<div class="version vid4229 iso6393rmy" data-vid="4229" data-iso6393="rmy">
 <div class="book bkGEN">
 <div class="chapter ch45" data-usfm="GEN.45">
 <div class="label">45</div><div class="s">O Josif mothol pire phralen&#273;e ko si vo</div><div class="p"> 1O Josif na&#353;ti &#263;i&#263;idelas majbut pesko ilo angle pire sluge, zato &#269;huta muj: &#8220;Neka savora inkljen avri!&#8221; Gajda nas khonik e Josifesa kana phendas pire phralen&#273;e ko si vo. 2Ali rovelas gadi&#263;i zurale ando glaso kaj vi e Egip&#263;aja a&#353;unenas les, a vi e faraonesko dvoro saznaisardas pale godova.</div><div class="p"> 3O Josif phendas pire phralen&#273;e: &#8220;Me sem o Josif! Dali si mungro dad jo&#353; d&#382;udo?&#8221;</div><div class="p">Ali von sas gadi&#263;i but zaprepastime kaj na&#353;ti phendine le&#353;&#263;e so phu&#269;la len.</div><div class="p"> 4Askal o Josif phendas: &#8220;Aven majpa&#353;e.&#8221;</div><div class="p">Kana avile, phendas: &#8220;Me sem tumaro phral o Josif, okova saves bi&#263;indine ando Egipat! 5Ali akana na aven uznemirime niti holjarike korkoro pe tumende zato kaj bi&#263;indine man akaring, kaj o Del bi&#269;halda man angle tumende te spasin pe e trajurja. 6Ve&#263; duj br&#353; trajil e bok ande phuv, a jo&#353; pand&#382; br&#353; &#269;i orila pe e phuv, a niti &#382;etva avela. 7O Del bi&#269;halda man angle tumende, te &#269;udesno spasil tumare trajurja thaj te avel tumen potomstvo pe phuv. 8Gajda &#269;i bi&#269;haldine man tumen akate, nego o Del. Vo &#269;huta man palo majbaro faraonesko slu&#382;beniko, palo gospodari pe sasto &#263;her e faraonesko thaj palo vladari po sasto Egipat.</div><div class="p"> 9Akana si&#273;aren palpale mungre dade&#353;&#263;e thaj phenen le&#353;&#263;e: &#8216;&#262;iro &#269;havo o Josif phenel gajda: O Del &#269;huta man palo gospodari po sasto Egipat. Av mande, na gndi tut. 10Trajija ando krajo Go&#353;en thaj aveja man&#273;e pa&#353;e &#8211; tu, &#263;ire &#269;havra, &#263;ire unukurja, &#263;ire bakhre, &#263;ire guruva thaj sa so si tut. 11Me okote in&#263;arava briga pale tute, kaj e bok trajila jo&#353; pand&#382; br&#353;. Gajda &#269;i in&#263;areja bok ni tu, ni &#263;iri familija ni khonik &#263;iro.&#8217;</div><div class="p"> 12Korkoro &#353;aj di&#263;hen, sago vi tumaro phral o Venijamin, kaj me vi &#269;a&#269;e tumenca &#263;erav svato. 13Phenen mungre dade&#353;&#263;e pale bari &#269;ast savi si man&#273;e dini ando Egipat thaj pale sa so dikhline. Thaj sigo anen mungre dades akaring!&#8221;</div><div class="p"> 14Askal dijas mrtiko pire phrales e Venijamine thaj liduj d&#382;ene rovenas dok denas pe mrtiko. 15Pale godova e jasvenca delas mrtiko thaj &#269;umidelas sa pire phralen. Posle godova le&#353;&#263;e phral &#263;erdine svato lesa.</div><div class="p"> 16Kana d&#382;i ke faraonesko dvoro avili e nevimata kaj aresline e Josife&#353;&#263;e phral, o faraon thaj le&#353;&#263;e slu&#382;benikurja obraduisajle.</div><div class="p"> 17O faraon phendas e Josife&#353;&#263;e: &#8220;Phen &#263;ire phralen&#273;e: &#8216;&#262;eren agajda: Natovarin hamasko pe tumare magarcurja thaj bolden tumen ando Hanaan. 18Askal anen tumare dades thaj tumare familije mande. Me dava tumen majla&#269;hi phuv ando Egipat thaj pravarena tumen katar o obilje akale phuvjako.&#8217;</div><div class="p"> 19A naredba del pe tu&#263;e te phenes len&#273;e: &#8216;&#262;eren agajda: Len tumen&#273;e varekozom vordona andar o Egipat pale tumare &#269;havra thaj pale tumare romnja. Anen vi tumare dade thaj aven akaring. 20Na &#382;alin pale okova so mukline okote, kaj dela pe tumen&#273;e okova majla&#269;ho ando sasto Egipat.&#8217;&#8202;&#8221;</div><div class="p"> 21Askal e Izraelo&#353;&#263;e &#269;have &#263;erdine gajda. O Josif dija len vordona thaj hamasko palo drom, sago kaj o faraon phendas. 22Svakone&#353;&#263;e lendar dijas neve haljine, ali e Venijamine&#353;&#263;e dijas trin &#353;ela rupune kovanice thaj pand&#382; haljine. 23A akava bi&#269;haldas pire dade&#353;&#263;e: de&#353; magarcurja natovarime okoleja so si majla&#269;ho ando Egipat, de&#353; magarice natovarime e &#273;ivesa, mangresa thaj sa avresa so trubula les palo drom.</div><div class="p"> 24Pale godova bi&#269;haldas pire phralen po drom. Dok d&#382;anastar, phendas len&#273;e: &#8220;Na han tumen e dromesa ma&#353;kar tumende!&#8221;</div><div class="p"> 25Gajda von teljardine andar o Egipat thaj aresline pire dade&#353;&#263;e e Jakove&#353;&#263;e ando Hanaan.</div><div class="p"> 26Kana phendine le&#353;&#263;e: &#8220;O Josif si d&#382;udo thaj vladil po sasto Egipat!&#8221; o Jakov zaprepastisajlo thaj na&#353;ti pa&#263;alas so a&#353;unel. 27Von phendine le&#353;&#263;e sa so o Josif phendas len&#273;e. Thaj kana o Jakov dikhla e vordona save o Josif bi&#269;haldas pala leste, d&#382;udilo ando duho.</div><div class="p"> 28Askal o Izrael phendas: &#8220;Uverisajlem! Mungro &#269;havo o Josif d&#382;udo si! D&#382;ava te dikhav les majsigo nego so merav.&#8221;</div>
 </div>
 </div>
</div>

O Josif našti ćićidelas majbut pesko ilo angle pire sluge, zato čhuta muj: “Neka savora inkljen avri!” Gajda nas khonik e Josifesa kana phendas pire phralenđe ko si vo. Ali rovelas gadići zurale ando glaso kaj vi e Egipćaja ašunenas les, a vi e faraonesko dvoro saznaisardas pale godova.
