<div class="version vid4385 iso6393sov" data-vid="4385" data-iso6393="sov">
 <div class="book bkMAT">
 <div class="chapter ch24" data-usfm="MAT.24">
 <div class="label">24</div><div class="s">Hesus e Tapa Tawadiri Templo</div><div class="r">(Markus 13.1-2; Lukas 21.5-6)</div><div class="p"> 1Hesus eda itiwou ma r&#228;ni Templo eda fatare bwa erau s&#252;ye nga marahara lei tabwer lada raho iyolor lada ha&#252;ya titini iimwehara marahara iimweri Templo. 2Hesus eda ha&#252;&#252;l bwa, &#8220;Hau k&#228;k&#228;ne uruteri marahar? Ibwe hau dewahami bwa e tawol def&#246;d&#252; fad&#252; har na ebwe miretiwo r&#228;ni r&#228;niyar; urutar nga ebwe maharatiwo.&#8221;</div><div class="s">Hamatah&#252;t&#246;h&#252; Ma Faiini</div><div class="r">(Markus 13.3-13; Lukas 21.7-19)</div><div class="p"> 3Ifiri na Hesus e maato uwawori duhuri Olives marahara lei tabwer lada raho iyolor eda iilaraho sah&#252; lada ha&#252;ya bwa, &#8220;Hauhamami hale wangayet na ebwe fa&#252;l&#252;yehi marahar, nga meta na hannahahir bwa horau wehitafaari nga erau ileileri far&#252;yeri yalemat.&#8221;</div><div class="p"> 4Hesus eda ha&#252;&#252;l bwa, &#8220;Hau halihiye bwa yalemat ete hosowahami. 5E pipiye yalematara labwe bwitoho lada d&#246;l&#252; bwa la h&#228;di ramai nga la d&#246;l&#252; bwa, &#8216;Ngaangu Mesias!&#8217;, nga erau pipiye yalemat na labwe sapal. 6Haubwe longolongo habulohosori mauri nihalepami ma titiini mauri nitaawa. Nga dari na hau tawai fangiyengi ifiri titiro har. Marahar ra hataingehiri na ebwe fa&#252;l&#252;yehi, nga e tai nifaari na e mori bwito ileileri far&#252;yeri yalemat. 7Far&#252;ye ra larau mauri f&#228;ng&#228;&#228;ni nga far&#252;yael king nga la buho f&#228;ng&#228;&#228;ni. Ebwe wol rangitaari far&#252;ye nga ebwe &#252;s&#252;hehi far&#252;ye wori pipiyeri far&#252;ye. 8Uruteri marahar ra e weya hapurotaheri hamatahi diye bwa erau fadafad.</div><div class="p"> 9&#8220;Ifiri mena na larau dubulihemi lada h&#228;dihemiraho bwa labwe hahalihemi nga la riihemi. Ngaangu sapir na urutael yalemat lada dongahirihemi. 10Ifiri mena nga e rau pipiye marahara e rau peitaraho yael hat&#246;d&#252; lada hatawadi f&#228;ng&#228;niye titiroil, nga la haranaro f&#228;ng&#228;&#228;ni. 11Nga eda para pipiya dautongiri profeta ra larau bwitoho lada hosowayel towuri yalemat. 12Niyator na yatori tamma&#252; eda pipiye yalemat na eda tawola raho yael m&#228;ni hamama&#252;. 13Nga dari na yalematara e hasingisingi eda tohongari na ha&#252;h&#252;h&#252;r ra ebwe rru. 14Titiro Maho ra hataingehiri Far&#252;yeri Dios ra larau hori ka&#252; uwawori uruteri far&#252;ya bwa urutael yalemat nga labwe pari longolongo, nga ifiri mena nga erau bwitoho ileileri far&#252;yeri yalemat.</div><div class="s">Hamatah&#252;t&#246;h&#252;ri Tamma&#252;</div><div class="r">(Markus 13.14-23; Lukas 21.20-24)</div><div class="p"> 15&#8220;Hami ra haubwe k&#228;k&#228;ne &#8216;Hamatah&#252;t&#246;h&#252;ri Tamma&#252;&#8217; we profeta Daniel e tapa ra ebwe mire burukara e liya.&#8221; (Titiror ra e raho iyolori yalematara e haba&#252;h&#252; pepaer: hobwe h&#252;ra nifaari na e tapa!) 16&#8220;Ifiri mena nga marahara la mire Yudea ra larau hilimwatahe wawoduhu. 17Yalematara e mire uwawori ungeri iimw ra e tawai bwitiwo r&#228;ni iimwe bwa ebwe h&#228;dini hapitehir. 