<div class="version vid3363 iso6393mri" data-vid="3363" data-iso6393="mri">
 <div class="book bkNUM">
 <div class="chapter ch15" data-usfm="NUM.15">
 <div class="label">15</div><div class="s">Te Tikanga m&#333; ng&#257; Whakahere</div><div class="p"> 1I k&#333;rero an&#333; a Ihow&#257;, ki a Mohi, i mea, 2&#8220;K&#333;rero ki ng&#257; tama a &#298;haraira, mea atu ki a r&#257;tou: E tae koutou ki te whenua e noho ai koutou, ki t&#257;ku e hoatu ai ki a koutou, 3&#257;, ka mea i te whakahere ahi ki a Ihow&#257; &#8211; i te tahunga tinana, i te patunga tapu r&#257;nei hei whakamana m&#333; te k&#299; taurangi, i te whakahere tuku noa r&#257;nei, i &#257; koutou h&#257;kari nunui r&#257;nei &#8211; hei whakakakara reka ki a Ihow&#257;, he mea n&#333; ng&#257; kau, n&#333; ng&#257; hipi r&#257;nei. 4N&#257;, me kawe mai t&#257;na whakahere e te kaiwhakahere ki a Ihow&#257; he whakahere totokore, ko te whakatekau o te epa o te par&#257;oa pai, he mea k&#333;natunatu ki te whakawh&#257; o te hine hinu. 5Kia rite mai an&#333; i a koe te whakawh&#257; o te hine w&#257;ina, hei ringihanga, hei k&#299;naki m&#333; te tahunga tinana, m&#333; te patunga tapu r&#257;nei, m&#333; te reme kotahi.</div><div class="p"> 6&#8220;Ki te mea he hipi toa, kia rite i a koe hei whakahere totokore ng&#257; whakatekau e rua o te epa o te par&#257;oa pai, he mea k&#333;natunatu ki te whakatoru o te hine hinu. 7Me whakahere an&#333; e koe te whakatoru o te hine w&#257;ina hei ringihanga, hei kakara reka ki a Ihow&#257;.</div><div class="p"> 8&#8220;&#256;, ka mea koe i te p&#363;ru hei tahunga tinana, hei patunga tapu r&#257;nei, hei whakamana i te kupu taurangi, hei whakahere r&#257;nei m&#333; te pai ki a Ihow&#257;; 9n&#257;, me kawe tahi an&#333; e ia me te p&#363;ru, hei whakahere totokore, kia toru ng&#257; whakatekau o te epa o te par&#257;oa pai, he mea k&#333;natunatu ki te h&#257;whe o te hine hinu. 10Me kawe an&#333; e koe te h&#257;whe o te hine w&#257;ina hei ringihanga, hei whakahere ahi, hei kakara reka ki a Ihow&#257;.</div><div class="p"> 11&#8220;Kia p&#275;nei te meatanga m&#333; te p&#363;ru kotahi, m&#333; te hipi toa kotahi, m&#333; te reme toa, m&#333; te k&#363;ao koati. 12Kia rite ki te maha o &#257; koutou e tuku ai t&#257; koutou e mea ai ki t&#275;tahi, ki t&#275;tahi, kia rite tonu ki te maha o r&#257;tou. 13Kia p&#275;nei te meatanga a ng&#257; t&#257;ngata whenua katoa i &#275;nei mea, ina whakahere i te whakahere ahi, hei kakara reka ki a Ihow&#257;. 14&#256;, ki te noho i a koe t&#275;tahi manene, t&#275;tahi noa atu r&#257;nei, i roto i a koutou i &#333; koutou whakatupuranga, &#257;, ka mea kia whakahere i te whakahere ahi, i te kakara reka ki a Ihow&#257;; kia rite t&#257;na e mea ai ki t&#257; koutou e mea ai. 15M&#333; te whakaminenga kia kotahi te tikanga m&#333; koutou, m&#333; te manene hoki e noho tahi ana me koutou, hei tikanga p&#363;mau i &#333; koutou whakatupuranga; kia p&#275;r&#257; an&#333; me koutou te manene i te aroaro o Ihow&#257;. 16Kia kotahi an&#333; te ture, kia kotahi an&#333; te ritenga m&#333; koutou, m&#333; te manene hoki e noho ana i a koutou.</div><div class="p"> 17&#8220;I k&#333;rero an&#333; a Ihow&#257; ki a Mohi, i mea: 18K&#333;rero ki ng&#257; tama a &#298;haraira, mea atu ki a r&#257;tou: E tae koutou ki te whenua e kawea nei koutou e ahau ki reira, 19n&#257;, e kai koutou i te taro o te whenua, me whakahere he whakahere hapahapai ki a Ihow&#257;. 