<div class="version vid3363 iso6393mri" data-vid="3363" data-iso6393="mri">
 <div class="book bkLEV">
 <div class="chapter ch17" data-usfm="LEV.17">
 <div class="label">17</div><div class="s">He Tapu te Toto</div><div class="p"> 1I k&#333;rero an&#333; a Ihow&#257; ki a Mohi, i mea: 2&#8220;K&#333;rero ki a &#256;rona, ki &#257;na tama, ki ng&#257; tama katoa a &#298;haraira, mea atu ki a r&#257;tou: Ko te mea t&#275;nei i whakahau ai a Ihow&#257;, i mea ai: 3Ki te patua e t&#275;tahi tangata o te whare o &#298;haraira he kau, he reme, he koati r&#257;nei, i roto i te puni, ki te patua r&#257;nei e ia ki waho o te puni, 4&#257;, e kore e kawea ki te whatitoka o te tapen&#257;kara o te whakaminenga, kia whakaherea he whakahere ki a Ihow&#257; ki mua i te tapen&#257;kara o Ihow&#257;. Ka whakairia he toto ki taua tangata; kua whakaheke toto ia; &#257;, ka h&#257;tepea atu taua tangata i roto i t&#333;na iwi. 5He mea kia kawea ai e ng&#257; tama a &#298;haraira &#257; r&#257;tou patunga e whakaherea ana e r&#257;tou i te mata o te p&#257;rae, kia kawea ai hoki ki a Ihow&#257;, ki te whatitoka o te tapen&#257;kara o te whakaminenga, ki te tohunga, ka patu ai hei whakahere m&#333; te pai ki a Ihow&#257;. 6&#256;, ka t&#257;uhiuhia te toto e te tohunga ki te &#257;ta a Ihow&#257; i te whatitoka o te tapen&#257;kara o te whakaminenga, me tahu an&#333; e ia te ngako hei kakara reka ki a Ihow&#257;. 7&#256;, ka mutu &#257; r&#257;tou patunga tapu ki ng&#257; r&#275;wera i wh&#257;ia nei e r&#257;tou, p&#363;remu atu ai. Hei tikanga p&#363;mau t&#275;nei ki a r&#257;tou i &#333; r&#257;tou whakatupuranga.</div><div class="p"> 8&#8220;Me k&#299; atu an&#333; ki a r&#257;tou: Ki te whakaherea e t&#275;tahi tangata o te whare o &#298;haraira, o ng&#257; manene r&#257;nei i roto i a koutou, t&#275;tahi tahunga tinana, patunga tapu r&#257;nei, 9&#257;, e kore e kawea ki te whatitoka o te tapen&#257;kara o te whakaminenga, whakahere ai ki a Ihow&#257;; in&#257;, ka h&#257;tepea atu taua tangata i roto i t&#333;na iwi.&#8221;</div><div class="s">Te Riri ana i te Kainga Toto</div><div class="p"> 10&#8220;Ki te kainga hoki t&#275;tahi toto e t&#275;tahi tangata o te whare o &#298;haraira, o ng&#257; manene r&#257;nei i roto i a koutou; ka &#363; atu t&#333;ku mata ki taua wairua i kainga ai te toto, &#257;, ka h&#257;tepea atu e ahau i roto i t&#333;na iwi. 11Kei roto hoki i te toto te oranga o te kikokiko; kua hoatu an&#333; e ahau ki a koutou m&#333; runga i te &#257;ta, hei whakam&#257;rie m&#333; &#333; koutou wairua; ko te toto hoki, n&#257; t&#333;na ora, te mea hei whakam&#257;rie. 12Koia ahau i mea ai ki ng&#257; tama a &#298;haraira: Kaua t&#275;tahi o koutou e kai toto, kaua an&#333; hoki te manene i roto i a koutou e kai toto.</div><div class="p"> 13&#8220;Ki te whai hoki t&#275;tahi o ng&#257; tama a &#298;haraira, o ng&#257; manene r&#257;nei i roto i a koutou, &#257;, ka mau t&#275;tahi k&#299;rehe, t&#275;tahi manu r&#257;nei e tika ana kia kainga; me riringi &#333;na toto, ka tanu ai ki te puehu. 14N&#333; te mea ko te toto o te kikokiko e kotahi katoa &#257;na me te ora o te kikokiko; koia ahau i mea ai ki ng&#257; tama a &#298;haraira: Kaua rawa e kainga te toto o t&#275;tahi kikokiko; ko te toto hoki te ora o ng&#257; kikokiko katoa; ki te kainga e t&#275;tahi, ka h&#257;tepea atu.</div><div class="p"> 15&#8220;Ki te kainga hoki e t&#275;tahi te mea i mate m&#257;ori, te mea r&#257;nei i haea e te k&#299;rehe, ahakoa tangata whenua, iwi k&#275; r&#257;nei, me horoi &#333;na k&#257;kahu, me ia an&#333; me horoi ki te wai, ka poke hoki &#257; ahiahi noa; k&#257;tahi ka kore te poke. 16&#256;, ki te k&#257;hore e horoia e ia, ki te k&#257;hore hoki e horoia t&#333;na tinana, n&#257;, ka waha e ia t&#333;na kino.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

