<div class="version vid3701 iso6393kjy" data-vid="3701" data-iso6393="kjy">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s1">Dioni Baparaisi komisaya ei</div><div class="r">(Maka 6:14-29; Luka 9:7-9)</div><div class="p"> 1Go naarenare mo Galili andasu para piri kalu ali Erodi nipumi Yesuna pisaya ei pangisaya. 2Go einare Erodi nipuna pupudengi noaisimiya alinu para lalore, gupi lisaya. Go aliri Dioni Baparaisi nipu komoma wala rekande. Go eimi nipumi puri waru pale aunu pange na-ande aunu waru pia lisaya.</div><div class="p"> 3-4Erodimi Dioni lii auri go eina pisaya. Dionimi lalore, Erodina ame Pilipina wena pake lami auri pa au pili, lisaya. Mo wenana biri Erodiasi. Dioni go angele lisaya ei pangoma Erodimiri nipuna endali mini alinu para lalore, Dioni ripinyuma seinipunumi rongoma dipula lopalepa, lisaya. 5Erodi nipumi Dioni duameyanda pisayapare nipumi mo Diu wenaali paalame komisaya. Akepeare mo wenaalimiri Dioni nipuri Godena poropedi ali ora kone wisimiya.</div><div class="p"> 6Nipuna amame Erodi mandi naarena ipuma Erodi nipu rapu ipisimi alinu mombelisimiya. Go dinare Erodi nipuna wename Pilipina maindaisaya nongome wenaali pirinyalomare runa ara yaisa lisaya ei pangoma nipumi raname ora waru komisaya. 7Erodi nipumi raname komalo ara mo nongo para gupi lisaya. Neme ora angele lalo lisaya. Neeme ni para go au pa loma konge de alenu ora palua lisaya. 8Go einare mo nongo nipumi nipuna ama para angaa muma nipuna amame kone wia ei nongo para la alisaya. Mo wena nipuna rana pea eiri Dioni Baparaisina kalu rungulu giae, lisaya. 9Erodimi Dioni Baparaisi na-dua kone wisayapare monde wenaalina lee rona ande nena ni para konge da au ora palua lisaya eimiri nipumi yalame komalo ara ora pisaya. Go einare monde endali mini alinu para mo nongo nipuna da ale ora puama adapa lisaya.</div><div class="p"> 10Go einare nipumi monde alinu dipula anda para puma Dioni maa rungulinaya rapaisaya. 11Gupuma Dionina kalu runguluma kopona suma monde nongo epa alisimiya. Nipumi muma nipuna ama para pua alisaya. 12Go eina kou nanere Dioni nipuna kou nane raluaisimiya alinu ipuma nipuna ro muma ma-dapa pisimiya. Go au puma nimumi Yesu pua la alisimiya.</div><div class="s1">Yesumi daoseni ki komea alinu para enda alisaya</div><div class="r">(Maka 6:30-44; Luka 9:10-17; Dioni 6:1-14)</div><div class="p"> 13Gupuma Yesu nipumi Dioni komisaya ei pangoma kawaso para kondo pamboma go lena minyapalaoma wenaali na-ae andasu menda para nipuna kunuma paisaya. Go pisayapare wenaalimi go ei pangoma nimuna ree andanu minyapalaoma Yesu raluma angena paisimiya. 14Go einare Yesu nipumi mo kawaso minyapalaoma mo ipisimiya wenaali andapu andoma nipumi yarame komalo ara nimuna ma-ipisimiya yainya ae wenaalinu ma-epeaisaya.</div><div class="p"> 15Gupuma go naarena naare pambalo-ainyaloma Yesu nipuna kou nane raluaisimiya alinu nipu para ipuma lalore gupi epa lisimiya. Go andasu para wenaali na-aeme pange naarele ambala pereya, lisimiya. Gupuma mo wenaalinu endanu kambola pena mo ree anda paranu rapa, lisimiya.</div><div class="p"> 16Yesu nipumi nimuna angele yango liada ara lalore gupi lisaya. Akepeanda go au pinyayanda damepae, lisaya. Nimimi gole go wenaali enda adapa lisaya.</div><div class="p"> 17Gupuma nimumi Yesu para lalore, Palawa kiri mendane kipu pange repali laaposi komea siamba-aema lisimiya.</div><div class="p"> 18Yesu nipumi nimu para lalore, Ni para ma-ipuma gipa lisaya. 