<div class="version vid3941 iso6393mgv" data-vid="3941" data-iso6393="mgv">
 <div class="book bk1KI">
 <div class="chapter ch22" data-usfm="1KI.22">
 <div class="label">22</div><div class="s">Nndota Mikaya andakali Ahabu</div><div class="r"> 2Majambu gi Ipindi 18:2-27</div><div class="p"> 1Kwi kipindi sa yaka itatu helahe, bandu batama sulukwali mu nndema uku Izilaeli nu nndema uku Silia. 2Lakini mu saka sa tatu, Yehoshafati bambu nkolongu juku Yuda, jajenda kuntembale Ahabu, bambu nkolongu juku Izilaeli.</div><div class="p"> 3Ahabu jabiya jaapwagi aka kilongosi ba pai jaki, &#8220;Boo, ngasemmanyiki kubanga musi uku Lamoti Gileadi ndi mali gito? Mbona tutamani pena sanga kujenda kugujopa kuka bambu nkolongu juku Silia?&#8221; 4Ndienu anndalukiya Yehoshafati, &#8220;Boo isigujenda pamu na nepani kukomana ku musi uku Lamoti Gileade?&#8221;</div><div class="p">Najombi Yehoshafati anzibua bambu nkolongu juku Izilaeli, &#8220;Enaa, nepani na wehepa ndi tubii sindu simwa, ndienu nyetaki akomana ngondu bangu na falasi yangu kujenda kukomana nabu.&#8221;</div><div class="p"> 5Lakini Yehoshafati kabe ampwagila bambu nkolongu juku Izilaeli ana, &#8220;Tutumbuliya oti kundaluki Bambu Sapanga.&#8221;</div><div class="p"> 6Ndienu, Ahabu jaakema alota mia nsesi, jwalalukia, &#8220;Boo nyenda kukomana na bandu buku Lamoti Gileadi, amale niijenda?&#8221;</div><div class="p">Bombi bunzibua, &#8220;Gujenda, Bambu Sapanga jwaguhenga wawesa.&#8221;</div><div class="p"> 7Lakini Yehoshafati jalalukiya kabee, &#8220;Bolee pamba ngase jubii kabe nndota jongi jwaka Bambu Sapanga jotuwesa kundalukia sindo?&#8221;</div><div class="p"> 8Najombi Ahabu bambu nkolongu juku Izilaeli anzibua Yehoshafati, &#8220;Jwakoli jumwa, jobukema Mikaya mwana waka Imula. Jwombi tuwesa kundaluki majambu gaka Bambu Sapanga. Lakini jwombi nepani nunsuki ngamaa kwa ndaba jombi ngasejunote majambu gaambone ila pe mabaja.&#8221;</div><div class="p">Yehoshafati ampwagila, &#8220;Ngasapi wabambu nkolongu kulonge ana.&#8221;</div><div class="p"> 9Ndienu Ahabu bambu nkolongu juku Izilaeli, ankema ntumisi jumu, nu kundagalaki, &#8220;Kanyata gujenda ukukema Mikaya mwana waka Imula.&#8221;</div><div class="p"> 10Kipindi hesi, bambu nkolongu juku Izilaeli pamu na Yehoshafati bambu nkolongu juku Yuda, babiya atemi mwi iteu yabu yu ulongosi pandu pukupete ilebi mu litanga lukujingali ku musi uku Samalia, kipindi hesi alota boti abiya apia ulota palongi jabu. 11Kati ja alota haba kwabii nu nndo jobunkema Sedekia mwana waka Kenaana, hoju jwabia julenganaki manyelu gi kisomasoma nu kupwaga Ahabu, &#8220;Bambu Sapanga julonge kubanga, &#8216;Kwa manyelu ganga, waakelabua mu nyuma bandu buku Silia na kwaakoma.&#8217;&#8221; 12Hata alota bangi bala boti babia apia ulota ahelahe bapwaga, &#8220;Jenda kakomana na bandu buku Lamoti Gileadi, wiitenda kwaawesa! Bambu Sapanga jwagupekia makili gakawesa.