<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch43" data-usfm="GEN.43">
 <div class="label">43</div><div class="s">Te Hokinga o ng&#257; Tu&#257;kana o H&#333;hepa me Pineamine ki &#298;hipa</div><div class="p"> 1&#256;, he tino nui te matekai o te whenua. 2&#256;, ka pau te w&#299;ti i maua mai e r&#257;tou i &#298;hipa, n&#257;, ka mea t&#333; r&#257;tou p&#257;p&#257; ki a r&#257;tou, &#8220;Hoki atu ki te hoko i t&#275;tahi w&#257;hi kai m&#257; t&#257;tou.&#8221;</div><div class="p"> 3&#256;, ka k&#333;rero a H&#363;r&#257; ki a ia, ka mea, &#8220;I tino whakat&#363;pato taua tangata i a m&#257;tou, i mea, &#8216;E kore koutou e kite i t&#333;ku mata ki te k&#257;hore t&#333; koutou teina i a koutou.&#8217; 4Ki te tukua e koe t&#333; m&#257;tou teina hei hoa m&#333; m&#257;tou, ka haere m&#257;tou ki raro ki te hoko kai m&#257;u. 5Ki te k&#257;hore ia e tukua e koe, e kore m&#257;tou e haere ki raro. N&#333; te mea i k&#299; mai taua tangata ki a m&#257;tou, &#8216;E kore koutou e kite i t&#333;ku mata ki te k&#257;hore t&#333; koutou teina i a koutou.&#8217; &#8221;</div><div class="p"> 6N&#257;, ka mea a &#298;haraira, &#8220;He aha koutou i ng&#257;rahu kino ai ki ahau, i whakaatu ai ki taua tangata he teina an&#333; t&#333; koutou?&#8221;</div><div class="p"> 7&#256;, ka mea r&#257;tou, &#8220;I tino ui taua tangata ki &#333; m&#257;tou &#257;hua, ki &#333; m&#257;tou whanaunga hoki, i mea mai, &#8216;E ora ana an&#333; r&#257;nei t&#333; koutou p&#257;p&#257;? T&#275;n&#257; an&#333; r&#257;nei t&#275;tahi atu teina o koutou?&#8217; &#256;, rite tonu ki &#275;nei kupu t&#257; m&#257;tou i k&#333;rero ai ki a ia; t&#275;r&#257; r&#257;nei m&#257;tou e &#257;ta m&#333;hio ka k&#299; mai ia, &#8216;Kawea mai t&#333; koutou teina ki raro nei&#8217;?&#8221;</div><div class="p"> 8N&#257;, ka mea a H&#363;r&#257; ki t&#333;na p&#257;p&#257;, ki a &#298;haraira, &#8220;Tukua te tamaiti ki ahau, &#257;, ka whakatika m&#257;tou, ka haere; kia ora ai t&#257;tou, kei mate tahi hoki m&#257;tou me koe, me &#257; m&#257;tou p&#333;tiki. 9Ko ahau hei utu m&#333;na; me rapu ia e koe i t&#333;ku ringa. Ki te k&#257;hore ahau e kawe mai i a ia ki a koe, e whakat&#363; hoki i a ia ki t&#333;u aroaro, n&#257;, hei whakah&#275;nga ahau m&#257;u i ng&#257; r&#257; katoa. 10Me i k&#257;hore hoki m&#257;tou i roa nei, kua rua &#275;nei hokinga mai o m&#257;tou in&#257;ianei.&#8221;</div><div class="p"> 11K&#257;tahi ka mea a &#298;haraira, t&#333; r&#257;tou p&#257;p&#257; ki a r&#257;tou, &#8220;Ki te mea r&#257; he p&#275;nei te hanga, ko t&#275;nei t&#257; koutou e mea ai: maua atu &#275;tahi o ng&#257; hua papai o te whenua i roto i &#257; koutou oko, kawea atu hoki he h&#257;kari ki raro, ki taua tangata &#8211; t&#275;tahi w&#257;hi pama, me t&#275;tahi w&#257;hi honi, &#275;tahi paihe, me &#275;tahi maira, &#275;tahi nati, me &#275;tahi aramona. 12Kia takirua hoki ng&#257; hiriwa e maua atu i roto i &#333; koutou ringa; ko te moni hoki i whakahokia mai i te waha o &#257; koutou p&#275;ke, me whakahoki atu an&#333; t&#275;n&#257; i roto i &#333; koutou ringa; he p&#333;h&#275;h&#275; noa pea t&#275;n&#257;. 13Kawea atu an&#333; hoki t&#333; koutou teina, &#257;, whakatika, hoki atu an&#333; ki taua tangata. 