20Me whakahere he keke n&#333; t&#257; koutou par&#257;oa pokepoke mataati hei whakahere hapahapai; kia rite ki te whakahere hapahapai o te patunga w&#299;ti t&#257; koutou hapahapai. 21Me hoatu t&#275;tahi w&#257;hi o t&#257; koutou pokepokenga mataati ki a Ihow&#257;, hei whakahere hapahapai, puta noa i &#333; koutou whakatupuranga.</div><div class="p"> 22&#8220;&#256;, ki te mea kua p&#333;h&#275;h&#275; koutou, &#257;, k&#299;hai i rite &#275;nei whakahau katoa i k&#333;rerotia nei e Ihow&#257; ki a Mohi &#8211; 23ar&#257; ng&#257; mea katoa i whakahaua ai koutou e Ihow&#257;, i k&#333;rerotia e Mohi, o te r&#257; an&#333; i whakahau ai a Ihow&#257; &#257; tuku iho ki &#333; koutou whakatupuranga &#8211; 24ko reira, ki te meatia t&#275;tahi mea, he p&#333;h&#275;h&#275; hoki, e ngaro ana i ng&#257; kanohi o te whakaminenga, n&#257;, me whakahere e te whakaminenga katoa t&#275;tahi p&#363;ru k&#363;ao hei tahunga tinana, hei kakara reka ki a Ihow&#257;, me t&#333;na whakahere totokore, me t&#333;na ringihanga; kia rite ki te tikanga, kia kotahi hoki koati toa hei whakahere hara. 25&#256;, ka whakam&#257;rie te tohunga m&#333; te whakaminenga katoa o ng&#257; tama a &#298;haraira, &#257;, ka murua t&#333; r&#257;tou h&#275;; he p&#333;h&#275;h&#275; hoki; &#257;, me kawe t&#257; r&#257;tou whakahere, hei whakahere ahi ki a Ihow&#257;, me t&#257; r&#257;tou whakahere hara ki te aroaro o Ihow&#257;, m&#333; t&#333; r&#257;tou p&#333;h&#275;h&#275;. 26&#256;, ka murua taua h&#275; o te whakaminenga katoa o ng&#257; tama a &#298;haraira, o te manene an&#333; e noho ana i a r&#257;tou; n&#333; te mea i p&#333;h&#275;h&#275; katoa te iwi.</div><div class="p"> 27&#8220;Ki te p&#333;h&#275;h&#275; an&#333; t&#275;tahi wairua, &#257;, ka hara, n&#257;, me kawe mai e ia he koati uha, hei te tau tahi, hei whakahere hara. 28&#256;, me whakam&#257;rie te tohunga m&#333; te wairua i hara p&#333;h&#275;h&#275;, ina hara p&#333;h&#275;h&#275; ia, ki te aroaro o Ihow&#257;, hei whakam&#257;rie m&#333;na; &#257;, ka murua t&#257;na.</div><div class="p"> 29&#8220;Kia kotahi an&#333; t&#257; koutou ture m&#333; te tangata i hara p&#333;h&#275;h&#275;, m&#333; te tangata whenua o ng&#257; tama a &#298;haraira r&#257;ua ko te manene e noho ana i a r&#257;tou.</div><div class="p"> 30&#8220;Ko te wairua ia i whakakake, ahakoa tangata whenua, manene r&#257;nei, he kohukohu t&#257;na i a Ihow&#257;; &#257;, ka h&#257;tepea atu taua wairua i roto i t&#333;na iwi. 31I whakah&#257;wea ia ki te kupu a Ihow&#257;, i whakataka hoki i t&#257;na whakahau; ka tino h&#257;tepea atu taua wairua; ka mau t&#333;na kino ki a ia.&#8221;</div><div class="s">Te Tangata i Whati i te H&#257;pati</div><div class="p"> 32&#256;, i ng&#257; tama a &#298;haraira i te koraha, ka kitea t&#275;tahi tangata e kohikohi r&#257;kau ana i te r&#257; h&#257;pati. 33N&#257;, ka kawea ia e ng&#257; t&#257;ngata, i kite r&#257; i a ia e kohikohi ana i ng&#257; r&#257;kau, ki a Mohi r&#257;ua ko &#256;rona, &#257;, ki te whakaminenga katoa. 34N&#257;, hoatu ana ia e r&#257;tou kia tiakina, n&#333; te mea k&#257;hore an&#333; i whakaaturia me aha ia.</div><div class="p"> 35&#256;, ka mea a Ihow&#257; ki a Mohi, &#8220;Me whakamate rawa t&#275;n&#257; tangata; m&#257; te whakaminenga katoa ia e &#257;ki ki te k&#333;hatu ki waho o te puni.&#8221; 36N&#257;, kawea ana ia e te whakaminenga katoa ki waho o te puni, &#257;, &#257;kina ana ki te k&#333;hatu, &#257;, ka mate; p&#275;r&#257; me t&#257; Ihow&#257; i whakahau ai ki a Mohi.