&#8221;</div><div class="p"> 13Kipindi ntumisi jola jobabiya buntumiki kuka nndota jobukema Mikaya, ampwagila ana, &#8220;Akalota boti, bumpiikia ulota bambu nkolongu kubanga jwiitenda kuwesa, henu gupepa koku na wehapa gundondulia ngati bombi ebundonduli, gundondulia ngamboni.&#8221;</div><div class="p"> 14Lakini nndota Mikaya jajibua, &#8220;Napa ku lihina laka Bambu Sapanga jojubii mwomi, nepani isimbwaga pe gasijumbwagila Bambu Sapanga.&#8221;</div><div class="p"> 15Ndienu nndota Mikaya ejahika palongi jaka bambu nkolongu, bambu nkolongu andalukia, &#8220;Tujenda le kukomana ngondu ku musi uku Lamoti Gileade amale twiijendaa?&#8221; Najombi anzibua, &#8220;Gujenda na ukatenda kwaawesa, najombi Bambu Sapanga jwagubeka musi hogu pai ju ulongosi waku.&#8221;</div><div class="p"> 16Lakini bambu nkolongu ampwagila, &#8220;Nagulapisa mala palenga ku liina laka Bambu Sapanga ili manya gagulote haga ga sakaka?&#8221;</div><div class="p"> 17Ndienu, Mikaya anzibua, &#8220;Naabona akomana ngondu boti buku Izilaeli apesangina mwi itombi ngati makondoo ganga na alimi. Najombi Bambu Sapanga japwaaga, &#8216;Akomana ngondu haba ngase abi ni kilongose, ndienu kila mundu jubuja kunyumba jaki su lukwali.&#8217; &#8221;</div><div class="p"> 18Ndipala Ahabu bambu nkolongu juku Izilaeli ampwagila Yehoshafati, &#8220;Ngasenukugupwagi kubanga nndota ajo ngajumbiiki ulota gambone ila pe majambu mabaja kwangu nepane?&#8221;</div><div class="p"> 19Mikaya jaendaliya kupwaaga, &#8220;Gujowania lilobi laka Bambu Sapanga. Numbona Bambu Sapanga jutemi pikiteu saki su ulongosi, na akomana ngondu boti bukunani ajemiki pulutengu jaki, upandi ukumalele nu upandi wa mangega. 20Bambu Sapanga jaalaluki, &#8216;Boo, nya jojuwesa kunkolo Ahabu jujenda kugulapu musi uku Lamoti Gileadi na jakakuwila koko?&#8217; Kila jumu jajibua ngati ejabiya juholali, 21ndienu kilombu simu esapitila palongi jaka Bambu Sapanga, sapwaga, &#8216;Nepani mbaka nankolo.&#8217; 22Bambu Sapanga andalukia, &#8216;Kwiindela bole?&#8217; Najombi jajibua, &#8216;Niijenda nakwaahenga alota baki boti apwaga isoli.&#8217; Bambu Sapanga ampwagila, &#8216;Wehapa guwesa kunkoloo, henu gujenda uka henga helahe.&#8217;&#8221;</div><div class="p"> 23&#8220;Ndienu, Mikaya jaendaliya kupwaaga, &#8216;Linga Bambu Sapanga jwaahengiki akaalota baku boti apwaga isoli. Bambu Sapanga julagalaki wiipata mabaja!&#8217;&#8221;</div><div class="p"> 24Ndienu, nndota Sedekia mwana waka Kenani, anhegalia Mikaya, angomba kopi mulutuku nu kundaluki ana, &#8220;Tumbuka lii Loho jaka Bambu Sapanga janeka nepani, nu kuhika kulonge na wehapa?&#8221; 25Mikaya anzibua, &#8220;Lisoba lewijingala mu sumba su nkati nu kulihia, ndi pawimanya.&#8221;</div><div class="p"> 26Najwombi bambu nkolongu Ahabu juku Izilaeli japwaga, &#8220;Munkamula Mikaya, munkelubua kwaka Amoni, nkolongu jwa musi kwaka Yoashi mwana waka bambu nkolongu. 27Mukumpwagila bunzingia mu ligelesa nu kumpeke libumunda lisokopi na masi, mbaka panibuja na mwomi.