<div class="version vid4442 iso6393drs" data-vid="4442" data-iso6393="drs">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Abiraaminna Looxi Gargar Hinge</div><div class="p"> 1Abiraami are ifixxannaa afeechcho duuchcha adhdheexxi Gibtsee'ni Negeebi'a me'e, Looxxinna isinni welt hedhemman. 2Abiraaminna hork birretinna#13:2: Birre: Birre Abiraamike baro'n maallaqiinsha la'oonfantaamake sibiljon worqeti hara dureessa manjomman.</div><div class="p"> 3Abiraami Negeebii'ni ke'eexxi mitte boonchii'n mittebaa mammarema'n edi wodda dunkaane olteexxe Beeti'eeli'a me'e; Beeti'eelixxenna Ayixxe oddo'ni hexxeexxe bakkaba geye; 4Tinni bakkanna taakkaxxa tolchimalcho giisseemmaxxe bakkamman. Ookkonna Abiraami Duuchchi Woddika Gootta ye'edhe.</div><div class="p"> 5Abiraaminni welti me'a'nemmaki Looxi gedhebo, re'e lalokanna dunkaanuwwa afeemman. 6Kaddo malee Abiraaminna Looxi welti he'na'nemma wodda anfeemmachchi hara birasa'eemmaxxee mitteba hedha dandenneba'a. 7Tennenaa'n kexxeexxa Abiraamixxenna Looxixxe allalisanoxxe oddo'n loli ke'e; ookkone baro Kenaanitonna Feeriizito ookkone boga'n hexxa'nemman.</div><div class="p"> 8Abiraaminna Looxii hiyyee qici, &#171;No'o mitte hado kandennaxxee atixxennaa anxe oddo'n yookaan no'oxxe allalisanoxxe oddo'ni loli hedha hasissaabaan. 9Kunnise uuddaatteshshanni butta ba'laxxenni; gargar hingonole eloxxen; ati bita'i darre fi'litottole ani middi darre'n me'annon; ati middi darre fi'litottole ani bita'i darren me'annon&#187; hiyye.</div><div class="p"> 10Looxi elqe kayya uudee wodda Zo'aari qico'n hedheek Yordaanoosixxe Dhooqaki bogi Duuhchi Woddike Goottixxe hiddichchuwwiinxe bakkashsha yookaan Gibtseke bogishsha wodi'i callike kadeexxa afe. Looxi tennee hedeek Duuchchi Woddik Gootti Soodoomikanna Gomoraka qachchuwwa balleeseba edi darremman. 11Tennexxee Looxi Yordaanoosika Dhooqatika boga duuchcha fi'leexxi borotiba'a me'e. Konne qicinni lamiingi manni gargar hinge. 12Abiraami Kenaanike boga'n ofo'le; Looxi kinni dhooqate'ni hedheeke qachchuwwixxe oddo'ni Soodoomike qachchi qarqara dunkaane olte. 13Soodoomik manni kinni fuggaaleessakennaa Duuchchi Woddike Gootti edo lumooshsha cubbo hujaammakemman. 14Looxi Abiraaminaa'n gargar higeechchinn uduma Mageni Abiraami'i &#171;Hexxetebaa'n middi'aannaa bita'i'a borotibaannaa dhidhimiin darre'n hedheeka boga duuchcha dhaphphite uudi. 15Konnee uuddaateka boga ati'aannaa atixxe horte'a duuchchi woddi'a uwwaaneken.#Erga. Huj. 7:5. 16Horte atixxa buttatike maanchishsha bira sa'issannon; ayyinna buttatika maancha dande'e laakko'a dande'ammabaashshanni atixxi hortenna laakkossake dandessissabaaxxe kaddaan. 17Yoona konne boga ati'aa uwwaannaxxee'e kexxettexxi konne bogi giddo duuchcha'n marem&#187; hiyye.</div><div class="p"> 18Tennexxee Abiraami dunkaane ifixxa golsheexxi Kebiroon hexxeexxe Maamirexxe songoxxe haqqe bira ofo'le, ookkonna Duuchchi Woddike Gootti'a tolchimalcho giisse.</div>
 </div>
 </div>
</div>