19Yesumi monde wenaali para lalore, Go rilipuna pidapa lisaya. Go angele loma nipumi monde ki kalele palawa kiri mu pange monde repali laapo misaya. Go endanu muma so yaa nane andasiaomare Gode para ranae angele lisaya. Go ei lomare monde nipuna kou nane raluae alinu para alomare nimumi monde wenaali para rali rali paisimiya. 20Monde wenaalimi enda ora anana no rumbia rumbia pisimiya. Go enda noma pereyado arare monde kou nane raluae alinumi purupili ma-wisimiya einuri kalipumi wari nu ki laapo pereya mendane angena laapo nunu ora rumbiaoma wisimiya. 21Mo enda nisimiya alinu komea yarepemare daoseni ki komea repaame nisimiya. Wena nongo nakinuri na-yarepelisimiya.</div><div class="s1">Yesumi ipa mandaa angena paisaya ei</div><div class="r">(Maka 6:45-52; Dioni 6:15-21)</div><div class="p"> 22Go au pumare Yesu nipuna kou nane raluae alinu Galili ipa lee mone ree nane pulu-ainya kawasona rapaisaya. Gupuma nipuri monde wenaali nimuna anda anda penaya pa aisaya. 23Gupuma nipuna kunuma puma su rundu menda pua rumuma piri yainya pua pisaya. Go au pulu-ainyaloma rimba pa lisaya. 24Go naarena ande kawasore papare mo ipa rikana wisaya. Go dina ande ipare pokiki ora andaaimi waraisayandare ande kawasore ande ipana momogome one mayala mone mayala pisaya. 25Yapi doameyandare ranamenare Yesu ipa kou mandaa nipuna kou nane raluaisimiya alinuna paisaya.</div><div class="p"> 26Monde alinumi go ei andalo ara pururumi komalo ara gupi lisimiya. Gore remo ipula ae lisimiya. 27Go au lisimiyandare Yesumi rana komea arare gupi lisaya. Nimi puri paloma ala pa lisaya. Neme gole pawale paalame na-komalepape lisaya.</div><div class="p"> 28Pidame go ei pangomare gupi lisaya. Realio lisaya. Ora nee deandare gore ni nee repara ipa mandaa epano angele la-ae lisaya.</div><div class="p"> 29Yesumi go ei pangomare Ipuae lisaya. Pidame go ei pangomare monde kawaso minyapalaomare angena ipa mandaa Yesu repara paisaya. 30Go au pisayapare monde pokiki andaai ipisaya ei andomare nipumi ora paala andaaimi komisaya. Go au pisaya eimi ipa para kungidoame rapisaya. Go einare nipumi e andaai lomare gupi lisaya. Realio, ni rambamea-ae lisaya.</div><div class="p"> 31Yesumi go aleme gole ki rindape-aoma Pida ripinyumare gupi lisaya. Neere nena kone rulale ei ora ongeyanae, lisaya. Neeme kone andapu wi auri akepea paepae, lisaya.</div><div class="p"> 32Yesu pange Pida niipu monde kawaso para pua kondo pambisipiya. Go aleme gole ande pokiki rana komea perelisaya. 33Go ei andomare monde kawasona pirisimiya alinumi Yesu para rumu yaruaoma panda punyado ara yainya pisimiya. Gupulu ara nimumi lalore Orayanae lisimiya. Neere ora Godena Nakiyanae lisimiya.</div><div class="s1">Yesumi Genesarede andasu yainya komisimiya wenaali ma-epeaisaya ei</div><div class="r">(Maka 6:53-56)</div><div class="p"> 34-35Gupuma nimumi mo kawasona piruma ipa angulaoma repaa lena Genesarede#14:34-35 Genesaredere Galili leena bi menda. andasu para opopala popisimiya. Mo Genesarede nane aisimiya anda ree wenaalimi kone sialore Go aliri Yesuyanae kone wisimiya. Mo wenaali Yesu epa aisaya ei andomare mo ree anda ma-kopolio aisimiya anda paranu yainya ae wenaali ma-ipulupa angele mo wenaalimi lisimiya.</div><div class="p"> 36Gupuma mo wenaalinumi kongeyalo ara lalore, Nena aka kunimi go yainya ae wenaali warainya lae lisimiya. Go ei pangomare monde wenaali yainya ae repaame komea nipuna aka epa warala pisimiyandare nimuna yainya pa go gole randalapa popisaya.</div>
 </div>
 </div>
</div>

The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.