18Yalematara e mire r&#228;ni maatar e tawai wehitafaari matariimwar bwa ebwe h&#228;di &#252;ffar. 19Tarapari halofalof dewa faifire hara la niyator diyar ma faifire hara rauul e s&#252;yeri ngungu t&#252;t&#252; labwe taraengari lanekahara. 20Hau sipesipe ngari Dios bwa hau tawai hilimwaraho niyatori halifou hale lani Sabbat! 21Hamatah&#252;t&#246;h&#252;ra ebwe fa&#252;l&#252;yehi ra ebwe hamatah&#252;t&#246;h&#252; dewa ma imowari hamatah&#252;t&#246;h&#252; hawe e fa&#252;l&#252;yehi ifiri-mo hapurotaheri far&#252;yeri yalemat eda tohotoho meihira, nga e tawol para dew hamatah&#252;t&#246;h&#252; ma imwilir ra ebwe weya hamatah&#252;t&#246;h&#252;r. 22Nga dari na Dios eda mori hamosatoho laani hamatah&#252;t&#246;h&#252;r. E weya me ebwe tai faa&#252;l&#252; mena nga e tawol yalemat re ebwe rru. Nga Tamoru e hamosatoho lani marahara ni hataingehiil yalematahara iiye e tiwereil.</div><div class="p"> 23&#8220;Ke uni me yalemat ebwe hauhemi bwa, &#8216;Hanotoho iiye Mesias!&#8217; hale &#8216;Neraho iiye Mesias!&#8217; nga ha&#252; tawai hat&#246;d&#252;ye. 24Haubwe h&#252;ra bwa e wol marahara doutongiri mesias ma doutongiri profeta ra labwe bwitoho lada faa&#252;l&#252; kamarari yar&#252;d&#252; nga la fa&#252;l&#252;&#252;ni titiro hal&#252;l&#252;d&#252; bwa ebwe s&#252;ya bwa labwe hosowael yalemat, nga la hosowael marahara Dios e tiwereil ifiri na ebwe s&#252;ya ngariil. 25Hau hadutering bwa i faduri tabongari hemi titin imowari na ebwe fa&#252;l&#252;yehi.</div><div class="p"> 26&#8220;Nga sah&#252; nga yalemat labwe hauhemi bwa, &#8216;Hau haba&#252;h&#252; bwa iiye ra e mire niworu!&#8217;, hau tawai bwitahe kupeti. Hale dew ra ebwe d&#246;l&#252; bwa, &#8216;Iiye ra e mwaro ihar!&#8217;, hau tawai hat&#246;d&#252;ya. 27Bwa Rauri Yalematara ebwe bwitiwo nga e weya marupe ra e fidiraho eda wele urutenengi. E tire ma hotiwo eda bwitiwo irotowa.</div><div class="p"> 28&#8220;Burukara e wol pod&#252;&#252;l lei made irang, nga burukara na e ttou vultures irang.&#8221;</div><div class="s">Bwitohori Rauri Yalemat</div><div class="r">(Markus 13.24-27; Lukas 21.25-28)</div><div class="p"> 29&#8220;Fat&#246;ta sah&#252; ma werimwiliri hamatah&#252;t&#246;h&#252;r e fa&#252;l&#252;yehi nga e rau losop&#246;d&#252;raho yaaro nga malam nga eda taiwol tire, nga fidi nga larau mol ma retipenengi, nga ppouri retipenengi nga larau itiwou ma &#252;r&#252;h&#252;ri yarael. 30Ifiri mena nga hannahahiri Rauri Yalematara e rau nnahatoho ma retipenengi nga urutael sawori weidarop larau tangi ifiri na la k&#228;k&#228;ne Rauri Yalematara e bwitiwo nga e mire uwawori manirengiri weirengi nga e h&#228;di tarapari ppou nga e fisiraho. 31Ebwe dd&#246;l&#252; tarapari trompeta nga erau hatalilaraho yaar anghel ifiri na faauwa sapinengi bwa labwe hatoiyeri f&#228;ng&#228;niil yalemat hara e tiwereil ma uwawori uruteri far&#252;ye.</div><div class="s">Ka&#252; ma Ifiri Sirihetira Fig</div><div class="r">(Markus 13.28-31; Lukas 21.29-33)</div><div class="p"> 32&#8220;Haubwe ka&#252; ma ifiri sirihetira fig. Ifiri na ebwe halawalawaraho nga e laar nga e fahor sa&#252;r, nga hauda mori h&#252;ra bwa eda mori halepatoho yatori na erau bwesi far&#252;ye. 33Ira sah&#252; souri na e fa&#252;l&#252; ra ifiri na haubwe k&#228;k&#228;ne uruteri marahar nga hau rou h&#252;ra bwa eda mori halep yator nga e rau hapurotahe. 