<div class="version vid3363 iso6393mri" data-vid="3363" data-iso6393="mri">
 <div class="book bkHAG">
 <div class="chapter ch2" data-usfm="HAG.2">
 <div class="label">2</div><div class="s">Te Ahurei o te Temepara Hou</div><div class="p"> 1I te whitu o ng&#257; marama, i te rua tekau m&#257; tahi o ng&#257; r&#257; o te marama, ka puta mai te kupu a Ihow&#257;, he mea n&#257; H&#257;kai poropiti, i k&#299; ia: 2&#8220;T&#275;n&#257;, k&#333;rero ki a Herupapera tama a Haratiera, k&#257;wana o H&#363;r&#257;, r&#257;ua ko te tino tohunga, ko Hohua tama a Iohereke, ki ng&#257; m&#333;rehu an&#333; o te iwi, mea atu: 3&#8216;Ko wai te m&#333;rehu i roto i a koutou i kite i t&#275;nei whare i t&#333;na kor&#333;ria &#333; mua? E p&#275;hea ana hoki ki t&#257; koutou titiro in&#257;ianei? Ehara r&#257;nei ki &#333; koutou n&#257; kanohi he k&#257;hore noa iho? 4N&#257;, kia kaha &#257;ianei, e Herupapera,&#8217; e ai t&#257; Ihow&#257;; &#8216;kia kaha, e te tino tohunga, e Hohua tama a Iohereke; kia kaha hoki, e te iwi katoa o te whenua,&#8217; e ai t&#257; Ihow&#257;, &#8216;e mahi; ko ahau hoki hei hoa m&#333; koutou,&#8217; e ai t&#257; Ihow&#257; o ng&#257; mano. 5&#8216;Ka rite ki te kupu i whakaritea e ahau ki a koutou i t&#333; koutou haerenga mai i &#298;hipa; &#257;, i t&#363; t&#333;ku wairua i roto i a koutou; kaua e wehi.&#8217;</div><div class="p"> 6&#8220;N&#333; te mea ko te kupu t&#275;nei a Ihow&#257; o ng&#257; mano: &#8216;Kia kotahi ake an&#333;, he w&#257;hi iti nei, &#257;, ka whakang&#257;ueuetia e ahau te rangi me te whenua, te moana me te w&#257;hi maroke. 7&#256;, ka whakang&#257;ueuetia e ahau ng&#257; iwi katoa. N&#257;, ka haere mai ng&#257; mea &#257;huareka o ng&#257; iwi katoa; &#257;, ka whakak&#299;ia e ahau t&#275;nei whare ki te kor&#333;ria,&#8217; e ai t&#257; Ihow&#257; o ng&#257; mano. 8&#8216;N&#257;ku te hiriwa, n&#257;ku hoki te k&#333;ura, e ai t&#257; Ihow&#257; o ng&#257; mano. 9T&#275;r&#257; te kor&#333;ria o t&#275;nei whare &#333; muri nei ka nui atu i t&#333; t&#275;r&#257; i mua,&#8217; e ai t&#257; Ihow&#257; o ng&#257; mano; &#8216;ka hoatu an&#333; e ahau te rongo mau i t&#275;nei w&#257;hi,&#8217; e ai t&#257; Ihow&#257; o ng&#257; mano.&#8221;</div><div class="s">Ka Uia ng&#257; Tohunga e te Poropiti</div><div class="p"> 10I te rua tekau m&#257; wh&#257; o ng&#257; r&#257; o te iwa o ng&#257; marama, i te rua o ng&#257; tau o Tariuha, ka puta mai te kupu a Ihow&#257;, he mea n&#257; H&#257;kai poropiti, i mea ia: 11&#8220;Ko te kupu t&#275;nei a Ihow&#257; o ng&#257; mano: &#8216;T&#275;n&#257; r&#257; uia te ture ki ng&#257; tohunga, mea atu: 12Ki te maua e t&#275;tahi tangata he kikokiko tapu i te pito o t&#333;na k&#257;kahu, &#257;, ka p&#257; taua pito &#333;na ki t&#275;tahi taro, ki t&#275;tahi mea r&#257;nei e k&#333;huatia ana, ki te w&#257;ina, ki te hinu, ki t&#275;tahi kai r&#257;nei, e tapu r&#257;nei?&#8217; &#8221;</div><div class="p">N&#257;, ka whakahoki ng&#257; tohunga ka mea, &#8220;K&#257;hore.&#8221;</div><div class="p"> 13An&#333; r&#257; ko H&#257;kai, &#8220;Ki te p&#257; te tangata i poke i te t&#363;p&#257;paku ki t&#275;tahi o &#275;nei, e poke r&#257;nei?&#8221;</div><div class="p">N&#257;, ka whakahoki ng&#257; tohunga, ka mea, &#8220;E poke an&#333;.