<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch46" data-usfm="GEN.46">
 <div class="label">46</div><div class="s">Ka Haere a &#298;haraira, r&#257;tou ko &#332;na Uri Katoa ki &#298;hipa</div><div class="p"> 1N&#257;, ka t&#363;ria e &#298;haraira me &#257;na mea katoa, &#257;, ka tae ki Peerehepa, &#257;, ka patua e ia &#275;tahi patunga tapu m&#257; te Atua o t&#333;na p&#257;p&#257;, o &#298;haka. 2N&#257;, ka k&#333;rero moemoe&#257; te Atua ki a &#298;haraira i te p&#333;, ka mea, &#8220;E H&#257;kopa, e H&#257;kopa.&#8221;</div><div class="p">&#256;, ka mea ia, &#8220;T&#275;nei ahau.&#8221;</div><div class="p"> 3&#256;, ka mea ia, &#8220;Ko te Atua ahau, ko te Atua o t&#333;u p&#257;p&#257;; kaua e wehi ki te haere ki raro, ki &#298;hipa; ka meinga hoki koe e ahau hei iwi nui ki reira. 4Ka haere tahi ahau i a koe ki raro, ki &#298;hipa; m&#257;ku an&#333; koe e whakahoki mai ki runga nei; &#257;, m&#257; te ringa o H&#333;hepa e p&#275;hi &#333;u kanohi.&#8221;</div><div class="p"> 5N&#257;, ka whakatika atu a H&#257;kopa i Peerehepa, &#257;, ka kawea a H&#257;kopa, t&#333; r&#257;tou p&#257;p&#257;, e ng&#257; tama a &#298;haraira, me &#257; r&#257;tou tamariki, me &#257; r&#257;tou w&#257;hine, i runga i ng&#257; k&#257;ta i tukua mai e Parao hei tiki atu i a ia. 6I kawea an&#333; e r&#257;tou &#257; r&#257;tou kararehe, me &#257; r&#257;tou taonga i whiwhi ai ki te whenua o Kanaana, &#257;, haere ana ki &#298;hipa a H&#257;kopa r&#257;tou tahi ko &#333;na uri katoa, 7ko &#257;na tama; ko ng&#257; tama hoki a &#257;na tama, ko &#257;na tam&#257;hine, me ng&#257; tam&#257;hine a &#257;na tama, me &#333;na uri katoa i kawea e ia ki &#298;hipa.</div><div class="b"></div><div class="m"> 8N&#257;, ko ng&#257; ingoa &#275;nei o ng&#257; tama a &#298;haraira, i haere nei ki &#298;hipa, ko H&#257;kopa r&#257;tou ko &#257;na tama.</div><div class="p">Ko Reupena, m&#257;t&#257;mua a H&#257;kopa. 9Ko ng&#257; tama a Reupena: ko Hanoka, ko Paru, ko Heterono, ko Karami. 10Ko ng&#257; tama a Himiona: ko Iemuere, ko Iamini, ko Ohara, ko Iakini, ko Tohara, r&#257;tou ko Hauru, ko te tama a t&#275;tahi wahine Kanaani. 11Ko ng&#257; tama a R&#299;wai: ko Kerehona, ko Kohata, ko Merari. 12Ko ng&#257; tama a H&#363;r&#257;: ko Ere, ko Onana, ko Heraha, ko Parete, ko Tera (ko Ere ia r&#257;ua ko Onana i mate ki te whenua o Kanaana). Ko ng&#257; tama a Parete: ko Heterono r&#257;ua ko H&#257;muru. 13Ko ng&#257; tama a Ih&#257;kara: ko Tora, ko Puwa ko Hopa, ko Himirono. 14Ko ng&#257; tama a Hepurona: ko Herete, ko Erono, ko Iahareere. 15Ko ng&#257; tama &#275;nei a Rea, i wh&#257;nau nei i a r&#257;ua ko H&#257;kopa ki Paran&#257;rama, r&#257;tou ko t&#257;na tam&#257;hine Rina. E toru tekau m&#257; toru ng&#257; wairua katoa o &#257;na tama, o &#257;na tam&#257;hine.</div><div class="b"></div><div class="p"> 16Ko ng&#257; tama a Kara: ko Hipiona, ko Haki, ko Huni, ko Etepono, ko Eri, ko Arori, ko Areri. 17Ko ng&#257; tama a &#256;hera: ko Imina, ko Ihua, ko Ihui, ko Peria, r&#257;tou ko Hera, ko t&#333; r&#257;tou tuahine. Ko ng&#257; tama a Peria: ko H&#275;pere r&#257;ua ko Marakiere. 18Ko ng&#257; tama &#275;nei a Tiripa, a t&#275;r&#257; i h&#333;mai nei e R&#257;pana ki a Rea, ki t&#257;na tam&#257;hine, i wh&#257;nau nei i a r&#257;ua ko H&#257;kopa; kotahi tekau m&#257; ono wairua.</div><div class="b"></div><div class="p"> 19Ko ng&#257; tama a Rahera, wahine a H&#257;kopa: ko H&#333;hepa r&#257;ua ko Pineamine. 20&#256;, wh&#257;nau ake a H&#333;hepa i te whenua o &#298;hipa, ko M&#257;nahi r&#257;ua ko &#274;paraima, he wh&#257;nau &#275;nei n&#257; r&#257;ua ko Ahenata, tam&#257;hine a Potiwhera tohunga o Ono. 21Ko ng&#257; tama a Pineamine: ko Pera, ko Pekere, ko Ahapere, ko Kera, ko Naamana, ko Ehi, ko Roho, ko Mupimi, ko Hupimi, ko Arare. 