<div class="version vid4442 iso6393drs" data-vid="4442" data-iso6393="drs">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Iimuwwatinnaa butta iittanni iimate'ninnaa buttate'ni hedheechchi duuchchi konne qicinni dademe muuxeme.</div><div class="p"> 2Magenikinna hujaammaxxa huje bire; torbaxxe barra'ninna hafuura adhdhe.#Ibr. 4:4; 10. 3Mageni dadaammaxxa dada duuchcha dade bire; torbaxxa barra hafuura adhdhemmaxxee ise eebbiseexxi wele barruwwanaa'n gargar hexxeexxe barra asse foye.#Fula. 20:11. </div><div class="s1">Addaaminnaa Heewanii'i</div><div class="p"> 4Duuchchi Woddik Gootti Mageni iimuwwatanna butta dadee qici konneechchinni butti'a hexxeeshshaten; Duuchchi Woddik Gootti Mageni iimuwwatannaa butta dadee wodda, 5Duuchchi Woddik Gootti Mageni buttate'n xeena gansiisa gophemmaxxeennaa buttina hujaaki manji hedha gophemmaxxee buttate'ni mitti quuxxiseechchi hedhemmabaan. 6Kaddo malee wodi'i buttin giddii'ni fula'n boga duuchcha shansha'nemman.</div><div class="p"> 7Ookkoneechchi uduma Duuchchi Woddik Gootti Mageni buttina#2:7: Buttina: Ibrititoke laagadinni &#171;Buttina&#187; na &#171;Manjo&#187; hitaaxi hiyyuwa haaso'ake'n weli fakkaattaan buttii'in aadhe manjoke asse giisseexxi sano isixxen hedho uwwaaka hafuuranna uffu hiyye. Manjikinna hedho affeexxe dada kade.#1 Qor. 15:45. </div><div class="p"> 8Duuchchi Woddik Gootti Mageni borote'n Edeen hiyyemaake booncho'ni eloxxa hiddichchuwwiinxa bakka qophpheesseexxi dademmaka manjo okko ugge. 9Duuchchi Woddik Gootti Mageni illetixxe uushsho'a gammachiissaaxxannaa itatee'e eldaaxxa haqqe buttatenaa'n lachchisse; Iittanni eloke hiddichchuwwiinke boonchinxe oddo'n hedho uwwaak haqichchinna elo yo'oxxa ege'na uwwaak haqichchi hedhemman.#Wal. 2:7; 22:2; 14. </div><div class="p"> 10Edeeninaa'ni fule hiddichchuwwiinke boonchi giddi'a yaa'a'ni hiddichchuwwa shanshaammaki galaan Edeeninaa'n fuleechchi uduma qoodeme shoole galaana kadaamman. 11Taakkake galaanik summi Feshoonitemman; isinna Hawula hiyyemaake worqe afendaake boga duuchcha'ni yaa'amman. 12Ookkone bogixxi worqe ca'ittetemman; iittann yo'oshshaa fishshitaaxxi shittonna fiixxeexxi kino okkone boga'n afendaan. 13Langake galaani summi Giyoonitemman; isinna Tophphiinke boga duuchcha'ni yaa'aamman. 14Sakkake galaanika summa Xegiroos hiyyemaan; isinna arishsho fuldaa darre'ni hedheeke Asoorike bogibaa yaa'aamman. Sholgake galaanika summanna Efiraaxis hiyyemaan.</div><div class="p"> 15Ookkoneechchi uduma Duuchchi Woddik Gootti Mageni manjo Edeenike eloke hiddichchiinke booncho'ni ugge; tennee asseechchi manji ookkonee eloke hiddichuwwiinka booncho hujo'aannaa heqqo'aaten. 16Duuchchi Woddik Gootti Mageni manjo hiyye ajajee qici &#171;Eloke hiddichchuwwiinke boonchixxe haqqe duuchchanaa'ni eetetteke haqichchixxa gumma ittatton. 