&#8221;</div><div class="p"> 14N&#257;, ka oho a H&#257;kai, ka mea: &#8220; &#8216;He p&#275;n&#257; an&#333; &#275;nei t&#257;ngata, he p&#275;n&#257; an&#333; te iwi i t&#333;ku aroaro nei, e ai t&#257; Ihow&#257;, he p&#275;n&#257; an&#333; ng&#257; mahi katoa a &#333; r&#257;tou ringa; ko ng&#257; mea katoa e whakaherea ana e r&#257;tou ki reira, he poke.</div><div class="p"> 15&#8220; &#8216;N&#257;, t&#275;n&#257; r&#257;, whakaaroa &#257;ianei i t&#275;nei r&#257;, i &#275;r&#257; atu hoki, i te mea k&#257;hore an&#333; i takoto t&#275;tahi k&#333;hatu ki runga ki t&#275;tahi k&#333;hatu i te temepara o Ihow&#257;; 16i taua w&#257; puta noa, ki te tae t&#275;tahi tangata ki t&#275;tahi p&#363;ranga e rua tekau nei &#333;na m&#275;hua, n&#257;, kotahi tonu tekau; ki te haere ki te poka w&#257;ina ki te utu mai i &#275;tahi oko e rima tekau, n&#257;, e rua tonu tekau. 17I patua koutou e ahau, ng&#257; mahi katoa a &#333; koutou ringa ki te ngingio, ki te koriri, ki te whatu, &#257;, k&#299;hai koutou i tahuri ki ahau,&#8217; e ai t&#257; Ihow&#257;. 18&#8216;Whakaaroa t&#275;nei r&#257; me &#275;r&#257; atu an&#333;, o te rua tekau m&#257; wh&#257; o te iwa o ng&#257; marama, o te r&#257; i whakatakotoria ai te t&#363;ranga o te temepara o Ihow&#257;, whakaaroa. 19Kei te whare w&#299;ti an&#333; r&#257;nei te purapura? In&#257;, k&#257;hore an&#333; te w&#257;ina, te piki, te pamekaranete, te &#333;riwa, kia hua noa; ka t&#299;mata i t&#275;nei r&#257; t&#257;ku manaaki i a koutou.&#8217; &#8221;</div><div class="s">T&#257; Ihow&#257; K&#299; Taurangi ki Herupapera</div><div class="p"> 20I tuaruatia an&#333; te puta mai o te kupu a Ihow&#257; ki a H&#257;kai i te rua tekau m&#257; wh&#257; o ng&#257; r&#257; o te marama, i mea ia: 21&#8220;K&#333;rero ki a Herupapera k&#257;wana o H&#363;r&#257;, mea atu: Ka whakang&#257;ueuetia e ahau te rangi me te whenua, 22ka hurihia ake an&#333; e ahau te tor&#333;na o ng&#257; k&#299;ngitanga, ka ngaro i ahau te kaha o ng&#257; k&#299;ngitanga o ng&#257; tauiwi; ka hurihia ake e ahau ng&#257; h&#257;riata, me &#333;na kaieke; ka riro iho an&#333; ng&#257; h&#333;iho me &#333; r&#257;tou kaieke, t&#275;nei, t&#275;nei, i te hoari a t&#333;na tuakana.</div><div class="p"> 23&#8220; &#8216;I taua r&#257;,&#8217; e ai t&#257; Ihow&#257; o ng&#257; mano, &#8216;ka mau ahau ki a koe, e t&#257;ku pononga, e Herupapera tama a Haratiera,&#8217; e ai t&#257; Ihow&#257;, &#8216;ka mea i a koe hei h&#299;ri; he mea whiriwhiri hoki koe n&#257;ku,&#8217; e ai t&#257; Ihow&#257; o ng&#257; mano.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

I te whitu o ngā marama, i te rua tekau mā tahi o ngā rā o te marama, ka puta mai te kupu a Ihowā, he mea nā Hākai poropiti, i kī ia: “Tēnā, kōrero ki a Herupapera tama a Haratiera, kāwana o Hūrā, rāua ko te tino tohunga, ko Hohua tama a Iohereke, ki ngā mōrehu anō o te iwi, mea atu: ‘Ko wai te mōrehu i roto i a koutou i kite i tēnei whare i tōna korōria ō mua? E pēhea ana hoki ki tā koutou titiro ināianei? Ehara rānei ki ō koutou nā kanohi he kāhore noa iho? Nā, kia kaha āianei, e Herupapera,’ e ai tā Ihowā; ‘kia kaha, e te tino tohunga, e Hohua tama a Iohereke; kia kaha hoki, e te iwi katoa o te whenua,’ e ai tā Ihowā, ‘e mahi; ko ahau hoki hei hoa mō koutou,’ e ai tā Ihowā o ngā mano. ‘Ka rite ki te kupu i whakaritea e ahau ki a koutou i tō koutou haerenga mai i Īhipa; ā, i tū tōku wairua i roto i a koutou; kaua e wehi.’
