<div class="version vid3704 iso6393olo" data-vid="3704" data-iso6393="olo">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="nb"> 1&#171;Sanoin t&#228;m&#228;n teile, ku ty&#246; etto kaimuas uskuo minuh. 2Teidy eroitetah sinagougisp&#228;i, i tulou vie moinegi aigu, konzu jogahine teij&#228;n tappajis smiettiy, luadii hyv&#228;n ruavon Jumalale. 3Nenga hy&#246; luajitah, ku ei tiet&#228; Tuattua, eigo minuu. 4T&#228;m&#228;n olen paissuh teile, anna sen aijan tulduu, ty&#246; mustazitto, mid&#228; min&#228; teile sanoin.&#187;</div><div class="s">Toven Hengi</div><div class="p">&#171;Aijemba en paissuh t&#228;h n&#228;h, ku i&#269;e olin teij&#228;nke. 5No nyg&#246;i min&#228; menen sen luo, ken minuu ty&#246;ndi. Niken teis ei kyzy, kunne min&#228; menen, 6no teil on paha mieli send&#228;h, mid&#228; teile sanoin. 7No min&#228; sanon teile toven: teile roih hyv&#228;kse, ku min&#228; l&#228;hten i&#228;re. Ku en l&#228;htene, Puolistai ei voi tulla teij&#228;n luo. No i&#228;re l&#228;htiettyy min&#228; ty&#246;nn&#228;n H&#228;nen teij&#228;n luo, 8i H&#228;i tulou i ozuttau muailmale, mi on ri&#228;hky, mi on oigei da mi on suudo. 9Ri&#228;hky on sit, ku rahvas ei uskota minuh; 10oigei tulou n&#228;gevih sit, ku menen Tuatan luo, i ty&#246; etto en&#228;mbi n&#228;i minuu; 11i suudo on sit, ku t&#228;m&#228;n muailman pi&#228;mies on jo suudittu.</div><div class="p"> 12Vie minul olis &#228;ijy teile sanottavua, no ty&#246; vie etto voi ottua sid&#228; vastah. 13Konzu Toven Hengi tulou, H&#228;i opastau teidy tundemah kaiken toven. H&#228;i ei pagize omas nimes, a mid&#228; kuulou, sid&#228; pagizou, i mi on tulos, sid&#228; sanelou. 14H&#228;i ylend&#228;y minuu, ku sen, min teile sanou, suau minusp&#228;i. 15Kai se, mi on Tuatan, on minungi. Send&#228;h sanoin: H&#228;i suau minusp&#228;i sen, min teile sanou. 16Kodvazen per&#228;s ty&#246; etto en&#228;mbi n&#228;i minuu, i vie kodvazen per&#228;s ty&#246; tuaste n&#228;itt&#246; minuu.&#187;</div><div class="s">Abevukses ihalmoh</div><div class="p"> 17Er&#228;h&#228;t opastujis kyzeltih toine toizel: &#171;Mid&#228;bo H&#228;i tahtou sanuo sanoil: &#8216;Kodvazen per&#228;s ty&#246; etto en&#228;mbi n&#228;i minuu, i vie kodvazen per&#228;s ty&#246; tuaste n&#228;itt&#246; minuu&#8217;? I mid&#228; H&#228;i tahtou sanuo sanoil: &#8216;Menen Tuatan luo&#8217;?&#187;</div><div class="p"> 18&#171;Miksebo H&#228;i pagizou kodvazeh n&#228;h?&#187; diivittihes hy&#246;. &#171;Ei H&#228;nen paginua sua ellendi&#228;.