14&#256;, m&#257; te Atua Kaha Rawa e tuku mai ki a koutou kia arohaina mai e taua tangata, kia tonoa mai an&#333; e ia t&#275;r&#257; tuakana o koutou, r&#257;ua ko Pineamine. Ko ahau hoki, ki te whakapania ahau, ka whakapania ahau.&#8221;</div><div class="p"> 15N&#257;, ka mau aua t&#257;ngata ki taua h&#257;kari, e rua hoki ng&#257; moni i maua atu e r&#257;tou i roto i &#333; r&#257;tou ringa, me Pineamine hoki; &#257;, whakatika ana r&#257;tou, haere ana ki raro, ki &#298;hipa, &#257;, ka t&#363; ki te aroaro o H&#333;hepa. 16&#256;, ka kitea a Pineamine e H&#333;hepa i roto i a r&#257;tou, n&#257;, ka mea ia ki te kaitohutohu o t&#333;na whare, &#8220;Kawea &#275;n&#257; t&#257;ngata ki te whare, patua he kai, tak&#257; hoki; ka kai tahi hoki m&#257;tou ko &#275;n&#257; t&#257;ngata ina t&#363; te r&#257;.&#8221;</div><div class="p"> 17N&#257;, ka meatia e taua tangata t&#257; H&#333;hepa i k&#299; ai; &#257;, ka kawea aua t&#257;ngata e taua tangata ki te whare o H&#333;hepa. 18N&#257;, ka wehi aua t&#257;ngata, m&#333; r&#257;tou i kawea ki te whare o H&#333;hepa; &#257;, ka mea r&#257;tou, &#8220;M&#333; te moni i whakahokia i roto i &#257; t&#257;tou p&#275;ke i te haerenga tuatahi i kawea mai ai t&#257;tou; kia whai take mai ai ia ki a t&#257;tou, m&#333; t&#257;na rere mai ki a t&#257;tou ki te tango i a t&#257;tou hei pononga, me &#257; t&#257;tou k&#257;ihe hoki.&#8221;</div><div class="p"> 19N&#257;, ka whakatata r&#257;tou ki te kaitohutohu o te whare o H&#333;hepa, ka k&#333;rero ki a ia i te k&#363;waha o te whare, 20ka mea, &#8220;E te ariki, i haere mai an&#333; m&#257;tou i mua ki te hoko kai. 21&#256;, n&#333; t&#333; m&#257;tou taenga ki te whare tira, i t&#257; m&#257;tou whakatuwheratanga i &#257; m&#257;tou p&#275;ke, n&#257;, ko te moni a t&#275;nei, a t&#275;nei, i te waha o t&#257;na p&#275;ke, t&#257; m&#257;tou moni, rite tonu te taimaha; &#257;, kua whakahokia mai taua mea e m&#257;tou i roto i &#333; m&#257;tou ringa. 22Kua kawea mai an&#333; e m&#257;tou i roto i &#333; m&#257;tou ringa t&#275;tahi atu moni hei hoko kai. K&#257;hore m&#257;tou e m&#333;hio n&#257; wai r&#257;nei i maka &#257; m&#257;tou moni ki &#257; m&#257;tou p&#275;ke.&#8221;</div><div class="p"> 23&#256;, ka mea ia, &#8220;Kia tau te rangim&#257;rie ki a koutou, kaua e wehi. N&#257; t&#333; koutou Atua, n&#257; te Atua hoki o t&#333; koutou p&#257;p&#257; i h&#333;mai he taonga ki a koutou ki roto ki &#257; koutou p&#275;ke. I tae mai an&#333; t&#257; koutou moni ki ahau.&#8221; &#256;, ka kawea e ia a Himiona ki a r&#257;tou.</div><div class="p"> 24N&#257;, ka kawe taua tangata i aua t&#257;ngata ki te whare o H&#333;hepa, ka hoatu e ia he wai hei horoi m&#333; &#333; r&#257;tou waewae; i hoatu an&#333; e ia he kai m&#257; &#257; r&#257;tou k&#257;ihe. 25N&#257;, ka tak&#257; e r&#257;tou te h&#257;kari m&#333; te taenga mai o H&#333;hepa i te awatea; i rongo hoki r&#257;tou me kai taro r&#257;tou ki reira. 26&#256;, i te taenga mai o H&#333;hepa ki te whare, ka kawea e r&#257;tou ki a ia te h&#257;kari a &#333; r&#257;tou ringa ki te whare, &#257;, ka piko ki a ia ki te whenua. 27N&#257;, ka ui ia ki a r&#257;tou ki te pai, ka mea, &#8220;Kei te pai r&#257;nei t&#333; koutou p&#257;p&#257;, te koroheke i k&#333;rerotia mai r&#257; e koutou? E ora ana an&#333; r&#257;nei ia?