The Word for the World International, The Word for the World Ethiopia

Abiraami are ifixxannaa afeechcho duuchcha adhdheexxi Gibtsee'ni Negeebi'a me'e, Looxxinna isinni welt hedhemman. Abiraaminna hork birretinna worqeti hara dureessa manjomman.
Abiraami Negeebii'ni ke'eexxi mitte boonchii'n mittebaa mammarema'n edi wodda dunkaane olteexxe Beeti'eeli'a me'e; Beeti'eelixxenna Ayixxe oddo'ni hexxeexxe bakkaba geye; Tinni bakkanna taakkaxxa tolchimalcho giisseemmaxxe bakkamman. Ookkonna Abiraami Duuchchi Woddika Gootta ye'edhe.
Abiraaminni welti me'a'nemmaki Looxi gedhebo, re'e lalokanna dunkaanuwwa afeemman. Kaddo malee Abiraaminna Looxi welti he'na'nemma wodda anfeemmachchi hara birasa'eemmaxxee mitteba hedha dandenneba'a. Tennenaa'n kexxeexxa Abiraamixxenna Looxixxe allalisanoxxe oddo'n loli ke'e; ookkone baro Kenaanitonna Feeriizito ookkone boga'n hexxa'nemman.
Abiraaminna Looxii hiyyee qici, «No'o mitte hado kandennaxxee atixxennaa anxe oddo'n yookaan no'oxxe allalisanoxxe oddo'ni loli hedha hasissaabaan. Kunnise uuddaatteshshanni butta ba'laxxenni; gargar hingonole eloxxen; ati bita'i darre fi'litottole ani middi darre'n me'annon; ati middi darre fi'litottole ani bita'i darren me'annon» hiyye.
Looxi elqe kayya uudee wodda Zo'aari qico'n hedheek Yordaanoosixxe Dhooqaki bogi Duuhchi Woddike Goottixxe hiddichchuwwiinxe bakkashsha yookaan Gibtseke bogishsha wodi'i callike kadeexxa afe. Looxi tennee hedeek Duuchchi Woddik Gootti Soodoomikanna Gomoraka qachchuwwa balleeseba edi darremman. Tennexxee Looxi Yordaanoosika Dhooqatika boga duuchcha fi'leexxi borotiba'a me'e. Konne qicinni lamiingi manni gargar hinge. Abiraami Kenaanike boga'n ofo'le; Looxi kinni dhooqate'ni hedheeke qachchuwwixxe oddo'ni Soodoomike qachchi qarqara dunkaane olte. Soodoomik manni kinni fuggaaleessakennaa Duuchchi Woddike Gootti edo lumooshsha cubbo hujaammakemman. Looxi Abiraaminaa'n gargar higeechchinn uduma Mageni Abiraami'i «Hexxetebaa'n middi'aannaa bita'i'a borotibaannaa dhidhimiin darre'n hedheeka boga duuchcha dhaphphite uudi. Konnee uuddaateka boga ati'aannaa atixxe horte'a duuchchi woddi'a uwwaaneken. Horte atixxa buttatike maanchishsha bira sa'issannon; ayyinna buttatika maancha dande'e laakko'a dande'ammabaashshanni atixxi hortenna laakkossake dandessissabaaxxe kaddaan. Yoona konne boga ati'aa uwwaannaxxee'e kexxettexxi konne bogi giddo duuchcha'n marem» hiyye.
Tennexxee Abiraami dunkaane ifixxa golsheexxi Kebiroon hexxeexxe Maamirexxe songoxxe haqqe bira ofo'le, ookkonna Duuchchi Woddike Gootti'a tolchimalcho giisse.

සවන් දෙන්න Dadatika Maxaafa 13