&#8221;</div><div class="p"> 28Ndipala Mikaya japwaaga, &#8220;Ana gubujiki wa mwomi ndi paniimanya Bambu Sapanga ngase jwalongi na nepani.&#8221; Ndienu jaendalia kulonge, &#8220;Mwaa bandu boti nkombuka malobi haga gambwagiki!&#8221;</div><div class="s">Ahabu jutenda kuwa</div><div class="r"> 2Majambu gi Ipindi 18:28-34</div><div class="p"> 29Ndienu, bambu nkolongu Ahabu juku Izilaeli jajenda pamu na bambu nkolongu Yehoshafati juku Yuda, kugulapu musi uku Lamoti Gileadi. 30Ahabu bambu nkolongu juku Izilaeli ampwagila Yehoshafati ana, &#8220;Kungondu hoku nepani niitenda kujoba nganiwati ingobu ya ikibambu lakini wehapa gunhwata ingobu yaku ikibambu.&#8221; Ndienu bambu nkolongu juku Izilaeli jajenda sanga kuwata ingobu yaki yikibambu ili kujoba jiimanyikana.</div><div class="p"> 31Bambu nkolongu juku Silia jwabiya jaalagalaki akalonda baki selasini na abeli bababiya ajemale magali gaki gukuhutwa, japwaaga, &#8220;Mwiikomana na mundu jokapi jola, jukubi nkolongu au nsoku, ila pe bambu nkolongu juku Izilaeli.&#8221; 32Ndienu munikatai jaki aka kilongosi ba akaakomana ngondu bala bumbona Yehoshafati, bapwaaga, &#8220;Sakaka jonzo ndi bambu nkolongu juku Izilaeli.&#8221; Ndienu, batenda kumpwata, nu kupala kukomana naku lakini Yehoshafati jatenda kujamali. 33Aka kilongosi ba akaakomana ngondu ba magali gukuhutwa bala pabamanya kubanga hoju nga bambu nkolongu juku Izilaeli bakotuka kunndapu na bakotuka kumpwata. 34Lakini, nkomana ngondu jumwa juku Silia, jwahuta lupende lwaki sukubahitisa, gunhosa nkoa bambu nkolongu juku Izilaeli pikigamba, pandu papalombikini ingobu jaki jiki somasoma. Ahabu ampwagila jojabiya juendesa ligali laki, &#8220;Ng'anambua ligali na gumowa pa ngondu, ndaba anhumisi ngamaa!&#8221;</div><div class="p"> 35Na ngondu lisoba lela jaendalia kubaba ngani, koni bambu nkolongu bungoniki mu ligali, kulangi bandu buku Silia. Mwai gwatenda kumpita pi kilonda saki nu kunyika mbaka pai ji ligali, ekwahika pakamii, jwatenda kuwa. 36Lyoba palabiya litenda kujingila, balagalakia ana pababiya ku likambi, &#8220;Kila mundu jubuja ku musi waki nuku nndema waki!&#8221;</div><div class="p"> 37Bambu nkolongu Ahabu pajakuwa ntuhi waki bugupelaka ku musi uku Samalia na bugutaga hoku. 38Baada jaka bambu nkolongu kuwa biligolula ligali laki lukuhutwa ku litanda luku Samalia, momuje akambomba agoni bahoga mola, na jimbwa yalamba mwai waki ngati lilobi laka Bambu Sapanga elipwaaga.</div><div class="p"> 39Mahengu gangi gaka bambu nkolongu Ahabu pamu na goti gajagengiki, namuna ejasengiki nu kujipamba nyumba jaki kwa manyelu, na misi joti jejasengiki, goti gaandikwi mu Kitabu sa Ngombuke ya Akabambu Akolongu buku Izilaeli. 40Ahabu pajwakuwa buntaga mu matenge gaka hoku baki na mwanamundu Ahazia bunhimika kuba bambu nkolongu badala ja atati baki.