<div class="version vid4267 iso6393cjm" data-vid="4267" data-iso6393="cjm">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Pan&#244;ic paha xakr&#432;n</span></div><div class="ip"><span class="content">  </span><span class="bk"><span class="content">Khao Siam tui Ma-thi-&#417;</span></span><span class="content"> lak ka khao bui &#244;n laic P&#244; Y&#234;-su n&#7841;n P&#244; Dong Paklah, Bh&#244; krung hu m&#432;rai pi&#234;h ngak thit pan&#244;ic he an&#432;d P&#244; Lingik dalam Agal N&#432;bi Jan Ji Yao Tik thong b&#244;l Bh&#244;. Khao Siam ni &#244;h njaup ci&#234;t caga karei ka m&#432;nuix Yo Thaic min lijang ka abih m&#432;r&#244;xak.</span></div><div class="ip"><span class="content">  </span><span class="bk"><span class="content">Khao Siam tui Ma-thi-&#417;</span></span><span class="content"> bihu yah yaic tha danak &#273;&#244;ic gor, jalang jal&#244;i. Raup thong gruk P&#244; Y&#234;-su jrang m&#432;n&#432;k, ciup &#384;ap-tem thong gruk ciup palw&#244; ngal. Patui Bh&#244; lang, pato, thong pajru rwak tak n&#432;gar Ga-li-l&#234;. Hadei di nan tapuk Khao Siam ni vak v&#417;k adhwan P&#244; Y&#234;-su trun Y&#234;-ru-sa-lem thong d&#244;m apakar dalam akok karaup taluic, bloh tanut glong n&#7841;n P&#244; Y&#234;-su gok pang &#273;in thong diup v&#417;k.</span></div><div class="ip"><span class="content">  </span><span class="bk"><span class="content">Khao Siam tui Ma-thi-&#417;</span></span><span class="content"> yah yaic P&#244; Y&#234;-su n&#7841;n tha pakat gru pato prong di prong, hu aco gon lang yah hakum jakar P&#244; Lingik thong lang pato ka Dit Biya P&#244; Lingik. D&#244;m kabha P&#244; Y&#234;-su pato paham bihu dan&#244;p tui lim&#432; akok pan&#244;ic: (1) Kadha lang ngok c&#417;k &#273;&#244;m ka d&#244;m tanut kateh, than bha, karun kateh thong th&#244; vag an&#432;d b&#244;l bila dalam Dit Biya Th&#244;r Riga (Pat 5&#8211;7); (2) D&#244;m pabaic ka naph&#244;l samkhan an&#432;d tha pluh dwa X&#234;h Pachai (Pat 10); (3) D&#244;m arkat&#234; ka Dit Biya Th&#244;r Riga (Pat 13); (4) Gruk lang pato pakai ka mat ar ngak an&#432;k x&#234;h Bh&#244; (Pat 18); (5) Pan&#244;ic pato ka bangyau kayamat thong gruk m&#432;rai an&#432;d Dit Biya P&#244; Lingik (Pat 24&#8211;25)</span></div><div class="iot"><span class="content">M&#432;adak</span></div><div class="io1"><span class="content">Vang bilei thong gruk jrang m&#432;n&#432;k P&#244; Y&#234;-su Krist </span><span class="ior"><span class="content">(</span><span class="content">1:1&#8211;2:23</span><span class="content">)</span></span></div><div class="io1"><span class="content">Y&#226;ng Bap-tit angak naph&#244;l </span><span class="ior"><span class="content">(</span><span class="content">3:1-12</span><span class="content">)</span></span></div><div class="io1"><span class="content">P&#244; Y&#234;-su t&#244;k &#384;ap-tem thong ciup palw&#244; ngal </span><span class="ior"><span class="content">(</span><span class="content">3:13&#8211;4:11</span><span class="content">)</span></span></div><div class="io1"><span class="content">P&#244; Y&#234;-su angak naph&#244;l tak n&#432;gar Ga-li-l&#234; </span><span class="ior"><span class="content">(</span><span class="content">4:12&#8211;18:35</span><span class="content">)</span></span></div><div class="io1"><span class="content">Adhwan m&#432;ng Ga-li-l&#234; tal Y&#234;-ru-sa-lem </span><span class="ior"><span class="content">(</span><span class="content">19:1&#8211;20:34</span><span class="content">)</span></span></div><div class="io1"><span class="content">Akok karaup taluic jek thong tak Y&#234;-ru-sa-lem </span><span class="ior"><span class="content">(</span><span class="content">21:1&#8211;27:66</span><span class="content">)</span></span></div><div class="io1"><span class="content">P&#244; Y&#234;-su diup v&#417;k thong d&#244;m &#384;ang bhat tabiak </span><span class="ior"><span class="content">(</span><span class="content">28:1-20</span><span class="content">)</span></span></div>
      </div>
   </div>
</div>

Panôic paha xakrưn
Khao Siam tui Ma-thi-ơ lak ka khao bui ôn laic Pô Yê-su nạn Pô Dong Paklah, Bhô krung hu mưrai piêh ngak thit panôic he anưd Pô Lingik dalam Agal Nưbi Jan Ji Yao Tik thong bôl Bhô. Khao Siam ni ôh njaup ciêt caga karei ka mưnuix Yo Thaic min lijang ka abih mưrôxak.
Khao Siam tui Ma-thi-ơ bihu yah yaic tha danak đôic gor, jalang jalôi. Raup thong gruk Pô Yê-su jrang mưnưk, ciup ƀap-tem thong gruk ciup palwô ngal. Patui Bhô lang, pato, thong pajru rwak tak nưgar Ga-li-lê. Hadei di nan tapuk Khao Siam ni vak vơk adhwan Pô Yê-su trun Yê-ru-sa-lem thong dôm apakar dalam akok karaup taluic, bloh tanut glong nạn Pô Yê-su gok pang đin thong diup vơk.
Khao Siam tui Ma-thi-ơ yah yaic Pô Yê-su nạn tha pakat gru pato prong di prong, hu aco gon lang yah hakum jakar Pô Lingik thong lang pato ka Dit Biya Pô Lingik. Dôm kabha Pô Yê-su pato paham bihu danôp tui limư akok panôic: (1) Kadha lang ngok cơk đôm ka dôm tanut kateh, than bha, karun kateh thong thô vag anưd bôl bila dalam Dit Biya Thôr Riga (Pat 5–7); (2) Dôm pabaic ka naphôl samkhan anưd tha pluh dwa Xêh Pachai (Pat 10); (3) Dôm arkatê ka Dit Biya Thôr Riga (Pat 13); (4) Gruk lang pato pakai ka mat ar ngak anưk xêh Bhô (Pat 18); (5) Panôic pato ka bangyau kayamat thong gruk mưrai anưd Dit Biya Pô Lingik (Pat 24–25)
Mưadak
Vang bilei thong gruk jrang mưnưk Pô Yê-su Krist ( 1:1–2:23 )
Yâng Bap-tit angak naphôl ( 3:1-12 )
Pô Yê-su tôk ƀap-tem thong ciup palwô ngal ( 3:13–4:11 )
Pô Yê-su angak naphôl tak nưgar Ga-li-lê ( 4:12–18:35 )
Adhwan mưng Ga-li-lê tal Yê-ru-sa-lem ( 19:1–20:34 )
Akok karaup taluic jek thong tak Yê-ru-sa-lem ( 21:1–27:66 )
Pô Yê-su diup vơk thong dôm ƀang bhat tabiak ( 28:1-20 )

සවන් දෙන්න Ma-thi-ơ Panôic paha xakrưn