O Josif phendas pire phralenđe: “Me sem o Josif! Dali si mungro dad još džudo?”
Ali von sas gadići but zaprepastime kaj našti phendine lešće so phučla len.
Askal o Josif phendas: “Aven majpaše.”
Kana avile, phendas: “Me sem tumaro phral o Josif, okova saves bićindine ando Egipat! Ali akana na aven uznemirime niti holjarike korkoro pe tumende zato kaj bićindine man akaring, kaj o Del bičhalda man angle tumende te spasin pe e trajurja. Već duj brš trajil e bok ande phuv, a još pandž brš či orila pe e phuv, a niti žetva avela. O Del bičhalda man angle tumende, te čudesno spasil tumare trajurja thaj te avel tumen potomstvo pe phuv. Gajda či bičhaldine man tumen akate, nego o Del. Vo čhuta man palo majbaro faraonesko službeniko, palo gospodari pe sasto ćher e faraonesko thaj palo vladari po sasto Egipat.
Akana siđaren palpale mungre dadešće thaj phenen lešće: ‘Ćiro čhavo o Josif phenel gajda: O Del čhuta man palo gospodari po sasto Egipat. Av mande, na gndi tut. Trajija ando krajo Gošen thaj aveja manđe paše – tu, ćire čhavra, ćire unukurja, ćire bakhre, ćire guruva thaj sa so si tut. Me okote inćarava briga pale tute, kaj e bok trajila još pandž brš. Gajda či inćareja bok ni tu, ni ćiri familija ni khonik ćiro.’
Korkoro šaj dićhen, sago vi tumaro phral o Venijamin, kaj me vi čače tumenca ćerav svato. Phenen mungre dadešće pale bari čast savi si manđe dini ando Egipat thaj pale sa so dikhline. Thaj sigo anen mungre dades akaring!”
Askal dijas mrtiko pire phrales e Venijamine thaj liduj džene rovenas dok denas pe mrtiko. Pale godova e jasvenca delas mrtiko thaj čumidelas sa pire phralen. Posle godova lešće phral ćerdine svato lesa.
Kana dži ke faraonesko dvoro avili e nevimata kaj aresline e Josifešće phral, o faraon thaj lešće službenikurja obraduisajle.
O faraon phendas e Josifešće: “Phen ćire phralenđe: ‘Ćeren agajda: Natovarin hamasko pe tumare magarcurja thaj bolden tumen ando Hanaan. Askal anen tumare dades thaj tumare familije mande. Me dava tumen majlačhi phuv ando Egipat thaj pravarena tumen katar o obilje akale phuvjako.’
A naredba del pe tuće te phenes lenđe: ‘Ćeren agajda: Len tumenđe varekozom vordona andar o Egipat pale tumare čhavra thaj pale tumare romnja. Anen vi tumare dade thaj aven akaring. Na žalin pale okova so mukline okote, kaj dela pe tumenđe okova majlačho ando sasto Egipat.’ ”
Askal e Izraelošće čhave ćerdine gajda. O Josif dija len vordona thaj hamasko palo drom, sago kaj o faraon phendas. Svakonešće lendar dijas neve haljine, ali e Venijaminešće dijas trin šela rupune kovanice thaj pandž haljine. A akava bičhaldas pire dadešće: deš magarcurja natovarime okoleja so si majlačho ando Egipat, deš magarice natovarime e đivesa, mangresa thaj sa avresa so trubula les palo drom.
Pale godova bičhaldas pire phralen po drom. Dok džanastar, phendas lenđe: “Na han tumen e dromesa maškar tumende!”
Gajda von teljardine andar o Egipat thaj aresline pire dadešće e Jakovešće ando Hanaan.
Kana phendine lešće: “O Josif si džudo thaj vladil po sasto Egipat!” o Jakov zaprepastisajlo thaj našti paćalas so ašunel. Von phendine lešće sa so o Josif phendas lenđe. Thaj kana o Jakov dikhla e vordona save o Josif bičhaldas pala leste, džudilo ando duho.
Askal o Izrael phendas: “Uverisajlem! Mungro čhavo o Josif džudo si! Džava te dikhav les majsigo nego so merav.”

සවන් දෙන්න 1. Mojsije 45