</div><div class="s">Yehoshafati julongosa ku Yuda</div><div class="p"> 41Mu saka su nsesi su ulongosi waka Ahabu jojabi bambu nkolongu juku Izilaeli, Yehoshafati mwana waka Asa, jatumbulia kulongosa ku Yuda. 42Yehoshafati jabiya na yaka selasini nu nhwanu pajwatumbulia kulongosa. Jwalongusa ku musi uku Yelusalemu kwa yaka ishilini nu nhwanu. Amabaki baakemika Azuba buku Ashilihi. 43Jahenga majambu gaamboni kwaka Bambu Sapanga ngati ebabiya ahengiki atati baki babakema Asa. Lakini ngase jupahalabini pandu pukupiiki matambiku kwi itombi. Bandu baendalai kupiya matambiku hoku nu kupogale ubani pandu hapu. 44Najombi Yehoshafati jatama ku lukwali na bambu nkolongu juku Izilaeli.</div><div class="p"> 45Mahengu gangi gaka Yehoshafati, makili gaki na ngondu yejukomini, goti gaandikwi mu Kitabu sa Ngombuke ya Akabambu Akolongu buku Yuda. 46Jaaboa mu nndema akanalomi boti bababia agonalene beni na beni, babaigali mu masoba guulongosi waka Asa bababia atati baki.</div><div class="p"> 47Tumbuka hapu ngasekwabii na bambu nkolongu ku Edomu. Kilongosi wabu jwabia kilongosi jojahaguliwa na bambu nkolongu Yehoshafati.</div><div class="p"> 48Bambu nkolongu Yehoshafati jalenganakia meli yu kujenda ku musi uku Ofili kutoto madini ga zahabu lakini ngaseyahikiki ndaba yatei kuhalabika yahigaliya ku Esioni Gebeli, na ngaseyahenga sapwali kabeti. 49Ndienu, Ahazia mwana waka Ahabu, ampwagila Yehoshafati, &#8220;Nuguloba atumisi bangu ajenda pamu na atumisi baku mu meli homu.&#8221; Lakini Yehoshafati ngasejajetakile lijambu heli.</div><div class="p"> 50Najombi Yehoshafati jatenda kuwa, nu kuntaga mu matenge gaka bambu akolongu mu musi uka Daudi, najombi Yeholamu, mwanamundu jwalongusa badala jaki.</div><div class="s">Ahazia julongosa ku Izilaeli</div><div class="p"> 51Mu saka sa komi na saba su ulongosi waka Yehoshafati, bambu nkolongu juku Yuda, Ahazia mwana waka Ahabu, jatumbulia kulongosa ku Izilaeli. Jwalongusa kwa yaka ibeli koni jubii ku Samalia. 52Najombi Ahazia jatei majambu mabaja palongi jaka Bambu Sapanga, jajiga mahengu gabahenga Ahabu atati baki na ngati ejahenga Yezebeli anyongo baki, na Yelobuamu jojaalongusa Aizilaeli mu kutama kwi kihakau. 53Jukitumakia nu kukilumbali kisapanga Baali, anhenga Bambu Sapanga, ngati ebabiya ahengiki Ahabu atati baki. Ndienu Sapanga jwa Aizilaeli jabiya ni inyela kwa kila lijambu.</div>
 </div>
 </div>
</div>

Kwi kipindi sa yaka itatu helahe, bandu batama sulukwali mu nndema uku Izilaeli nu nndema uku Silia. Lakini mu saka sa tatu, Yehoshafati bambu nkolongu juku Yuda, jajenda kuntembale Ahabu, bambu nkolongu juku Izilaeli.
Ahabu jabiya jaapwagi aka kilongosi ba pai jaki, “Boo, ngasemmanyiki kubanga musi uku Lamoti Gileadi ndi mali gito? Mbona tutamani pena sanga kujenda kugujopa kuka bambu nkolongu juku Silia?” Ndienu anndalukiya Yehoshafati, “Boo isigujenda pamu na nepani kukomana ku musi uku Lamoti Gileade?”
Najombi Yehoshafati anzibua bambu nkolongu juku Izilaeli, “Enaa, nepani na wehepa ndi tubii sindu simwa, ndienu nyetaki akomana ngondu bangu na falasi yangu kujenda kukomana nabu.”