Go naarenare mo Galili andasu para piri kalu ali Erodi nipumi Yesuna pisaya ei pangisaya. Go einare Erodi nipuna pupudengi noaisimiya alinu para lalore, gupi lisaya. Go aliri Dioni Baparaisi nipu komoma wala rekande. Go eimi nipumi puri waru pale aunu pange na-ande aunu waru pia lisaya.
Erodimi Dioni lii auri go eina pisaya. Dionimi lalore, Erodina ame Pilipina wena pake lami auri pa au pili, lisaya. Mo wenana biri Erodiasi. Dioni go angele lisaya ei pangoma Erodimiri nipuna endali mini alinu para lalore, Dioni ripinyuma seinipunumi rongoma dipula lopalepa, lisaya. Erodi nipumi Dioni duameyanda pisayapare nipumi mo Diu wenaali paalame komisaya. Akepeare mo wenaalimiri Dioni nipuri Godena poropedi ali ora kone wisimiya.
Nipuna amame Erodi mandi naarena ipuma Erodi nipu rapu ipisimi alinu mombelisimiya. Go dinare Erodi nipuna wename Pilipina maindaisaya nongome wenaali pirinyalomare runa ara yaisa lisaya ei pangoma nipumi raname ora waru komisaya. Erodi nipumi raname komalo ara mo nongo para gupi lisaya. Neme ora angele lalo lisaya. Neeme ni para go au pa loma konge de alenu ora palua lisaya. Go einare mo nongo nipumi nipuna ama para angaa muma nipuna amame kone wia ei nongo para la alisaya. Mo wena nipuna rana pea eiri Dioni Baparaisina kalu rungulu giae, lisaya. Erodimi Dioni Baparaisi na-dua kone wisayapare monde wenaalina lee rona ande nena ni para konge da au ora palua lisaya eimiri nipumi yalame komalo ara ora pisaya. Go einare monde endali mini alinu para mo nongo nipuna da ale ora puama adapa lisaya.
Go einare nipumi monde alinu dipula anda para puma Dioni maa rungulinaya rapaisaya. Gupuma Dionina kalu runguluma kopona suma monde nongo epa alisimiya. Nipumi muma nipuna ama para pua alisaya. Go eina kou nanere Dioni nipuna kou nane raluaisimiya alinu ipuma nipuna ro muma ma-dapa pisimiya. Go au puma nimumi Yesu pua la alisimiya.


Gupuma Yesu nipumi Dioni komisaya ei pangoma kawaso para kondo pamboma go lena minyapalaoma wenaali na-ae andasu menda para nipuna kunuma paisaya. Go pisayapare wenaalimi go ei pangoma nimuna ree andanu minyapalaoma Yesu raluma angena paisimiya. Go einare Yesu nipumi mo kawaso minyapalaoma mo ipisimiya wenaali andapu andoma nipumi yarame komalo ara nimuna ma-ipisimiya yainya ae wenaalinu ma-epeaisaya.
Gupuma go naarena naare pambalo-ainyaloma Yesu nipuna kou nane raluaisimiya alinu nipu para ipuma lalore gupi epa lisimiya. Go andasu para wenaali na-aeme pange naarele ambala pereya, lisimiya. Gupuma mo wenaalinu endanu kambola pena mo ree anda paranu rapa, lisimiya.
Yesu nipumi nimuna angele yango liada ara lalore gupi lisaya. Akepeanda go au pinyayanda damepae, lisaya. Nimimi gole go wenaali enda adapa lisaya.