34Ibwe ha&#252; dewahami bwa uruteri marahar ra ebwe fa&#252;l&#252;yehi imowari na labwe l&#246;taraho maraha la fada meihira. 35Rangi ma masalo ra ebwe tawolaraho, nga ramai ra e tawau s&#252;ya bwa ebwe tawolaraho.</div><div class="s">E Tawol re e H&#252;ra Laan ma Yator</div><div class="r">(Markus 13.32-37; Lukas 17.26-30, 34-36)</div><div class="p"> 36&#8220;E tawol demar&#252; yalemat re e h&#252;ra hale lane meta ma yato meta na ebwe fa&#252;l&#252;yehi merer. Anghelari weirengi la tah&#252;ra nga Ra&#252;r&#246;&#252; nga e tah&#252;ra. Har demar&#252; Papa na e h&#252;ra. 37Bwitohori Ra&#252;ri Yalematara ebwe weya-mo e fa&#252;l&#252;yehi ifiri yatori Noa. 38Imowari na e bulotahe far&#252;ya nga yalemat la mwanga&#252; nga la &#252;r&#252; nga la liili eda tohongari lanewe Noah e ta&#252;tahe &#252;s&#252;ri ark. 39Yalemat la tah&#252;ra na e fa&#252;l&#252;yehi eda tohongari na e bulotahe far&#252;ya lada ppari maanaho. Ira sah&#252; souri na ebwe fa&#252;l&#252;yehi ifiri na ebwe wehitafaari Ra&#252;ri Yalemat. 40Ifiri mena nga liyemaru mwaare labwe fitehi r&#228;ni maat, lada h&#228;di demar&#252; nga la rihiti demar&#252;. 41Liyemaru faifire ra la iheih moh&#252;moh&#252;, lada h&#228;di demar&#252; nga la rihiti demar&#252;. 42Haubwe halihihemi bwa ha&#252; tah&#252;ra lanera ebwe bwitoho yami Tamor&#252;. 43E weya fa&#252;l&#252;ri na yalematara iimwar mena ebwe h&#252;ra hale wangayet na lei pilaf ebwe bwirango niimwar, nga iiye ra ebwe haneraho sah&#252; nga e tawai hatabweya bwa lei pilaf ebwe rango r&#228;ni na iimwar. 44Ira sah&#252; s&#246;&#252;ri na hami-mo nga haubwe faa&#252;l&#252; ra haubwe hawerewere hami s&#246;h&#252;, bwa Ra&#252;ri Yalematara ebwe bwitoho niyatora ha&#252; tei mangiya bwa ebwe bwitoho ma irang.</div><div class="s">Fahili ma Masoho</div><div class="r">(Lukas 12.41-48)</div><div class="p"> 45&#8220;It&#246;&#252; lei fitehi ra e ttabwe raam nga e talam tipar? Yalematara yaar tamoru e hariye bwa yaar fitehi na ebwe nifariil marahara pal&#252;&#252;l lei hakurou, nga e haneil harael ifiri mena yator. 46E hafaiyema&#252; dewa lei fitehira ifiri na yaar tamor&#252; ebwe wehitafaari eda weli nga e fa&#252;l&#252; na yaar fitehi! 47Ibwe ha&#252; dewahami bwa mwana tamor&#252; ra ebwe hariya yalematara bwa ebwe nifaari uruteri hapitehir. 48Nga sah&#252; nga e masoho mwana lei yaar fitehi ira nga erau d&#246;l&#252; ma faring&#246;r&#252;ng&#246;n bwa mwana yaar tamoru ra ebwe miriyarai yaar taimire, 49eda mwetahe yaar riil marahara uwar lei fitehi, nga e p&#252;l&#252;l lei mariyeri mwanga&#252; ma &#252;r&#252;. 50Mwana tamor&#252; eda wehitafaari lanera mwana lei yaar fitehi e tai mangiya bwa ebwe bwitoho ma irang ma niyatora e tah&#252;ra bwa erau wehitafaari ma irang. 51Mwana tamor&#252; ra ebwe fara pasihisihiye eda peitarango uworuul lei tirobwat ifiri hahalihelil. Mwana ra ebwe tangi nga e hatata ngiir.</div>
 </div>
 </div>
</div>

Hesus eda itiwou ma räni Templo eda fatare bwa erau süye nga marahara lei tabwer lada raho iyolor lada haüya titini iimwehara marahara iimweri Templo. Hesus eda haüül bwa, “Hau käkäne uruteri marahar? Ibwe hau dewahami bwa e tawol defödü fadü har na ebwe miretiwo räni räniyar; urutar nga ebwe maharatiwo.”