22Ko ng&#257; tama &#275;nei a Rahera, i wh&#257;nau nei m&#257; H&#257;kopa; ko ng&#257; wairua katoa kotahi tekau m&#257; wh&#257;.</div><div class="b"></div><div class="p"> 23Ko ng&#257; tama a R&#257;na: ko Huhimi. 24Ko ng&#257; tama a Napatari: ko Iahateere, ko Kuni, ko I&#275;tere, ko Hireme. 25Ko ng&#257; tama &#275;nei a Piriha, a t&#275;r&#257; i h&#333;mai nei e R&#257;pana ki t&#257;na tam&#257;hine, ki a Rahera, &#257;, wh&#257;nau ake &#275;nei i a r&#257;ua ko H&#257;kopa; e whitu aua wairua katoa.</div><div class="b"></div><div class="p"> 26Ko ng&#257; wairua katoa i haere tahi nei i a H&#257;kopa ki &#298;hipa, i puta mai nei i roto i t&#333;na hope, e ono tekau m&#257; ono ng&#257; wairua katoa; h&#257;unga ng&#257; w&#257;hine a ng&#257; tama a H&#257;kopa. 27Ko ng&#257; tama a H&#333;hepa, i wh&#257;nau nei m&#257;na ki &#298;hipa, e rua ng&#257; wairua, e whitu tekau ng&#257; wairua katoa o te whare o H&#257;kopa i haere nei ki &#298;hipa.</div><div class="s">&#298;haraira r&#257;ua ko T&#257;na Wh&#257;nau i &#298;hipa</div><div class="p"> 28N&#257;, ka tonoa e ia a H&#363;r&#257; ki mua a ia, ki a H&#333;hepa, hei &#257;rahi i a ia ki Kohena; &#257;, ka tae r&#257;tou ki te whenua o Kohena. 29N&#257;, ka whakanohoia e H&#333;hepa t&#333;na h&#257;riata, &#257;, haere ana ki te whakatau i t&#333;na p&#257;p&#257;, i a &#298;haraira ki Kohena. &#256;, ka tae atu ki t&#333;na aroaro, n&#257;, ka hinga ia ki runga ki t&#333;na kak&#299;, &#257;, he roa t&#257;na tangihanga i runga i t&#333;na kak&#299;.</div><div class="p"> 30N&#257;, ka mea a &#298;haraira ki a H&#333;hepa, &#8220;He pai ki te mate ahau &#257;ianei, n&#333;ku hoki ka kite i t&#333;u mata, n&#333; te mea e ora ana an&#333; koe.&#8221;</div><div class="p"> 31N&#257;, ka mea a H&#333;hepa ki &#333;na tu&#257;kana, ki te whare an&#333; hoki o t&#333;na p&#257;p&#257;, &#8220;Ka haere ahau ki runga, ki te k&#333;rero ki a Parao, ki te mea ki a ia, &#8216;Kua tae mai ki ahau &#333;ku tu&#257;kana, me te whare o t&#333;ku p&#257;p&#257;, i noho r&#257; i te whenua o Kanaana. 32N&#257;, he h&#275;para aua t&#257;ngata, he hunga wh&#257;ngai kararehe r&#257;tou; kua kawea mai an&#333; e r&#257;tou &#257; r&#257;tou k&#257;hui, &#257; r&#257;tou kau, me &#257; r&#257;tou mea katoa.&#8217; 33&#256;, ka karanga a Parao i a koutou, ka mea, &#8216;He aha t&#257; koutou mahi?&#8217; 34Me k&#299; atu e koutou, &#8216;He hunga wh&#257;ngai kararehe &#257;u pononga, o t&#333; m&#257;tou taitamarikitanga ake &#257; mohoa noa nei, m&#257;tou, me &#333; m&#257;tou m&#257;tua&#8217; &#8211; kia noho ai koutou ki te whenua o Kohena; n&#333; te mea hoki he mea whakarihariha ki ng&#257; &#298;hipiana ng&#257; h&#275;para katoa.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Nā, ka tūria e Īharaira me āna mea katoa, ā, ka tae ki Peerehepa, ā, ka patua e ia ētahi patunga tapu mā te Atua o tōna pāpā, o Īhaka. Nā, ka kōrero moemoeā te Atua ki a Īharaira i te pō, ka mea, “E Hākopa, e Hākopa.”
Ā, ka mea ia, “Tēnei ahau.”
Ā, ka mea ia, “Ko te Atua ahau, ko te Atua o tōu pāpā; kaua e wehi ki te haere ki raro, ki Īhipa; ka meinga hoki koe e ahau hei iwi nui ki reira. Ka haere tahi ahau i a koe ki raro, ki Īhipa; māku anō koe e whakahoki mai ki runga nei; ā, mā te ringa o Hōhepa e pēhi ōu kanohi.”
Nā, ka whakatika atu a Hākopa i Peerehepa, ā, ka kawea a Hākopa, tō rātou pāpā, e ngā tama a Īharaira, me ā rātou tamariki, me ā rātou wāhine, i runga i ngā kāta i tukua mai e Parao hei tiki atu i a ia. I kawea anō e rātou ā rātou kararehe, me ā rātou taonga i whiwhi ai ki te whenua o Kanaana, ā, haere ana ki Īhipa a Hākopa rātou tahi ko ōna uri katoa, ko āna tama; ko ngā tama hoki a āna tama, ko āna tamāhine, me ngā tamāhine a āna tama, me ōna uri katoa i kawea e ia ki Īhipa.