Gupuma nimumi Yesu para lalore, Palawa kiri mendane kipu pange repali laaposi komea siamba-aema lisimiya.
Yesu nipumi nimu para lalore, Ni para ma-ipuma gipa lisaya. Yesumi monde wenaali para lalore, Go rilipuna pidapa lisaya. Go angele loma nipumi monde ki kalele palawa kiri mu pange monde repali laapo misaya. Go endanu muma so yaa nane andasiaomare Gode para ranae angele lisaya. Go ei lomare monde nipuna kou nane raluae alinu para alomare nimumi monde wenaali para rali rali paisimiya. Monde wenaalimi enda ora anana no rumbia rumbia pisimiya. Go enda noma pereyado arare monde kou nane raluae alinumi purupili ma-wisimiya einuri kalipumi wari nu ki laapo pereya mendane angena laapo nunu ora rumbiaoma wisimiya. Mo enda nisimiya alinu komea yarepemare daoseni ki komea repaame nisimiya. Wena nongo nakinuri na-yarepelisimiya.


Go au pumare Yesu nipuna kou nane raluae alinu Galili ipa lee mone ree nane pulu-ainya kawasona rapaisaya. Gupuma nipuri monde wenaali nimuna anda anda penaya pa aisaya. Gupuma nipuna kunuma puma su rundu menda pua rumuma piri yainya pua pisaya. Go au pulu-ainyaloma rimba pa lisaya. Go naarena ande kawasore papare mo ipa rikana wisaya. Go dina ande ipare pokiki ora andaaimi waraisayandare ande kawasore ande ipana momogome one mayala mone mayala pisaya. Yapi doameyandare ranamenare Yesu ipa kou mandaa nipuna kou nane raluaisimiya alinuna paisaya.
Monde alinumi go ei andalo ara pururumi komalo ara gupi lisimiya. Gore remo ipula ae lisimiya. Go au lisimiyandare Yesumi rana komea arare gupi lisaya. Nimi puri paloma ala pa lisaya. Neme gole pawale paalame na-komalepape lisaya.
Pidame go ei pangomare gupi lisaya. Realio lisaya. Ora nee deandare gore ni nee repara ipa mandaa epano angele la-ae lisaya.
Yesumi go ei pangomare Ipuae lisaya. Pidame go ei pangomare monde kawaso minyapalaomare angena ipa mandaa Yesu repara paisaya. Go au pisayapare monde pokiki andaai ipisaya ei andomare nipumi ora paala andaaimi komisaya. Go au pisaya eimi ipa para kungidoame rapisaya. Go einare nipumi e andaai lomare gupi lisaya. Realio, ni rambamea-ae lisaya.
Yesumi go aleme gole ki rindape-aoma Pida ripinyumare gupi lisaya. Neere nena kone rulale ei ora ongeyanae, lisaya. Neeme kone andapu wi auri akepea paepae, lisaya.
Yesu pange Pida niipu monde kawaso para pua kondo pambisipiya. Go aleme gole ande pokiki rana komea perelisaya. Go ei andomare monde kawasona pirisimiya alinumi Yesu para rumu yaruaoma panda punyado ara yainya pisimiya. Gupulu ara nimumi lalore Orayanae lisimiya. Neere ora Godena Nakiyanae lisimiya.


Gupuma nimumi mo kawasona piruma ipa angulaoma repaa lena Genesarede andasu para opopala popisimiya. Mo Genesarede nane aisimiya anda ree wenaalimi kone sialore Go aliri Yesuyanae kone wisimiya. Mo wenaali Yesu epa aisaya ei andomare mo ree anda ma-kopolio aisimiya anda paranu yainya ae wenaali ma-ipulupa angele mo wenaalimi lisimiya.
Gupuma mo wenaalinumi kongeyalo ara lalore, Nena aka kunimi go yainya ae wenaali warainya lae lisimiya. Go ei pangomare monde wenaali yainya ae repaame komea nipuna aka epa warala pisimiyandare nimuna yainya pa go gole randalapa popisaya.

සවන් දෙන්න Madiu 14