<div class="version vid4229 iso6393rmy" data-vid="4229" data-iso6393="rmy">
 <div class="book bkGEN">
 <div class="chapter ch39" data-usfm="GEN.39">
 <div class="label">39</div><div class="s">O Josif ko Potifar</div><div class="p"> 1Kana e Ji&#353;maelcurja in&#273;ardine e Josife ando Egipat, okote &#263;inda les jek Egip&#263;ano po alav Potifar, jek katar e faraone&#353;&#263;e bare slu&#382;benikurja, zapovedniko pe dvorsko stra&#382;a.</div><div class="p"> 2Ali o GOSPOD sas e Josifeja thaj so god te &#263;erelas d&#382;alas le&#353;&#263;e e vastestar. Trajilas ando &#263;her ke piro egipatsko gospodari. 3Kana lesko gospodari dikhla kaj o GOSPOD si leja thaj del les te d&#382;al le&#353;&#263;e katar o vas sa so &#263;erel, 4o Josif arakhlas milost ande jakha pire gospodare&#353;&#263;e thaj postanisardas lesko osobno sluga thaj lesko gospodari &#269;huta les te upravil le&#353;&#263;e &#263;hereja thaj poverisardas le&#353;&#263;e piri sasti imovina. 5Katar o &#269;aso kana o Potifar &#269;huta e Josife te upravil le&#353;&#263;e &#263;heresa thaj le&#353;&#263;e saste imovinava, o GOSPOD zbog o Josif blagoslovisardas o Egip&#263;anesko &#263;her. E GOSPODESKO blagoslov sas pe sa so sas e Potifare ando &#263;her thaj ando polje. 6Gajda o Potifar mukla te o Josif vodil briga pale sa so sas les thaj majbut pale khan&#269;este &#269;i vodilas briga, osim palo habe savo halas.</div><div class="p">O Josif sas &#353;ukar thaj zgodno manu&#353;. 7Pale varesavi vrjama e romnji le&#353;&#263;e gospodare&#353;&#263;i &#269;hudas e jak po Josif thaj phendas le&#353;&#263;e: &#8220;Ajde pa&#353;ljov manca!&#8221;</div><div class="p"> 8Ali vo odbisarda pire gospodare&#353;&#263;e romnja thaj phendas la&#263;e: &#8220;Dik, sar me sem akate, mungro gospodari &#269;i vodil briga pale khan&#269;este ando &#263;her, sa so si les man&#273;e poverisardas. 9Ande akava &#263;her naj khonikas majbari vlast mandar thaj mungro gospodari khan&#269;i &#269;i uskratisarda man&#273;e, osim tut, kaj san tu le&#353;&#263;i romnji. Pa sar me &#353;aj &#263;erdemas gajda baro bezeh thaj te sagre&#353;isarav protiv o Del!&#8221;</div><div class="p"> 10Thaj vi ako svako &#273;es nagovorilas les te sovel lava, vo odbilas lat thaj &#269;i kamelas te avel late ni pa&#353;e.</div><div class="p"> 11Jek &#273;es o Josif dijas ando &#263;her te &#263;erel piri bu&#263;i, a ando &#263;her nas khonik katar e sluge.</div><div class="p"> 12Voj askal astardas lesko ogrta&#269;i thaj phendas le&#353;&#263;e: &#8220;Pa&#353;ljov manca!&#8221;</div><div class="p">Ali vo mukla piro ogrta&#269;i ande lako vas thaj na&#353;lotar avri.</div><div class="p"> 13Kana voj dikhla kaj vo mukla piro ogrta&#269;i ande lako vas thaj na&#353;lo avri, 14akhardas pire slugen thaj phendas len&#273;e: &#8220;Di&#263;hen! Akava Jevrejo sas andino amen&#273;e te &#269;hol lad&#382;avo pe amende! Avilo te sovel manca, ali me a&#269;hilem te &#269;hav muj. 15Kana a&#353;undas kaj &#269;hav muj, mukla piro ogrta&#269;i mande thaj na&#353;lo avri.&#8221;</div><div class="p"> 16In&#263;arelas e Josifesko ogrta&#269;i pa&#353;e peste sa dok lesko gospodari &#269;i avilo &#263;here. 17Askal vi le&#353;&#263;e phendas isto: &#8220;Okova jevrejsko robo saves andan amen&#273;e, avilo te &#269;hol lad&#382;avo pe mande. 18Ali, &#269;im a&#269;hilem te &#269;hav muj, mukla piro ogrta&#269;i mande thaj na&#353;lo avri.&#8221;</div><div class="p"> 19Kana lesko gospodari a&#353;undas o svato pire romnjako, savi phendas le&#353;&#263;e: &#8220;Ake gajda &#263;iro robo postupisardas manca&#8221;, e bari holji dijas ande leste. 20Askal astardas e Josif thaj &#269;huda les ande tamnica, okote kaj sas ando phanglipe e caro&#353;&#263;e zatvorenikurja.</div><div class="p">Dok o Josif sas ande tamnica, 21o GOSPOD sas lesa, sikadas le&#353;&#263;e piri bari ljubav thaj &#263;erda te o Josif zadobil e naklonost katar o upravniko e tamnicako, 22savo sa e phangle manu&#353;en poverisardas e Josife&#353;&#263;e thaj gajda sas odgovorno pale sa so okote &#263;erelas pe. 23O upravniko e tamnicako &#269;i vodilas briga pale khan&#269;este so sas poverime e Josife&#353;&#263;e, kaj o GOSPOD sas e Josifesa thaj delas les te d&#382;al le&#353;&#263;e katar o vas sa so &#263;erelas.</div>
 </div>
 </div>
</div>

Kana e Jišmaelcurja inđardine e Josife ando Egipat, okote ćinda les jek Egipćano po alav Potifar, jek katar e faraonešće bare službenikurja, zapovedniko pe dvorsko straža.