Nā, ko ngā ingoa ēnei o ngā tama a Īharaira, i haere nei ki Īhipa, ko Hākopa rātou ko āna tama.
Ko Reupena, mātāmua a Hākopa. Ko ngā tama a Reupena: ko Hanoka, ko Paru, ko Heterono, ko Karami. Ko ngā tama a Himiona: ko Iemuere, ko Iamini, ko Ohara, ko Iakini, ko Tohara, rātou ko Hauru, ko te tama a tētahi wahine Kanaani. Ko ngā tama a Rīwai: ko Kerehona, ko Kohata, ko Merari. Ko ngā tama a Hūrā: ko Ere, ko Onana, ko Heraha, ko Parete, ko Tera (ko Ere ia rāua ko Onana i mate ki te whenua o Kanaana). Ko ngā tama a Parete: ko Heterono rāua ko Hāmuru. Ko ngā tama a Ihākara: ko Tora, ko Puwa ko Hopa, ko Himirono. Ko ngā tama a Hepurona: ko Herete, ko Erono, ko Iahareere. Ko ngā tama ēnei a Rea, i whānau nei i a rāua ko Hākopa ki Paranārama, rātou ko tāna tamāhine Rina. E toru tekau mā toru ngā wairua katoa o āna tama, o āna tamāhine.