&#8221;</div><div class="p"> 28&#256;, ka mea r&#257;tou ki a ia, &#8220;Kei te pai t&#257;u pononga, t&#333; m&#257;tou p&#257;p&#257;, e ora ana an&#333; ia.&#8221; N&#257;, ka tuohu r&#257;tou, ka piko iho.</div><div class="p"> 29Ka maranga t&#333;na kanohi, ka kite ia i a Pineamine, i t&#333;na teina, i te tama a t&#333;na whaea, &#257;, ka mea, &#8220;Ko t&#333; koutou teina t&#275;nei, ko te whakaotinga i k&#333;rerotia r&#257; e koutou ki ahau?&#8221; I mea an&#333; ia, &#8220;Kia aroha te Atua ki a koe, e t&#257;ku tama.&#8221; 30N&#257;, ka hohoro a H&#333;hepa; he tokonga ake hoki n&#333; t&#333;na ng&#257;kau aroha ki t&#333;na teina; &#257;, ka rapua e ia t&#275;tahi w&#257;hi hei tangihanga. &#256;, haere ana ia ki te r&#363;ma i roto, ki reira tangi ai.</div><div class="p"> 31N&#257;, ka horoia e ia t&#333;na mata, ka puta ki waho, ka whakamanawanui, ka mea, &#8220;Whakatakotoria he taro.&#8221;</div><div class="p"> 32N&#257;, ka whakatakotoria e r&#257;tou, m&#257;na ki a ia anake, m&#257; r&#257;tou ki a r&#257;tou anake, m&#257; ng&#257; &#298;hipiana, i kai tahi me ia, ki a r&#257;tou anake. E kore hoki e &#257;hei i ng&#257; &#298;hipiana te kai taro tahi me ng&#257; Hiperu; he mea whakarihariha hoki t&#275;n&#257; ki ng&#257; &#298;hipiana. 33N&#257;, ka noho r&#257;tou ki t&#333;na aroaro, t&#333; mua rite tonu an&#333; ki t&#333;na muanga, t&#333; muri rite tonu an&#333; ki t&#333;na muringa; &#257;, m&#299;haro ana aua t&#257;ngata t&#275;tahi ki t&#275;tahi. 34N&#257;, ka tuwhaina atu e ia &#275;tahi o ng&#257; w&#257;hi i t&#333;na aroaro m&#257; r&#257;tou. He nui rawa ia te w&#257;hi i a Pineamine; me i takirimatia te w&#257;hi a t&#275;tahi o r&#257;tou kua rite ki t&#257;na. N&#257;, ka inu r&#257;tou, ka koa tahi me ia.</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Ā, he tino nui te matekai o te whenua. Ā, ka pau te wīti i maua mai e rātou i Īhipa, nā, ka mea tō rātou pāpā ki a rātou, “Hoki atu ki te hoko i tētahi wāhi kai mā tātou.”
Ā, ka kōrero a Hūrā ki a ia, ka mea, “I tino whakatūpato taua tangata i a mātou, i mea, ‘E kore koutou e kite i tōku mata ki te kāhore tō koutou teina i a koutou.’ Ki te tukua e koe tō mātou teina hei hoa mō mātou, ka haere mātou ki raro ki te hoko kai māu. Ki te kāhore ia e tukua e koe, e kore mātou e haere ki raro. Nō te mea i kī mai taua tangata ki a mātou, ‘E kore koutou e kite i tōku mata ki te kāhore tō koutou teina i a koutou.’ ”
Nā, ka mea a Īharaira, “He aha koutou i ngārahu kino ai ki ahau, i whakaatu ai ki taua tangata he teina anō tō koutou?”
Ā, ka mea rātou, “I tino ui taua tangata ki ō mātou āhua, ki ō mātou whanaunga hoki, i mea mai, ‘E ora ana anō rānei tō koutou pāpā? Tēnā anō rānei tētahi atu teina o koutou?’ Ā, rite tonu ki ēnei kupu tā mātou i kōrero ai ki a ia; tērā rānei mātou e āta mōhio ka kī mai ia, ‘Kawea mai tō koutou teina ki raro nei’?”
Nā, ka mea a Hūrā ki tōna pāpā, ki a Īharaira, “Tukua te tamaiti ki ahau, ā, ka whakatika mātou, ka haere; kia ora ai tātou, kei mate tahi hoki mātou me koe, me ā mātou pōtiki. Ko ahau hei utu mōna; me rapu ia e koe i tōku ringa. Ki te kāhore ahau e kawe mai i a ia ki a koe, e whakatū hoki i a ia ki tōu aroaro, nā, hei whakahēnga ahau māu i ngā rā katoa. Me i kāhore hoki mātou i roa nei, kua rua ēnei hokinga mai o mātou ināianei.”
