<div class="version vid4270 iso6393tbx" data-vid="4270" data-iso6393="tbx">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Qayeeng wei la tax o</span></div><div class="ip"><span class="content">Xoulek Nimza wei Matai byex ne eno la tax en qapiya vey wei tul pavulek en lulul wei qandi wou Yesu gyeik ingwei lam dei lek tembuing o. Qapiya tine tul pavulek atax en lulul wei qandi myaxeeng gyeik Maria wou Yesu yo, me tul pavulek la tyip ingwei xel leis Yesu mey o, me qandi lek veil meyeing o, de la veil e xe xel me lek me la tyoung gheyapu nei.</span></div><div class="ip"><span class="content">Lul ngandoung ti Matai embei talex, eno nambei nye, Yesu wong ela teyei lek lulul wei Anutu neil zonghek takwei me xel byex eivek qokatu wei takwei yo o (Olpela Testamen). Anutu neil zonghek bei tyek bong tambiy ti bei e nam a qou xel Israel noumenam, de qapiya tiyon embei talex bei Yesu e tambiy tiyon. Eivek qapiya danghei valu wei Matai, eno qayeeng talex bei lulul wei Yesu wong eno la teyei lek qayeeng wei Anutu xe xel poropet neil takwei yo. Wei 1:22-23 me 2:4-6 me 2:14-15 me 2:23 me 4:13-16 me 8:16-17 me 12:15-21 me 13:34-35 me 21:2-5 me 21.16 me 26.24 me 26.31 me 26.54 me 27:6-10.</span></div><div class="ip"><span class="content">Lul ngandoung nge eno qapiya wei Matai yo neil, inyon tete lalei wei tyoung gheyapu yo o tete lalei wei Anutu yo. En xuk wei Yesu eno Anutu embei bo king zonghek wei xomaxoneing dalusateiv o, de embei xomaxoneing na mi betiwou woueing nalei wei e yo.</span></div><div class="ip"><span class="content">Eivek qapiya danghei lim wei Matai, eno qayeeng ding a ding wei Yesu neil o. Tiwei tax eno di yeip eivek sapta 5-7 eno inyon xel qayeeng wei Yesu neil lek lukendu ti yo. Qayeeng tiyon talex xel xomaxoneing wei mindei nambei Anutu xe xel zonghek o. Qayeeng ding a ding nge wei yuw eno di yeip eivek sapta 10. Qayeeng tiyon Yesu wong wou xel betiyeing en lulul wei xel bong gyeik ingwei xel na neil Yesu xe xoulek wou xomaxoneing bamba yo.</span></div><div class="ip"><span class="content">Qayeeng ding a ding tiwei yal eno di yeip eivek sapta 13, Yesu neil qayeeng pakeing bei talex wou xel xomaxoneing en Anutu xe tete lalei. Qayeeng ding a ding tiwei vey eno di yeip eivek sapta 18, Yesu neil qayeeng wei xomaxoneing embei mendei nambei e xe betiyeing zonghek o. De qayeeng ding a ding tiwei lim eno di yeip eivek sapta 24-25, Yesu neil qayeeng wei lulul embei qandi lek gyeik bouk loxyus o.</span></div><div class="ip"><span class="content">Qapiya tiyon venaxow eno se neil teyei bei tambiy eti byex qapiya tiyon. Ekom qapiya tiyon qou lei bei Xoulek Nimza wei Matai byex o. Inyon nambei nye, xel wou naleind en Matai tiwei mi qou takis wei di yeip eivek sapta 9:9-13.</span></div>
      </div>
   </div>
</div>

Qayeeng wei la tax o
Xoulek Nimza wei Matai byex ne eno la tax en qapiya vey wei tul pavulek en lulul wei qandi wou Yesu gyeik ingwei lam dei lek tembuing o. Qapiya tine tul pavulek atax en lulul wei qandi myaxeeng gyeik Maria wou Yesu yo, me tul pavulek la tyip ingwei xel leis Yesu mey o, me qandi lek veil meyeing o, de la veil e xe xel me lek me la tyoung gheyapu nei.
Lul ngandoung ti Matai embei talex, eno nambei nye, Yesu wong ela teyei lek lulul wei Anutu neil zonghek takwei me xel byex eivek qokatu wei takwei yo o (Olpela Testamen). Anutu neil zonghek bei tyek bong tambiy ti bei e nam a qou xel Israel noumenam, de qapiya tiyon embei talex bei Yesu e tambiy tiyon. Eivek qapiya danghei valu wei Matai, eno qayeeng talex bei lulul wei Yesu wong eno la teyei lek qayeeng wei Anutu xe xel poropet neil takwei yo. Wei 1:22-23 me 2:4-6 me 2:14-15 me 2:23 me 4:13-16 me 8:16-17 me 12:15-21 me 13:34-35 me 21:2-5 me 21.16 me 26.24 me 26.31 me 26.54 me 27:6-10.
Lul ngandoung nge eno qapiya wei Matai yo neil, inyon tete lalei wei tyoung gheyapu yo o tete lalei wei Anutu yo. En xuk wei Yesu eno Anutu embei bo king zonghek wei xomaxoneing dalusateiv o, de embei xomaxoneing na mi betiwou woueing nalei wei e yo.
Eivek qapiya danghei lim wei Matai, eno qayeeng ding a ding wei Yesu neil o. Tiwei tax eno di yeip eivek sapta 5-7 eno inyon xel qayeeng wei Yesu neil lek lukendu ti yo. Qayeeng tiyon talex xel xomaxoneing wei mindei nambei Anutu xe xel zonghek o. Qayeeng ding a ding nge wei yuw eno di yeip eivek sapta 10. Qayeeng tiyon Yesu wong wou xel betiyeing en lulul wei xel bong gyeik ingwei xel na neil Yesu xe xoulek wou xomaxoneing bamba yo.
Qayeeng ding a ding tiwei yal eno di yeip eivek sapta 13, Yesu neil qayeeng pakeing bei talex wou xel xomaxoneing en Anutu xe tete lalei. Qayeeng ding a ding tiwei vey eno di yeip eivek sapta 18, Yesu neil qayeeng wei xomaxoneing embei mendei nambei e xe betiyeing zonghek o. De qayeeng ding a ding tiwei lim eno di yeip eivek sapta 24-25, Yesu neil qayeeng wei lulul embei qandi lek gyeik bouk loxyus o.
Qapiya tiyon venaxow eno se neil teyei bei tambiy eti byex qapiya tiyon. Ekom qapiya tiyon qou lei bei Xoulek Nimza wei Matai byex o. Inyon nambei nye, xel wou naleind en Matai tiwei mi qou takis wei di yeip eivek sapta 9:9-13.

සවන් දෙන්න Matai Qayeeng wei la tax o