</div><div class="s">Te Tikanga m&#333; ng&#257; T&#257;niko</div><div class="p"> 37I k&#333;rero an&#333; a Ihow&#257; ki a Mohi, i mea, 38&#8220;K&#333;rero ki ng&#257; tama a &#298;haraira, mea atu ki a r&#257;tou kia hang&#257; &#275;tahi t&#257;niko m&#333; r&#257;tou, m&#333; ng&#257; taha o &#333; r&#257;tou k&#257;kahu, puta noa i &#333; r&#257;tou whakatupuranga, kia karapitia hoki te t&#257;niko o te pito ki te miro pur&#363;; 39&#257;, hei t&#257;niko t&#275;n&#257; m&#333; koutou, hei titiro iho m&#257; koutou, n&#257;, ka mahara ki ng&#257; whakahau katoa a Ihow&#257;, &#257;, ka mahi; kei rapu koutou i t&#257; &#333; koutou ng&#257;kau, i t&#257; &#333; koutou kanohi, ar&#257; i ng&#257; mea e wh&#257;ia atu nei, e p&#363;remutia atu nei e koutou. 40Kia mahara ai koutou ki te mahi i &#257;ku whakahau katoa, kia tapu ai hoki ki t&#333; koutou Atua. 41Ko Ihow&#257; ahau, ko t&#333; koutou Atua i kawe mai nei i a koutou i te whenua o &#298;hipa, kia waiho ai ahau hei Atua m&#333; koutou: Ko Ihow&#257; ahau, ko t&#333; koutou Atua.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

I kōrero anō a Ihowā, ki a Mohi, i mea, “Kōrero ki ngā tama a Īharaira, mea atu ki a rātou: E tae koutou ki te whenua e noho ai koutou, ki tāku e hoatu ai ki a koutou, ā, ka mea i te whakahere ahi ki a Ihowā – i te tahunga tinana, i te patunga tapu rānei hei whakamana mō te kī taurangi, i te whakahere tuku noa rānei, i ā koutou hākari nunui rānei – hei whakakakara reka ki a Ihowā, he mea nō ngā kau, nō ngā hipi rānei. Nā, me kawe mai tāna whakahere e te kaiwhakahere ki a Ihowā he whakahere totokore, ko te whakatekau o te epa o te parāoa pai, he mea kōnatunatu ki te whakawhā o te hine hinu. Kia rite mai anō i a koe te whakawhā o te hine wāina, hei ringihanga, hei kīnaki mō te tahunga tinana, mō te patunga tapu rānei, mō te reme kotahi.
“Ki te mea he hipi toa, kia rite i a koe hei whakahere totokore ngā whakatekau e rua o te epa o te parāoa pai, he mea kōnatunatu ki te whakatoru o te hine hinu. Me whakahere anō e koe te whakatoru o te hine wāina hei ringihanga, hei kakara reka ki a Ihowā.
“Ā, ka mea koe i te pūru hei tahunga tinana, hei patunga tapu rānei, hei whakamana i te kupu taurangi, hei whakahere rānei mō te pai ki a Ihowā; nā, me kawe tahi anō e ia me te pūru, hei whakahere totokore, kia toru ngā whakatekau o te epa o te parāoa pai, he mea kōnatunatu ki te hāwhe o te hine hinu. Me kawe anō e koe te hāwhe o te hine wāina hei ringihanga, hei whakahere ahi, hei kakara reka ki a Ihowā.
“Kia pēnei te meatanga mō te pūru kotahi, mō te hipi toa kotahi, mō te reme toa, mō te kūao koati. Kia rite ki te maha o ā koutou e tuku ai tā koutou e mea ai ki tētahi, ki tētahi, kia rite tonu ki te maha o rātou. Kia pēnei te meatanga a ngā tāngata whenua katoa i ēnei mea, ina whakahere i te whakahere ahi, hei kakara reka ki a Ihowā. Ā, ki te noho i a koe tētahi manene, tētahi noa atu rānei, i roto i a koutou i ō koutou whakatupuranga, ā, ka mea kia whakahere i te whakahere ahi, i te kakara reka ki a Ihowā; kia rite tāna e mea ai ki tā koutou e mea ai. Mō te whakaminenga kia kotahi te tikanga mō koutou, mō te manene hoki e noho tahi ana me koutou, hei tikanga pūmau i ō koutou whakatupuranga; kia pērā anō me koutou te manene i te aroaro o Ihowā. Kia kotahi anō te ture, kia kotahi anō te ritenga mō koutou, mō te manene hoki e noho ana i a koutou.