&#187;</div><div class="p"> 19Iisus n&#228;gi: hy&#246; tahtottih kyzy&#246; H&#228;nel. H&#228;i sanoi heile:</div><div class="p">&#171;Sego teidy vaivuau, ku sanoin: &#8216;Kodvazen per&#228;s ty&#246; etto en&#228;mbi n&#228;i minuu, i vie kodvazen per&#228;s ty&#246; tuaste n&#228;itt&#246; minuu&#8217;? 20Toven, toven sanon teile: Ty&#246; rubietto itkem&#228;h ulaittamah, no muailmu rubieu pid&#228;m&#228;h hyvi&#228; mieldy. Ty&#246; puututto tuskih, no teij&#228;n tuskat muututah ihastuksekse. 21Naine, kudai suau lastu, on tuskis, ku h&#228;nen aigu on tulluh. No ku lapsi tulou t&#228;h ilmah, muamo jo ei musta tuskii, a on hyv&#228;s mieles, ku ristikanzu rodiihes muailmah. 22Ty&#246;gi nyg&#246;i oletto tuskis, no min&#228; roimmos n&#228;gem&#228;h teidy vie uvvessah, i sit teil roihes hyv&#228; mieli, kudamua niken ei teil voi ki&#353;kuo. 23Sin&#228; pi&#228;n ty&#246; etto kyzy minul nimid&#228;.&#187;</div><div class="s">Iisus voitti muailman</div><div class="p">&#171;Toven, toven sanon teile: mid&#228; vai ig&#228;n&#228;h etto pakinne Tuatal minun nimes, sen H&#228;i teile andau. 24T&#228;h suate ty&#246; vie nimid&#228; etto pakinnuh minun nimes. Pakikkua, i ty&#246; suatto, sit teij&#228;n ihastus roih t&#228;yzi.</div><div class="p"> 25Pagizin teij&#228;nke t&#228;h n&#228;h arbaituksil. Roih moine aigu, konzu en en&#228;mbi pagize arbaituksil, a sanon teile silmis kaiken Tuattah n&#228;h.</div><div class="p"> 26Sin&#228; pi&#228;n ty&#246; kyzytt&#246; minun nimes, i min&#228; en sano, ku min&#228; rubien kyzym&#228;h Tuattua teij&#228;n puoles. 27Tuatto i&#269;e suvai&#269;&#269;ou teidy, ku ty&#246; suvai&#269;itto minuu da uskoitto, min&#228; tulin Jumalan luop&#228;i. 28Tuatan luop&#228;i min&#228; l&#228;htin i tulin t&#228;h muailmah, a nyg&#246;i min&#228; j&#228;t&#228;n muailman da menen j&#228;rilleh Tuatan luo.&#187;</div><div class="p"> 29Opastujat sanottih: &#171;Nyg&#246;i Sin&#228; pagizet ellendett&#228;vil sanoil, et arbailtavil. 30Nyg&#246;i my&#246; n&#228;imm&#246;: Sin&#228; tiij&#228;t kai, kyzytt&#228;hes hos mid&#228;, i Sinul ei pie vuottua kyzyndi&#228;. Send&#228;h my&#246; uskommo, Sin&#228; tulit Jumalan luop&#228;i.&#187;</div><div class="p"> 31&#171;Tiett&#228;v&#228;ine, nyg&#246;i ty&#246; uskotto&#187;, sanoi Iisus. 32&#171;Tulou aigu &#8211; i se jo tuli &#8211; konzu teidy levitet&#228;h, ked&#228; kunne, i ty&#246; j&#228;t&#228;tt&#246; minuu yksin. No yksin, toven, en ji&#228;, ku Tuatto on minunke. 33Sanoin t&#228;m&#228;n teile send&#228;h, ku ty&#246; l&#246;yd&#228;zitt&#246; rauhan minus. Muailmas teil on ahtas, no olgua rohkiennu: min&#228; voitin muailman.&#187;</div>
 </div>
 </div>
</div>