Ifiri na Hesus e maato uwawori duhuri Olives marahara lei tabwer lada raho iyolor eda iilaraho sahü lada haüya bwa, “Hauhamami hale wangayet na ebwe faülüyehi marahar, nga meta na hannahahir bwa horau wehitafaari nga erau ileileri farüyeri yalemat.”
Hesus eda haüül bwa, “Hau halihiye bwa yalemat ete hosowahami. E pipiye yalematara labwe bwitoho lada dölü bwa la hädi ramai nga la dölü bwa, ‘Ngaangu Mesias!’, nga erau pipiye yalemat na labwe sapal. Haubwe longolongo habulohosori mauri nihalepami ma titiini mauri nitaawa. Nga dari na hau tawai fangiyengi ifiri titiro har. Marahar ra hataingehiri na ebwe faülüyehi, nga e tai nifaari na e mori bwito ileileri farüyeri yalemat. Farüye ra larau mauri fängääni nga farüyael king nga la buho fängääni. Ebwe wol rangitaari farüye nga ebwe üsühehi farüye wori pipiyeri farüye. Uruteri marahar ra e weya hapurotaheri hamatahi diye bwa erau fadafad.
“Ifiri mena na larau dubulihemi lada hädihemiraho bwa labwe hahalihemi nga la riihemi. Ngaangu sapir na urutael yalemat lada dongahirihemi. Ifiri mena nga e rau pipiye marahara e rau peitaraho yael hatödü lada hatawadi fängäniye titiroil, nga la haranaro fängääni. Nga eda para pipiya dautongiri profeta ra larau bwitoho lada hosowayel towuri yalemat. Niyator na yatori tammaü eda pipiye yalemat na eda tawola raho yael mäni hamamaü. Nga dari na yalematara e hasingisingi eda tohongari na haühühür ra ebwe rru. Titiro Maho ra hataingehiri Farüyeri Dios ra larau hori kaü uwawori uruteri farüya bwa urutael yalemat nga labwe pari longolongo, nga ifiri mena nga erau bwitoho ileileri farüyeri yalemat.


“Hami ra haubwe käkäne ‘Hamatahütöhüri Tammaü’ we profeta Daniel e tapa ra ebwe mire burukara e liya.” (Titiror ra e raho iyolori yalematara e habaühü pepaer: hobwe hüra nifaari na e tapa!) “Ifiri mena nga marahara la mire Yudea ra larau hilimwatahe wawoduhu. Yalematara e mire uwawori ungeri iimw ra e tawai bwitiwo räni iimwe bwa ebwe hädini hapitehir. Yalematara e mire räni maatar e tawai wehitafaari matariimwar bwa ebwe hädi üffar. Tarapari halofalof dewa faifire hara la niyator diyar ma faifire hara rauul e süyeri ngungu tütü labwe taraengari lanekahara. Hau sipesipe ngari Dios bwa hau tawai hilimwaraho niyatori halifou hale lani Sabbat! Hamatahütöhüra ebwe faülüyehi ra ebwe hamatahütöhü dewa ma imowari hamatahütöhü hawe e faülüyehi ifiri-mo hapurotaheri farüyeri yalemat eda tohotoho meihira, nga e tawol para dew hamatahütöhü ma imwilir ra ebwe weya hamatahütöhür. Nga dari na Dios eda mori hamosatoho laani hamatahütöhür. E weya me ebwe tai faaülü mena nga e tawol yalemat re ebwe rru. Nga Tamoru e hamosatoho lani marahara ni hataingehiil yalematahara iiye e tiwereil.
“Ke uni me yalemat ebwe hauhemi bwa, ‘Hanotoho iiye Mesias!’ hale ‘Neraho iiye Mesias!’ nga haü tawai hatödüye. Haubwe hüra bwa e wol marahara doutongiri mesias ma doutongiri profeta ra labwe bwitoho lada faaülü kamarari yarüdü nga la faülüüni titiro halülüdü bwa ebwe süya bwa labwe hosowael yalemat, nga la hosowael marahara Dios e tiwereil ifiri na ebwe süya ngariil. Hau hadutering bwa i faduri tabongari hemi titin imowari na ebwe faülüyehi.