17Yaane kinni elo yo'oxxa ege'na uwwaake haqichchixxa gumma ittattoxxa barra rertattaxxee isee ittoxxe&#187; hiyye.</div><div class="p"> 18Lebeexxi Duuchchi Woddik Gootti Mageni &#171;Manji qofi hedha eloxxeba'a; tennexxee weli aagaaka, gargaarsanjo isi'a dando&#187; hiyye.</div><div class="p"> 19Duuchchi Woddi Gootti Mageni ci'a, biniincha duuchcha buttina aadhe giisseexxi mitte mittenge Addaami maa hiyyee summa fulchaaxxa uudo'a konneera Addamiba'a iyyedage. Addaminna hedho afeechchi duuchchi'a fulchemmak summi ookkonende kade. 20Tennexxee Addaami#2:20 Yookaan Manjo horekee, ci'ateennaa, biniinchii duuchchi'a summa fulche.</div><div class="p">Kaddo maleee Addaami'a weli aagaki gargaarsanji afemebaan. 21Tenneexxee Duuchchi Woddike Gootti Mageni Addaami diiphe cokokki hiyyaashsha asse; Addaaminna diiphenaa Mageni isike cinaachchanaa'ni mitte micco aadheexxi ookkone duwwi booncho'ni maala wonshe. 22Ookkoneechchi uduma Duuchchi Widdik Gootti Magen Addaamike cinaachchanaa'ni aadhemmaka micco meyyaxxe asse giisse; iseenna Addaamiba'a iyyedage.</div><div class="q1"> 23Addaaminaa</div><div class="q1">&#171;Kunni micci anke micconaa'n,</div><div class="q2">maalikinna anke maalinaa'n afemeeken;</div><div class="q2">ise labbakenaa'n afendemaxxee'e meyyaxxe#2:23 Manji Hitaaxxa tika afe'eeki Ibritotik hiyyichchi Meyyaxxe Hitaaxxa tika afe'eeke Ibritotike laaganni labbakenna meyyaxe hiyyaak hiyyichchinni weli fakkaataan hiyyenduun.&#187;</div><div class="p"> 24Tennexxee Labbak annakannaa ama ifixxa waalaan; are ifixxeninnaa weli mitteke kandaan; lamiingi mitte maala kandaan.#Mat. 19:5; Mar. 10:7-8; 1 Qor. 6:16; Efe. 5:31. </div><div class="p"> 25Addaaminnaa are ifixxi laamiing duwwi he'nemman; kaddo malee shooka'emmabaan.</div>
 </div>
 </div>
</div>

The Word for the World International, The Word for the World Ethiopia

Iimuwwatinnaa butta iittanni iimate'ninnaa buttate'ni hedheechchi duuchchi konne qicinni dademe muuxeme.
Magenikinna hujaammaxxa huje bire; torbaxxe barra'ninna hafuura adhdhe. Mageni dadaammaxxa dada duuchcha dade bire; torbaxxa barra hafuura adhdhemmaxxee ise eebbiseexxi wele barruwwanaa'n gargar hexxeexxe barra asse foye.

Duuchchi Woddik Gootti Mageni iimuwwatanna butta dadee qici konneechchinni butti'a hexxeeshshaten; Duuchchi Woddik Gootti Mageni iimuwwatannaa butta dadee wodda, Duuchchi Woddik Gootti Mageni buttate'n xeena gansiisa gophemmaxxeennaa buttina hujaaki manji hedha gophemmaxxee buttate'ni mitti quuxxiseechchi hedhemmabaan. Kaddo malee wodi'i buttin giddii'ni fula'n boga duuchcha shansha'nemman.
Ookkoneechchi uduma Duuchchi Woddik Gootti Mageni buttina buttii'in aadhe manjoke asse giisseexxi sano isixxen hedho uwwaaka hafuuranna uffu hiyye. Manjikinna hedho affeexxe dada kade.