Lakini Yehoshafati kabe ampwagila bambu nkolongu juku Izilaeli ana, “Tutumbuliya oti kundaluki Bambu Sapanga.”
Ndienu, Ahabu jaakema alota mia nsesi, jwalalukia, “Boo nyenda kukomana na bandu buku Lamoti Gileadi, amale niijenda?”
Bombi bunzibua, “Gujenda, Bambu Sapanga jwaguhenga wawesa.”
Lakini Yehoshafati jalalukiya kabee, “Bolee pamba ngase jubii kabe nndota jongi jwaka Bambu Sapanga jotuwesa kundalukia sindo?”
Najombi Ahabu bambu nkolongu juku Izilaeli anzibua Yehoshafati, “Jwakoli jumwa, jobukema Mikaya mwana waka Imula. Jwombi tuwesa kundaluki majambu gaka Bambu Sapanga. Lakini jwombi nepani nunsuki ngamaa kwa ndaba jombi ngasejunote majambu gaambone ila pe mabaja.”
Yehoshafati ampwagila, “Ngasapi wabambu nkolongu kulonge ana.”
Ndienu Ahabu bambu nkolongu juku Izilaeli, ankema ntumisi jumu, nu kundagalaki, “Kanyata gujenda ukukema Mikaya mwana waka Imula.”
Kipindi hesi, bambu nkolongu juku Izilaeli pamu na Yehoshafati bambu nkolongu juku Yuda, babiya atemi mwi iteu yabu yu ulongosi pandu pukupete ilebi mu litanga lukujingali ku musi uku Samalia, kipindi hesi alota boti abiya apia ulota palongi jabu. Kati ja alota haba kwabii nu nndo jobunkema Sedekia mwana waka Kenaana, hoju jwabia julenganaki manyelu gi kisomasoma nu kupwaga Ahabu, “Bambu Sapanga julonge kubanga, ‘Kwa manyelu ganga, waakelabua mu nyuma bandu buku Silia na kwaakoma.’” Hata alota bangi bala boti babia apia ulota ahelahe bapwaga, “Jenda kakomana na bandu buku Lamoti Gileadi, wiitenda kwaawesa! Bambu Sapanga jwagupekia makili gakawesa.”
Kipindi ntumisi jola jobabiya buntumiki kuka nndota jobukema Mikaya, ampwagila ana, “Akalota boti, bumpiikia ulota bambu nkolongu kubanga jwiitenda kuwesa, henu gupepa koku na wehapa gundondulia ngati bombi ebundonduli, gundondulia ngamboni.”
Lakini nndota Mikaya jajibua, “Napa ku lihina laka Bambu Sapanga jojubii mwomi, nepani isimbwaga pe gasijumbwagila Bambu Sapanga.”
Ndienu nndota Mikaya ejahika palongi jaka bambu nkolongu, bambu nkolongu andalukia, “Tujenda le kukomana ngondu ku musi uku Lamoti Gileade amale twiijendaa?” Najombi anzibua, “Gujenda na ukatenda kwaawesa, najombi Bambu Sapanga jwagubeka musi hogu pai ju ulongosi waku.”
Lakini bambu nkolongu ampwagila, “Nagulapisa mala palenga ku liina laka Bambu Sapanga ili manya gagulote haga ga sakaka?”
Ndienu, Mikaya anzibua, “Naabona akomana ngondu boti buku Izilaeli apesangina mwi itombi ngati makondoo ganga na alimi. Najombi Bambu Sapanga japwaaga, ‘Akomana ngondu haba ngase abi ni kilongose, ndienu kila mundu jubuja kunyumba jaki su lukwali.’ ”
Ndipala Ahabu bambu nkolongu juku Izilaeli ampwagila Yehoshafati, “Ngasenukugupwagi kubanga nndota ajo ngajumbiiki ulota gambone ila pe majambu mabaja kwangu nepane?”