“I kōrero anō a Ihowā ki a Mohi, i mea: Kōrero ki ngā tama a Īharaira, mea atu ki a rātou: E tae koutou ki te whenua e kawea nei koutou e ahau ki reira, nā, e kai koutou i te taro o te whenua, me whakahere he whakahere hapahapai ki a Ihowā. Me whakahere he keke nō tā koutou parāoa pokepoke mataati hei whakahere hapahapai; kia rite ki te whakahere hapahapai o te patunga wīti tā koutou hapahapai. Me hoatu tētahi wāhi o tā koutou pokepokenga mataati ki a Ihowā, hei whakahere hapahapai, puta noa i ō koutou whakatupuranga.
“Ā, ki te mea kua pōhēhē koutou, ā, kīhai i rite ēnei whakahau katoa i kōrerotia nei e Ihowā ki a Mohi – arā ngā mea katoa i whakahaua ai koutou e Ihowā, i kōrerotia e Mohi, o te rā anō i whakahau ai a Ihowā ā tuku iho ki ō koutou whakatupuranga – ko reira, ki te meatia tētahi mea, he pōhēhē hoki, e ngaro ana i ngā kanohi o te whakaminenga, nā, me whakahere e te whakaminenga katoa tētahi pūru kūao hei tahunga tinana, hei kakara reka ki a Ihowā, me tōna whakahere totokore, me tōna ringihanga; kia rite ki te tikanga, kia kotahi hoki koati toa hei whakahere hara. Ā, ka whakamārie te tohunga mō te whakaminenga katoa o ngā tama a Īharaira, ā, ka murua tō rātou hē; he pōhēhē hoki; ā, me kawe tā rātou whakahere, hei whakahere ahi ki a Ihowā, me tā rātou whakahere hara ki te aroaro o Ihowā, mō tō rātou pōhēhē. Ā, ka murua taua hē o te whakaminenga katoa o ngā tama a Īharaira, o te manene anō e noho ana i a rātou; nō te mea i pōhēhē katoa te iwi.
“Ki te pōhēhē anō tētahi wairua, ā, ka hara, nā, me kawe mai e ia he koati uha, hei te tau tahi, hei whakahere hara. Ā, me whakamārie te tohunga mō te wairua i hara pōhēhē, ina hara pōhēhē ia, ki te aroaro o Ihowā, hei whakamārie mōna; ā, ka murua tāna.
“Kia kotahi anō tā koutou ture mō te tangata i hara pōhēhē, mō te tangata whenua o ngā tama a Īharaira rāua ko te manene e noho ana i a rātou.
“Ko te wairua ia i whakakake, ahakoa tangata whenua, manene rānei, he kohukohu tāna i a Ihowā; ā, ka hātepea atu taua wairua i roto i tōna iwi. I whakahāwea ia ki te kupu a Ihowā, i whakataka hoki i tāna whakahau; ka tino hātepea atu taua wairua; ka mau tōna kino ki a ia.”

Ā, i ngā tama a Īharaira i te koraha, ka kitea tētahi tangata e kohikohi rākau ana i te rā hāpati. Nā, ka kawea ia e ngā tāngata, i kite rā i a ia e kohikohi ana i ngā rākau, ki a Mohi rāua ko Ārona, ā, ki te whakaminenga katoa. Nā, hoatu ana ia e rātou kia tiakina, nō te mea kāhore anō i whakaaturia me aha ia.
Ā, ka mea a Ihowā ki a Mohi, “Me whakamate rawa tēnā tangata; mā te whakaminenga katoa ia e āki ki te kōhatu ki waho o te puni.” Nā, kawea ana ia e te whakaminenga katoa ki waho o te puni, ā, ākina ana ki te kōhatu, ā, ka mate; pērā me tā Ihowā i whakahau ai ki a Mohi.

I kōrero anō a Ihowā ki a Mohi, i mea, “Kōrero ki ngā tama a Īharaira, mea atu ki a rātou kia hangā ētahi tāniko mō rātou, mō ngā taha o ō rātou kākahu, puta noa i ō rātou whakatupuranga, kia karapitia hoki te tāniko o te pito ki te miro purū; ā, hei tāniko tēnā mō koutou, hei titiro iho mā koutou, nā, ka mahara ki ngā whakahau katoa a Ihowā, ā, ka mahi; kei rapu koutou i tā ō koutou ngākau, i tā ō koutou kanohi, arā i ngā mea e whāia atu nei, e pūremutia atu nei e koutou. Kia mahara ai koutou ki te mahi i āku whakahau katoa, kia tapu ai hoki ki tō koutou Atua. Ko Ihowā ahau, ko tō koutou Atua i kawe mai nei i a koutou i te whenua o Īhipa, kia waiho ai ahau hei Atua mō koutou: Ko Ihowā ahau, ko tō koutou Atua.”

සවන් දෙන්න Tauanga 15