Ko ngā tama a Kara: ko Hipiona, ko Haki, ko Huni, ko Etepono, ko Eri, ko Arori, ko Areri. Ko ngā tama a Āhera: ko Imina, ko Ihua, ko Ihui, ko Peria, rātou ko Hera, ko tō rātou tuahine. Ko ngā tama a Peria: ko Hēpere rāua ko Marakiere. Ko ngā tama ēnei a Tiripa, a tērā i hōmai nei e Rāpana ki a Rea, ki tāna tamāhine, i whānau nei i a rāua ko Hākopa; kotahi tekau mā ono wairua.

Ko ngā tama a Rahera, wahine a Hākopa: ko Hōhepa rāua ko Pineamine. Ā, whānau ake a Hōhepa i te whenua o Īhipa, ko Mānahi rāua ko Ēparaima, he whānau ēnei nā rāua ko Ahenata, tamāhine a Potiwhera tohunga o Ono. Ko ngā tama a Pineamine: ko Pera, ko Pekere, ko Ahapere, ko Kera, ko Naamana, ko Ehi, ko Roho, ko Mupimi, ko Hupimi, ko Arare. Ko ngā tama ēnei a Rahera, i whānau nei mā Hākopa; ko ngā wairua katoa kotahi tekau mā whā.

Ko ngā tama a Rāna: ko Huhimi. Ko ngā tama a Napatari: ko Iahateere, ko Kuni, ko Iētere, ko Hireme. Ko ngā tama ēnei a Piriha, a tērā i hōmai nei e Rāpana ki tāna tamāhine, ki a Rahera, ā, whānau ake ēnei i a rāua ko Hākopa; e whitu aua wairua katoa.

Ko ngā wairua katoa i haere tahi nei i a Hākopa ki Īhipa, i puta mai nei i roto i tōna hope, e ono tekau mā ono ngā wairua katoa; hāunga ngā wāhine a ngā tama a Hākopa. Ko ngā tama a Hōhepa, i whānau nei māna ki Īhipa, e rua ngā wairua, e whitu tekau ngā wairua katoa o te whare o Hākopa i haere nei ki Īhipa.

Nā, ka tonoa e ia a Hūrā ki mua a ia, ki a Hōhepa, hei ārahi i a ia ki Kohena; ā, ka tae rātou ki te whenua o Kohena. Nā, ka whakanohoia e Hōhepa tōna hāriata, ā, haere ana ki te whakatau i tōna pāpā, i a Īharaira ki Kohena. Ā, ka tae atu ki tōna aroaro, nā, ka hinga ia ki runga ki tōna kakī, ā, he roa tāna tangihanga i runga i tōna kakī.
Nā, ka mea a Īharaira ki a Hōhepa, “He pai ki te mate ahau āianei, nōku hoki ka kite i tōu mata, nō te mea e ora ana anō koe.”
Nā, ka mea a Hōhepa ki ōna tuākana, ki te whare anō hoki o tōna pāpā, “Ka haere ahau ki runga, ki te kōrero ki a Parao, ki te mea ki a ia, ‘Kua tae mai ki ahau ōku tuākana, me te whare o tōku pāpā, i noho rā i te whenua o Kanaana. Nā, he hēpara aua tāngata, he hunga whāngai kararehe rātou; kua kawea mai anō e rātou ā rātou kāhui, ā rātou kau, me ā rātou mea katoa.’ Ā, ka karanga a Parao i a koutou, ka mea, ‘He aha tā koutou mahi?’ Me kī atu e koutou, ‘He hunga whāngai kararehe āu pononga, o tō mātou taitamarikitanga ake ā mohoa noa nei, mātou, me ō mātou mātua’ – kia noho ai koutou ki te whenua o Kohena; nō te mea hoki he mea whakarihariha ki ngā Īhipiana ngā hēpara katoa.”

සවන් දෙන්න Kenehi 46