“Nō te mea ko te kupu tēnei a Ihowā o ngā mano: ‘Kia kotahi ake anō, he wāhi iti nei, ā, ka whakangāueuetia e ahau te rangi me te whenua, te moana me te wāhi maroke. Ā, ka whakangāueuetia e ahau ngā iwi katoa. Nā, ka haere mai ngā mea āhuareka o ngā iwi katoa; ā, ka whakakīia e ahau tēnei whare ki te korōria,’ e ai tā Ihowā o ngā mano. ‘Nāku te hiriwa, nāku hoki te kōura, e ai tā Ihowā o ngā mano. Tērā te korōria o tēnei whare ō muri nei ka nui atu i tō tērā i mua,’ e ai tā Ihowā o ngā mano; ‘ka hoatu anō e ahau te rongo mau i tēnei wāhi,’ e ai tā Ihowā o ngā mano.”

I te rua tekau mā whā o ngā rā o te iwa o ngā marama, i te rua o ngā tau o Tariuha, ka puta mai te kupu a Ihowā, he mea nā Hākai poropiti, i mea ia: “Ko te kupu tēnei a Ihowā o ngā mano: ‘Tēnā rā uia te ture ki ngā tohunga, mea atu: Ki te maua e tētahi tangata he kikokiko tapu i te pito o tōna kākahu, ā, ka pā taua pito ōna ki tētahi taro, ki tētahi mea rānei e kōhuatia ana, ki te wāina, ki te hinu, ki tētahi kai rānei, e tapu rānei?’ ”
Nā, ka whakahoki ngā tohunga ka mea, “Kāhore.”
Anō rā ko Hākai, “Ki te pā te tangata i poke i te tūpāpaku ki tētahi o ēnei, e poke rānei?”
Nā, ka whakahoki ngā tohunga, ka mea, “E poke anō.”
Nā, ka oho a Hākai, ka mea: “ ‘He pēnā anō ēnei tāngata, he pēnā anō te iwi i tōku aroaro nei, e ai tā Ihowā, he pēnā anō ngā mahi katoa a ō rātou ringa; ko ngā mea katoa e whakaherea ana e rātou ki reira, he poke.
“ ‘Nā, tēnā rā, whakaaroa āianei i tēnei rā, i ērā atu hoki, i te mea kāhore anō i takoto tētahi kōhatu ki runga ki tētahi kōhatu i te temepara o Ihowā; i taua wā puta noa, ki te tae tētahi tangata ki tētahi pūranga e rua tekau nei ōna mēhua, nā, kotahi tonu tekau; ki te haere ki te poka wāina ki te utu mai i ētahi oko e rima tekau, nā, e rua tonu tekau. I patua koutou e ahau, ngā mahi katoa a ō koutou ringa ki te ngingio, ki te koriri, ki te whatu, ā, kīhai koutou i tahuri ki ahau,’ e ai tā Ihowā. ‘Whakaaroa tēnei rā me ērā atu anō, o te rua tekau mā whā o te iwa o ngā marama, o te rā i whakatakotoria ai te tūranga o te temepara o Ihowā, whakaaroa. Kei te whare wīti anō rānei te purapura? Inā, kāhore anō te wāina, te piki, te pamekaranete, te ōriwa, kia hua noa; ka tīmata i tēnei rā tāku manaaki i a koutou.’ ”

I tuaruatia anō te puta mai o te kupu a Ihowā ki a Hākai i te rua tekau mā whā o ngā rā o te marama, i mea ia: “Kōrero ki a Herupapera kāwana o Hūrā, mea atu: Ka whakangāueuetia e ahau te rangi me te whenua, ka hurihia ake anō e ahau te torōna o ngā kīngitanga, ka ngaro i ahau te kaha o ngā kīngitanga o ngā tauiwi; ka hurihia ake e ahau ngā hāriata, me ōna kaieke; ka riro iho anō ngā hōiho me ō rātou kaieke, tēnei, tēnei, i te hoari a tōna tuakana.
“ ‘I taua rā,’ e ai tā Ihowā o ngā mano, ‘ka mau ahau ki a koe, e tāku pononga, e Herupapera tama a Haratiera,’ e ai tā Ihowā, ‘ka mea i a koe hei hīri; he mea whiriwhiri hoki koe nāku,’ e ai tā Ihowā o ngā mano.”

සවන් දෙන්න Hākai 2