(c) Biblienkiännändyinstituuttu, Helsinki 2003

«Sanoin tämän teile, ku työ etto kaimuas uskuo minuh. Teidy eroitetah sinagougispäi, i tulou vie moinegi aigu, konzu jogahine teijän tappajis smiettiy, luadii hyvän ruavon Jumalale. Nenga hyö luajitah, ku ei tietä Tuattua, eigo minuu. Tämän olen paissuh teile, anna sen aijan tulduu, työ mustazitto, midä minä teile sanoin.»

«Aijemba en paissuh täh näh, ku iče olin teijänke. No nygöi minä menen sen luo, ken minuu työndi. Niken teis ei kyzy, kunne minä menen, no teil on paha mieli sendäh, midä teile sanoin. No minä sanon teile toven: teile roih hyväkse, ku minä lähten iäre. Ku en lähtene, Puolistai ei voi tulla teijän luo. No iäre lähtiettyy minä työnnän Hänen teijän luo, i Häi tulou i ozuttau muailmale, mi on riähky, mi on oigei da mi on suudo. Riähky on sit, ku rahvas ei uskota minuh; oigei tulou nägevih sit, ku menen Tuatan luo, i työ etto enämbi näi minuu; i suudo on sit, ku tämän muailman piämies on jo suudittu.
Vie minul olis äijy teile sanottavua, no työ vie etto voi ottua sidä vastah. Konzu Toven Hengi tulou, Häi opastau teidy tundemah kaiken toven. Häi ei pagize omas nimes, a midä kuulou, sidä pagizou, i mi on tulos, sidä sanelou. Häi ylendäy minuu, ku sen, min teile sanou, suau minuspäi. Kai se, mi on Tuatan, on minungi. Sendäh sanoin: Häi suau minuspäi sen, min teile sanou. Kodvazen peräs työ etto enämbi näi minuu, i vie kodvazen peräs työ tuaste näittö minuu.»

Erähät opastujis kyzeltih toine toizel: «Midäbo Häi tahtou sanuo sanoil: ‘Kodvazen peräs työ etto enämbi näi minuu, i vie kodvazen peräs työ tuaste näittö minuu’? I midä Häi tahtou sanuo sanoil: ‘Menen Tuatan luo’?»
«Miksebo Häi pagizou kodvazeh näh?» diivittihes hyö. «Ei Hänen paginua sua ellendiä.»
Iisus nägi: hyö tahtottih kyzyö Hänel. Häi sanoi heile:
«Sego teidy vaivuau, ku sanoin: ‘Kodvazen peräs työ etto enämbi näi minuu, i vie kodvazen peräs työ tuaste näittö minuu’? Toven, toven sanon teile: Työ rubietto itkemäh ulaittamah, no muailmu rubieu pidämäh hyviä mieldy. Työ puututto tuskih, no teijän tuskat muututah ihastuksekse. Naine, kudai suau lastu, on tuskis, ku hänen aigu on tulluh. No ku lapsi tulou täh ilmah, muamo jo ei musta tuskii, a on hyväs mieles, ku ristikanzu rodiihes muailmah. Työgi nygöi oletto tuskis, no minä roimmos nägemäh teidy vie uvvessah, i sit teil roihes hyvä mieli, kudamua niken ei teil voi kiškuo. Sinä piän työ etto kyzy minul nimidä.»

«Toven, toven sanon teile: midä vai igänäh etto pakinne Tuatal minun nimes, sen Häi teile andau. Täh suate työ vie nimidä etto pakinnuh minun nimes. Pakikkua, i työ suatto, sit teijän ihastus roih täyzi.
Pagizin teijänke täh näh arbaituksil. Roih moine aigu, konzu en enämbi pagize arbaituksil, a sanon teile silmis kaiken Tuattah näh.
Sinä piän työ kyzyttö minun nimes, i minä en sano, ku minä rubien kyzymäh Tuattua teijän puoles. Tuatto iče suvaiččou teidy, ku työ suvaičitto minuu da uskoitto, minä tulin Jumalan luopäi. Tuatan luopäi minä lähtin i tulin täh muailmah, a nygöi minä jätän muailman da menen järilleh Tuatan luo.»
Opastujat sanottih: «Nygöi Sinä pagizet ellendettävil sanoil, et arbailtavil. Nygöi myö näimmö: Sinä tiijät kai, kyzyttähes hos midä, i Sinul ei pie vuottua kyzyndiä. Sendäh myö uskommo, Sinä tulit Jumalan luopäi.»
«Tiettäväine, nygöi työ uskotto», sanoi Iisus. «Tulou aigu – i se jo tuli – konzu teidy levitetäh, kedä kunne, i työ jätättö minuu yksin. No yksin, toven, en jiä, ku Tuatto on minunke. Sanoin tämän teile sendäh, ku työ löydäzittö rauhan minus. Muailmas teil on ahtas, no olgua rohkiennu: minä voitin muailman.»

සවන් දෙන්න Iivan 16