Mikaya jaendaliya kupwaaga, “Gujowania lilobi laka Bambu Sapanga. Numbona Bambu Sapanga jutemi pikiteu saki su ulongosi, na akomana ngondu boti bukunani ajemiki pulutengu jaki, upandi ukumalele nu upandi wa mangega. Bambu Sapanga jaalaluki, ‘Boo, nya jojuwesa kunkolo Ahabu jujenda kugulapu musi uku Lamoti Gileadi na jakakuwila koko?’ Kila jumu jajibua ngati ejabiya juholali, ndienu kilombu simu esapitila palongi jaka Bambu Sapanga, sapwaga, ‘Nepani mbaka nankolo.’ Bambu Sapanga andalukia, ‘Kwiindela bole?’ Najombi jajibua, ‘Niijenda nakwaahenga alota baki boti apwaga isoli.’ Bambu Sapanga ampwagila, ‘Wehapa guwesa kunkoloo, henu gujenda uka henga helahe.’”
“Ndienu, Mikaya jaendaliya kupwaaga, ‘Linga Bambu Sapanga jwaahengiki akaalota baku boti apwaga isoli. Bambu Sapanga julagalaki wiipata mabaja!’”
Ndienu, nndota Sedekia mwana waka Kenani, anhegalia Mikaya, angomba kopi mulutuku nu kundaluki ana, “Tumbuka lii Loho jaka Bambu Sapanga janeka nepani, nu kuhika kulonge na wehapa?” Mikaya anzibua, “Lisoba lewijingala mu sumba su nkati nu kulihia, ndi pawimanya.”
Najwombi bambu nkolongu Ahabu juku Izilaeli japwaga, “Munkamula Mikaya, munkelubua kwaka Amoni, nkolongu jwa musi kwaka Yoashi mwana waka bambu nkolongu. Mukumpwagila bunzingia mu ligelesa nu kumpeke libumunda lisokopi na masi, mbaka panibuja na mwomi.”
Ndipala Mikaya japwaaga, “Ana gubujiki wa mwomi ndi paniimanya Bambu Sapanga ngase jwalongi na nepani.” Ndienu jaendalia kulonge, “Mwaa bandu boti nkombuka malobi haga gambwagiki!”


Ndienu, bambu nkolongu Ahabu juku Izilaeli jajenda pamu na bambu nkolongu Yehoshafati juku Yuda, kugulapu musi uku Lamoti Gileadi. Ahabu bambu nkolongu juku Izilaeli ampwagila Yehoshafati ana, “Kungondu hoku nepani niitenda kujoba nganiwati ingobu ya ikibambu lakini wehapa gunhwata ingobu yaku ikibambu.” Ndienu bambu nkolongu juku Izilaeli jajenda sanga kuwata ingobu yaki yikibambu ili kujoba jiimanyikana.
Bambu nkolongu juku Silia jwabiya jaalagalaki akalonda baki selasini na abeli bababiya ajemale magali gaki gukuhutwa, japwaaga, “Mwiikomana na mundu jokapi jola, jukubi nkolongu au nsoku, ila pe bambu nkolongu juku Izilaeli.” Ndienu munikatai jaki aka kilongosi ba akaakomana ngondu bala bumbona Yehoshafati, bapwaaga, “Sakaka jonzo ndi bambu nkolongu juku Izilaeli.” Ndienu, batenda kumpwata, nu kupala kukomana naku lakini Yehoshafati jatenda kujamali. Aka kilongosi ba akaakomana ngondu ba magali gukuhutwa bala pabamanya kubanga hoju nga bambu nkolongu juku Izilaeli bakotuka kunndapu na bakotuka kumpwata. Lakini, nkomana ngondu jumwa juku Silia, jwahuta lupende lwaki sukubahitisa, gunhosa nkoa bambu nkolongu juku Izilaeli pikigamba, pandu papalombikini ingobu jaki jiki somasoma. Ahabu ampwagila jojabiya juendesa ligali laki, “Ng'anambua ligali na gumowa pa ngondu, ndaba anhumisi ngamaa!”