I kōrero anō a Ihowā ki a Mohi, i mea: “Kōrero ki a Ārona, ki āna tama, ki ngā tama katoa a Īharaira, mea atu ki a rātou: Ko te mea tēnei i whakahau ai a Ihowā, i mea ai: Ki te patua e tētahi tangata o te whare o Īharaira he kau, he reme, he koati rānei, i roto i te puni, ki te patua rānei e ia ki waho o te puni, ā, e kore e kawea ki te whatitoka o te tapenākara o te whakaminenga, kia whakaherea he whakahere ki a Ihowā ki mua i te tapenākara o Ihowā. Ka whakairia he toto ki taua tangata; kua whakaheke toto ia; ā, ka hātepea atu taua tangata i roto i tōna iwi. He mea kia kawea ai e ngā tama a Īharaira ā rātou patunga e whakaherea ana e rātou i te mata o te pārae, kia kawea ai hoki ki a Ihowā, ki te whatitoka o te tapenākara o te whakaminenga, ki te tohunga, ka patu ai hei whakahere mō te pai ki a Ihowā. Ā, ka tāuhiuhia te toto e te tohunga ki te āta a Ihowā i te whatitoka o te tapenākara o te whakaminenga, me tahu anō e ia te ngako hei kakara reka ki a Ihowā. Ā, ka mutu ā rātou patunga tapu ki ngā rēwera i whāia nei e rātou, pūremu atu ai. Hei tikanga pūmau tēnei ki a rātou i ō rātou whakatupuranga.
“Me kī atu anō ki a rātou: Ki te whakaherea e tētahi tangata o te whare o Īharaira, o ngā manene rānei i roto i a koutou, tētahi tahunga tinana, patunga tapu rānei, ā, e kore e kawea ki te whatitoka o te tapenākara o te whakaminenga, whakahere ai ki a Ihowā; inā, ka hātepea atu taua tangata i roto i tōna iwi.”

“Ki te kainga hoki tētahi toto e tētahi tangata o te whare o Īharaira, o ngā manene rānei i roto i a koutou; ka ū atu tōku mata ki taua wairua i kainga ai te toto, ā, ka hātepea atu e ahau i roto i tōna iwi. Kei roto hoki i te toto te oranga o te kikokiko; kua hoatu anō e ahau ki a koutou mō runga i te āta, hei whakamārie mō ō koutou wairua; ko te toto hoki, nā tōna ora, te mea hei whakamārie. Koia ahau i mea ai ki ngā tama a Īharaira: Kaua tētahi o koutou e kai toto, kaua anō hoki te manene i roto i a koutou e kai toto.
“Ki te whai hoki tētahi o ngā tama a Īharaira, o ngā manene rānei i roto i a koutou, ā, ka mau tētahi kīrehe, tētahi manu rānei e tika ana kia kainga; me riringi ōna toto, ka tanu ai ki te puehu. Nō te mea ko te toto o te kikokiko e kotahi katoa āna me te ora o te kikokiko; koia ahau i mea ai ki ngā tama a Īharaira: Kaua rawa e kainga te toto o tētahi kikokiko; ko te toto hoki te ora o ngā kikokiko katoa; ki te kainga e tētahi, ka hātepea atu.
“Ki te kainga hoki e tētahi te mea i mate māori, te mea rānei i haea e te kīrehe, ahakoa tangata whenua, iwi kē rānei, me horoi ōna kākahu, me ia anō me horoi ki te wai, ka poke hoki ā ahiahi noa; kātahi ka kore te poke. Ā, ki te kāhore e horoia e ia, ki te kāhore hoki e horoia tōna tinana, nā, ka waha e ia tōna kino.”

සවන් දෙන්න Rewitikuha 17