“Nga sahü nga yalemat labwe hauhemi bwa, ‘Hau habaühü bwa iiye ra e mire niworu!’, hau tawai bwitahe kupeti. Hale dew ra ebwe dölü bwa, ‘Iiye ra e mwaro ihar!’, hau tawai hatödüya. Bwa Rauri Yalematara ebwe bwitiwo nga e weya marupe ra e fidiraho eda wele urutenengi. E tire ma hotiwo eda bwitiwo irotowa.
“Burukara e wol podüül lei made irang, nga burukara na e ttou vultures irang.”


“Fatöta sahü ma werimwiliri hamatahütöhür e faülüyehi nga e rau losopödüraho yaaro nga malam nga eda taiwol tire, nga fidi nga larau mol ma retipenengi, nga ppouri retipenengi nga larau itiwou ma ürühüri yarael. Ifiri mena nga hannahahiri Rauri Yalematara e rau nnahatoho ma retipenengi nga urutael sawori weidarop larau tangi ifiri na la käkäne Rauri Yalematara e bwitiwo nga e mire uwawori manirengiri weirengi nga e hädi tarapari ppou nga e fisiraho. Ebwe ddölü tarapari trompeta nga erau hatalilaraho yaar anghel ifiri na faauwa sapinengi bwa labwe hatoiyeri fängäniil yalemat hara e tiwereil ma uwawori uruteri farüye.


“Haubwe kaü ma ifiri sirihetira fig. Ifiri na ebwe halawalawaraho nga e laar nga e fahor saür, nga hauda mori hüra bwa eda mori halepatoho yatori na erau bwesi farüye. Ira sahü souri na e faülü ra ifiri na haubwe käkäne uruteri marahar nga hau rou hüra bwa eda mori halep yator nga e rau hapurotahe. Ibwe haü dewahami bwa uruteri marahar ra ebwe faülüyehi imowari na labwe lötaraho maraha la fada meihira. Rangi ma masalo ra ebwe tawolaraho, nga ramai ra e tawau süya bwa ebwe tawolaraho.


“E tawol demarü yalemat re e hüra hale lane meta ma yato meta na ebwe faülüyehi merer. Anghelari weirengi la tahüra nga Raüröü nga e tahüra. Har demarü Papa na e hüra. Bwitohori Raüri Yalematara ebwe weya-mo e faülüyehi ifiri yatori Noa. Imowari na e bulotahe farüya nga yalemat la mwangaü nga la ürü nga la liili eda tohongari lanewe Noah e taütahe üsüri ark . Yalemat la tahüra na e faülüyehi eda tohongari na e bulotahe farüya lada ppari maanaho. Ira sahü souri na ebwe faülüyehi ifiri na ebwe wehitafaari Raüri Yalemat. Ifiri mena nga liyemaru mwaare labwe fitehi räni maat, lada hädi demarü nga la rihiti demarü. Liyemaru faifire ra la iheih mohümohü, lada hädi demarü nga la rihiti demarü. Haubwe halihihemi bwa haü tahüra lanera ebwe bwitoho yami Tamorü. E weya faülüri na yalematara iimwar mena ebwe hüra hale wangayet na lei pilaf ebwe bwirango niimwar, nga iiye ra ebwe haneraho sahü nga e tawai hatabweya bwa lei pilaf ebwe rango räni na iimwar. Ira sahü söüri na hami-mo nga haubwe faaülü ra haubwe hawerewere hami söhü, bwa Raüri Yalematara ebwe bwitoho niyatora haü tei mangiya bwa ebwe bwitoho ma irang.


“Itöü lei fitehi ra e ttabwe raam nga e talam tipar? Yalematara yaar tamoru e hariye bwa yaar fitehi na ebwe nifariil marahara palüül lei hakurou, nga e haneil harael ifiri mena yator. E hafaiyemaü dewa lei fitehira ifiri na yaar tamorü ebwe wehitafaari eda weli nga e faülü na yaar fitehi! Ibwe haü dewahami bwa mwana tamorü ra ebwe hariya yalematara bwa ebwe nifaari uruteri hapitehir. Nga sahü nga e masoho mwana lei yaar fitehi ira nga erau dölü ma faringörüngön bwa mwana yaar tamoru ra ebwe miriyarai yaar taimire, eda mwetahe yaar riil marahara uwar lei fitehi, nga e pülül lei mariyeri mwangaü ma ürü. Mwana tamorü eda wehitafaari lanera mwana lei yaar fitehi e tai mangiya bwa ebwe bwitoho ma irang ma niyatora e tahüra bwa erau wehitafaari ma irang. Mwana tamorü ra ebwe fara pasihisihiye eda peitarango uworuul lei tirobwat ifiri hahalihelil. Mwana ra ebwe tangi nga e hatata ngiir.

සවන් දෙන්න Mateus 24