Na ngondu lisoba lela jaendalia kubaba ngani, koni bambu nkolongu bungoniki mu ligali, kulangi bandu buku Silia. Mwai gwatenda kumpita pi kilonda saki nu kunyika mbaka pai ji ligali, ekwahika pakamii, jwatenda kuwa. Lyoba palabiya litenda kujingila, balagalakia ana pababiya ku likambi, “Kila mundu jubuja ku musi waki nuku nndema waki!”
Bambu nkolongu Ahabu pajakuwa ntuhi waki bugupelaka ku musi uku Samalia na bugutaga hoku. Baada jaka bambu nkolongu kuwa biligolula ligali laki lukuhutwa ku litanda luku Samalia, momuje akambomba agoni bahoga mola, na jimbwa yalamba mwai waki ngati lilobi laka Bambu Sapanga elipwaaga.
Mahengu gangi gaka bambu nkolongu Ahabu pamu na goti gajagengiki, namuna ejasengiki nu kujipamba nyumba jaki kwa manyelu, na misi joti jejasengiki, goti gaandikwi mu Kitabu sa Ngombuke ya Akabambu Akolongu buku Izilaeli. Ahabu pajwakuwa buntaga mu matenge gaka hoku baki na mwanamundu Ahazia bunhimika kuba bambu nkolongu badala ja atati baki.

Mu saka su nsesi su ulongosi waka Ahabu jojabi bambu nkolongu juku Izilaeli, Yehoshafati mwana waka Asa, jatumbulia kulongosa ku Yuda. Yehoshafati jabiya na yaka selasini nu nhwanu pajwatumbulia kulongosa. Jwalongusa ku musi uku Yelusalemu kwa yaka ishilini nu nhwanu. Amabaki baakemika Azuba buku Ashilihi. Jahenga majambu gaamboni kwaka Bambu Sapanga ngati ebabiya ahengiki atati baki babakema Asa. Lakini ngase jupahalabini pandu pukupiiki matambiku kwi itombi. Bandu baendalai kupiya matambiku hoku nu kupogale ubani pandu hapu. Najombi Yehoshafati jatama ku lukwali na bambu nkolongu juku Izilaeli.
Mahengu gangi gaka Yehoshafati, makili gaki na ngondu yejukomini, goti gaandikwi mu Kitabu sa Ngombuke ya Akabambu Akolongu buku Yuda. Jaaboa mu nndema akanalomi boti bababia agonalene beni na beni, babaigali mu masoba guulongosi waka Asa bababia atati baki.
Tumbuka hapu ngasekwabii na bambu nkolongu ku Edomu. Kilongosi wabu jwabia kilongosi jojahaguliwa na bambu nkolongu Yehoshafati.
Bambu nkolongu Yehoshafati jalenganakia meli yu kujenda ku musi uku Ofili kutoto madini ga zahabu lakini ngaseyahikiki ndaba yatei kuhalabika yahigaliya ku Esioni Gebeli, na ngaseyahenga sapwali kabeti. Ndienu, Ahazia mwana waka Ahabu, ampwagila Yehoshafati, “Nuguloba atumisi bangu ajenda pamu na atumisi baku mu meli homu.” Lakini Yehoshafati ngasejajetakile lijambu heli.
Najombi Yehoshafati jatenda kuwa, nu kuntaga mu matenge gaka bambu akolongu mu musi uka Daudi, najombi Yeholamu, mwanamundu jwalongusa badala jaki.

Mu saka sa komi na saba su ulongosi waka Yehoshafati, bambu nkolongu juku Yuda, Ahazia mwana waka Ahabu, jatumbulia kulongosa ku Izilaeli. Jwalongusa kwa yaka ibeli koni jubii ku Samalia. Najombi Ahazia jatei majambu mabaja palongi jaka Bambu Sapanga, jajiga mahengu gabahenga Ahabu atati baki na ngati ejahenga Yezebeli anyongo baki, na Yelobuamu jojaalongusa Aizilaeli mu kutama kwi kihakau. Jukitumakia nu kukilumbali kisapanga Baali, anhenga Bambu Sapanga, ngati ebabiya ahengiki Ahabu atati baki. Ndienu Sapanga jwa Aizilaeli jabiya ni inyela kwa kila lijambu.

සවන් දෙන්න 1Akabambu Akolongu 22