Ali o GOSPOD sas e Josifeja thaj so god te ćerelas džalas lešće e vastestar. Trajilas ando ćher ke piro egipatsko gospodari. Kana lesko gospodari dikhla kaj o GOSPOD si leja thaj del les te džal lešće katar o vas sa so ćerel, o Josif arakhlas milost ande jakha pire gospodarešće thaj postanisardas lesko osobno sluga thaj lesko gospodari čhuta les te upravil lešće ćhereja thaj poverisardas lešće piri sasti imovina. Katar o časo kana o Potifar čhuta e Josife te upravil lešće ćheresa thaj lešće saste imovinava, o GOSPOD zbog o Josif blagoslovisardas o Egipćanesko ćher. E GOSPODESKO blagoslov sas pe sa so sas e Potifare ando ćher thaj ando polje. Gajda o Potifar mukla te o Josif vodil briga pale sa so sas les thaj majbut pale khančeste či vodilas briga, osim palo habe savo halas.
O Josif sas šukar thaj zgodno manuš. Pale varesavi vrjama e romnji lešće gospodarešći čhudas e jak po Josif thaj phendas lešće: “Ajde pašljov manca!”
Ali vo odbisarda pire gospodarešće romnja thaj phendas laće: “Dik, sar me sem akate, mungro gospodari či vodil briga pale khančeste ando ćher, sa so si les manđe poverisardas. Ande akava ćher naj khonikas majbari vlast mandar thaj mungro gospodari khanči či uskratisarda manđe, osim tut, kaj san tu lešći romnji. Pa sar me šaj ćerdemas gajda baro bezeh thaj te sagrešisarav protiv o Del!”
Thaj vi ako svako đes nagovorilas les te sovel lava, vo odbilas lat thaj či kamelas te avel late ni paše.
Jek đes o Josif dijas ando ćher te ćerel piri bući, a ando ćher nas khonik katar e sluge.
Voj askal astardas lesko ogrtači thaj phendas lešće: “Pašljov manca!”
Ali vo mukla piro ogrtači ande lako vas thaj našlotar avri.
Kana voj dikhla kaj vo mukla piro ogrtači ande lako vas thaj našlo avri, akhardas pire slugen thaj phendas lenđe: “Dićhen! Akava Jevrejo sas andino amenđe te čhol ladžavo pe amende! Avilo te sovel manca, ali me ačhilem te čhav muj. Kana ašundas kaj čhav muj, mukla piro ogrtači mande thaj našlo avri.”
Inćarelas e Josifesko ogrtači paše peste sa dok lesko gospodari či avilo ćhere. Askal vi lešće phendas isto: “Okova jevrejsko robo saves andan amenđe, avilo te čhol ladžavo pe mande. Ali, čim ačhilem te čhav muj, mukla piro ogrtači mande thaj našlo avri.”
Kana lesko gospodari ašundas o svato pire romnjako, savi phendas lešće: “Ake gajda ćiro robo postupisardas manca”, e bari holji dijas ande leste. Askal astardas e Josif thaj čhuda les ande tamnica, okote kaj sas ando phanglipe e carošće zatvorenikurja.
Dok o Josif sas ande tamnica, o GOSPOD sas lesa, sikadas lešće piri bari ljubav thaj ćerda te o Josif zadobil e naklonost katar o upravniko e tamnicako, savo sa e phangle manušen poverisardas e Josifešće thaj gajda sas odgovorno pale sa so okote ćerelas pe. O upravniko e tamnicako či vodilas briga pale khančeste so sas poverime e Josifešće, kaj o GOSPOD sas e Josifesa thaj delas les te džal lešće katar o vas sa so ćerelas.

සවන් දෙන්න 1. Mojsije 39