

Abirihaami Keexura hiyyendaaxxa wele manjichcho aadhe. Isenna Abirihaami'a Zimmiranii, Yoqisaanii, Medaanii, Midiyaamii, Yesiboqinna Siwehii ilde. Yoqisaaninna Saabaanna Dedaani'i i'le; Dedaanixxi horte Asoorito, Lexusitonna Le'uumitoten. Midiyaamixxi labbaxxi oose Gefeer, Efeer, Heenooki, Abida'inna Elda'aten; tinni duuchchiinxi Kexuraxxe hortemman.
Abirihaami afeexxa karra duuchcha Yisaaqi'a uwwe. Ifixxe shiixxaramma melaallexxe labbaxxe oose'a kinni lubbo hedhemma wodda uwwa insa'ne uwweexxi belto ifike Yisaaqi birii'n bayyante he'nashsha borotike bogibaa me'inaashsha asse. Abirihaami dhibbaanna torbaane tommenna onde wogga gale. Konnee qico Abirihaami wogga godde cimeechchi uduma lummedhe; ifike edike annuwwiba'aanna reyoti bukki hiyye. Oose ifixxi Isima'eelinna Yisaaqi Abirihaami'i Maamire bira hedheeke Hiititihcho Zo'aarika belto Eefiroonik fichcha'n Maakifeelaxxe wolo'o giddo moonge. Kunni fichchi Abirihaami Heexxixxe oosenaa'n hidheemmakemman; Abirihaaminna ookko are ifixxe Saara bira moogeme. Abirihaami reeyechchi uduma Mageni Yisaaqi'i eebbise; ookkone wodda Yisaaqi Bi'eeri Laahayi Roo'i hiyyendaaxxe muumme bira hedhaamman.


Gibtsichcho Saaraxxi erganjo, Aggaari Abirihaami'a ildemmake Isima'eelixxi horte konneechchinni butti'aa hexxeen. Isima'eelixxi labbaaxxi oose angafakenaa'n maa'niin qico'n hexxeexxik summi: Isima'eelik angafi belti Neebayyoti, Qedaari, Adibeeli, Mebisaami, Maasimaa'i, Duuma, Maasa, Hadaadi, Teemani, Ixuuri, Naafeesinna Qeedimatemman. Tinni Isima'eelxe labbaxxe oosemman; kunni tommenna lami gosatik summi ye'emeeke he'nemmakenna ofolleemmake boonchuwwikenniten. Isima'eeli hedhoti dhibbanna sase tommenna torbaan wogga tureexxi lummedhe; ifike edike annuwwiba'aanna reyoti bukki hiyye. Isima'eelixxi horte hexxemmak bogi Gibtsexxe gabala bira Asoori'a me'ammake ora'ni Hawulaxxinna Suuri hiyyemaake bogixxe oddo'ni; insa'nekenna wele ifike dayyuwwi duuchchinni naaphummati sammi hine he'naamman.

Yisihaaqi'i Abirihaamike beltixxi horte konnechchinni butti'a hexxeexxenni: Abirihaami Yisaaqii i'le. Yisaaqi ilemeexxe shoole tomme wogga'n Ribiqa aadhe; Ribiqa lame galaanixxe oddo'n hedhammake Sooriyichcho Baatu'eelixxe beltonna Sooriyichcho Laabaxxe dayyomman. Yisaaqi are ifixxi Ribiqa, ila afa gophpheemmaxxee Duuchchi Woddike Goottiba'a soodate; Duuchchi Woddik Goottinna soodachcho isixxa laqe; Ribiqanna siila'wite. Anooletinna godoba isek giddo weli dhiiba'nemman; isenna, «Tinni mayee ane'ni kadde?» Hita'n Duuchchi Woddika Gootta soodatto'a me'ite.
Duuchchi Woddik Goottinna Ribiqa'a hiyyee qici:
«Lame gosa atike godob giddo hexxe;
lami arduwwi ati giddii'n gargar higee fulaan;
Mitti ardi mittekenaa'ni calla worbeeke kada;
angafikinna maa'nakee ergatemaake kadaan» hiyye.
Ildaaxxi yanna geltee wodda kunnise godoba iseke'ni lakko hexxemman. Edise fuleek belti daayyaakenna bisi isik duuchchi ordatikemman. Tennexxe iski summi «Eesawu» hiyyeme. Ookkoneechchi uduma dayyi isik ileme anga ifixxenn Eesawuka tinxa abixxee fule; tennexxe summi isiki «Ya'iqoobi» hiyyeme; Ribiqa tenne oose ildaa wodda Yisaaqixxi wogga jaane tommemman. Tinni lamiinxi oose nophphite; Eesawu adamo ege'neeke badda'ati manjo kade; Ya'iqoobi kinni dunkaanetenaa'n fulabaake ca'lisa manjomman. Yisaaqi'ni adamme idangeek maali elaammaxxee'e Eesawu eeyyamman; Ribiqa kinni Ya'iqoobi'i eettamman.
Mitte barra Ya'iqoobi hamara gaffange'ni Eesawu adamokenaa'ni dage; isinna yo'oshsha solo'weemman. Eesawunna Ya'iqoobi, «Lumoshsha kurbuyyeennen rakkettexxi tenne diimmooxxe woxenaa'ni ani'a uwwi» hiyye. Tennexxe summa isika «Eedoomi» hiyyeme.
Ya'iqoobinna «Edise angafumma atixxa ane'n gurgur» hiyye hiisse haaso'e.
Eesawunna, «Kunnise reyonnaaten, anxi angafummata maa ani'a assitaaxxe?» Hiyye.
Ya'iqoobinna Eesawu'u, «Yoona iittate kaddeexxeni angafumma ate'n gurgureenen hite kakat» hiyye; tennexxe Eesawu kakateexxi ifixxa angafumma Ya'iqoobi'n gurgudhe.
Ookkoneechchi uduma Ya'iqoobi hamariinka la'a waasik welti Eesawu'a uwwe; Esawunna ite ha'weechchi uduma ke'e me'e. Konne qicinni Eesawu ifixxa angafumma shollishe.

සවන් දෙන්න Dadatika Maxaafa 25