Duuchchi Woddik Gootti Mageni borote'n Edeen hiyyemaake booncho'ni eloxxa hiddichchuwwiinxa bakka qophpheesseexxi dademmaka manjo okko ugge. Duuchchi Woddik Gootti Mageni illetixxe uushsho'a gammachiissaaxxannaa itatee'e eldaaxxa haqqe buttatenaa'n lachchisse; Iittanni eloke hiddichchuwwiinke boonchinxe oddo'n hedho uwwaak haqichchinna elo yo'oxxa ege'na uwwaak haqichchi hedhemman.
Edeeninaa'ni fule hiddichchuwwiinke boonchi giddi'a yaa'a'ni hiddichchuwwa shanshaammaki galaan Edeeninaa'n fuleechchi uduma qoodeme shoole galaana kadaamman. Taakkake galaanik summi Feshoonitemman; isinna Hawula hiyyemaake worqe afendaake boga duuchcha'ni yaa'amman. Ookkone bogixxi worqe ca'ittetemman; iittann yo'oshshaa fishshitaaxxi shittonna fiixxeexxi kino okkone boga'n afendaan. Langake galaani summi Giyoonitemman; isinna Tophphiinke boga duuchcha'ni yaa'aamman. Sakkake galaanika summa Xegiroos hiyyemaan; isinna arishsho fuldaa darre'ni hedheeke Asoorike bogibaa yaa'aamman. Sholgake galaanika summanna Efiraaxis hiyyemaan.
Ookkoneechchi uduma Duuchchi Woddik Gootti Mageni manjo Edeenike eloke hiddichchiinke booncho'ni ugge; tennee asseechchi manji ookkonee eloke hiddichuwwiinka booncho hujo'aannaa heqqo'aaten. Duuchchi Woddik Gootti Mageni manjo hiyye ajajee qici «Eloke hiddichchuwwiinke boonchixxe haqqe duuchchanaa'ni eetetteke haqichchixxa gumma ittatton. Yaane kinni elo yo'oxxa ege'na uwwaake haqichchixxa gumma ittattoxxa barra rertattaxxee isee ittoxxe» hiyye.
Lebeexxi Duuchchi Woddik Gootti Mageni «Manji qofi hedha eloxxeba'a; tennexxee weli aagaaka, gargaarsanjo isi'a dando» hiyye.
Duuchchi Woddi Gootti Mageni ci'a, biniincha duuchcha buttina aadhe giisseexxi mitte mittenge Addaami maa hiyyee summa fulchaaxxa uudo'a konneera Addamiba'a iyyedage. Addaminna hedho afeechchi duuchchi'a fulchemmak summi ookkonende kade. Tennexxee Addaami horekee, ci'ateennaa, biniinchii duuchchi'a summa fulche.
Kaddo maleee Addaami'a weli aagaki gargaarsanji afemebaan. Tenneexxee Duuchchi Woddike Gootti Mageni Addaami diiphe cokokki hiyyaashsha asse; Addaaminna diiphenaa Mageni isike cinaachchanaa'ni mitte micco aadheexxi ookkone duwwi booncho'ni maala wonshe. Ookkoneechchi uduma Duuchchi Widdik Gootti Magen Addaamike cinaachchanaa'ni aadhemmaka micco meyyaxxe asse giisse; iseenna Addaamiba'a iyyedage.
Addaaminaa
«Kunni micci anke micconaa'n,
maalikinna anke maalinaa'n afemeeken;
ise labbakenaa'n afendemaxxee'e meyyaxxe hiyyenduun.»
Tennexxee Labbak annakannaa ama ifixxa waalaan; are ifixxeninnaa weli mitteke kandaan; lamiingi mitte maala kandaan.
Addaaminnaa are ifixxi laamiing duwwi he'nemman; kaddo malee shooka'emmabaan.

සවන් දෙන්න Dadatika Maxaafa 2