Kātahi ka mea a Īharaira, tō rātou pāpā ki a rātou, “Ki te mea rā he pēnei te hanga, ko tēnei tā koutou e mea ai: maua atu ētahi o ngā hua papai o te whenua i roto i ā koutou oko, kawea atu hoki he hākari ki raro, ki taua tangata – tētahi wāhi pama, me tētahi wāhi honi, ētahi paihe, me ētahi maira, ētahi nati, me ētahi aramona. Kia takirua hoki ngā hiriwa e maua atu i roto i ō koutou ringa; ko te moni hoki i whakahokia mai i te waha o ā koutou pēke, me whakahoki atu anō tēnā i roto i ō koutou ringa; he pōhēhē noa pea tēnā. Kawea atu anō hoki tō koutou teina, ā, whakatika, hoki atu anō ki taua tangata. Ā, mā te Atua Kaha Rawa e tuku mai ki a koutou kia arohaina mai e taua tangata, kia tonoa mai anō e ia tērā tuakana o koutou, rāua ko Pineamine. Ko ahau hoki, ki te whakapania ahau, ka whakapania ahau.”
Nā, ka mau aua tāngata ki taua hākari, e rua hoki ngā moni i maua atu e rātou i roto i ō rātou ringa, me Pineamine hoki; ā, whakatika ana rātou, haere ana ki raro, ki Īhipa, ā, ka tū ki te aroaro o Hōhepa. Ā, ka kitea a Pineamine e Hōhepa i roto i a rātou, nā, ka mea ia ki te kaitohutohu o tōna whare, “Kawea ēnā tāngata ki te whare, patua he kai, takā hoki; ka kai tahi hoki mātou ko ēnā tāngata ina tū te rā.”
Nā, ka meatia e taua tangata tā Hōhepa i kī ai; ā, ka kawea aua tāngata e taua tangata ki te whare o Hōhepa. Nā, ka wehi aua tāngata, mō rātou i kawea ki te whare o Hōhepa; ā, ka mea rātou, “Mō te moni i whakahokia i roto i ā tātou pēke i te haerenga tuatahi i kawea mai ai tātou; kia whai take mai ai ia ki a tātou, mō tāna rere mai ki a tātou ki te tango i a tātou hei pononga, me ā tātou kāihe hoki.”
Nā, ka whakatata rātou ki te kaitohutohu o te whare o Hōhepa, ka kōrero ki a ia i te kūwaha o te whare, ka mea, “E te ariki, i haere mai anō mātou i mua ki te hoko kai. Ā, nō tō mātou taenga ki te whare tira, i tā mātou whakatuwheratanga i ā mātou pēke, nā, ko te moni a tēnei, a tēnei, i te waha o tāna pēke, tā mātou moni, rite tonu te taimaha; ā, kua whakahokia mai taua mea e mātou i roto i ō mātou ringa. Kua kawea mai anō e mātou i roto i ō mātou ringa tētahi atu moni hei hoko kai. Kāhore mātou e mōhio nā wai rānei i maka ā mātou moni ki ā mātou pēke.”
Ā, ka mea ia, “Kia tau te rangimārie ki a koutou, kaua e wehi. Nā tō koutou Atua, nā te Atua hoki o tō koutou pāpā i hōmai he taonga ki a koutou ki roto ki ā koutou pēke. I tae mai anō tā koutou moni ki ahau.” Ā, ka kawea e ia a Himiona ki a rātou.
Nā, ka kawe taua tangata i aua tāngata ki te whare o Hōhepa, ka hoatu e ia he wai hei horoi mō ō rātou waewae; i hoatu anō e ia he kai mā ā rātou kāihe. Nā, ka takā e rātou te hākari mō te taenga mai o Hōhepa i te awatea; i rongo hoki rātou me kai taro rātou ki reira. Ā, i te taenga mai o Hōhepa ki te whare, ka kawea e rātou ki a ia te hākari a ō rātou ringa ki te whare, ā, ka piko ki a ia ki te whenua. Nā, ka ui ia ki a rātou ki te pai, ka mea, “Kei te pai rānei tō koutou pāpā, te koroheke i kōrerotia mai rā e koutou? E ora ana anō rānei ia?”
Ā, ka mea rātou ki a ia, “Kei te pai tāu pononga, tō mātou pāpā, e ora ana anō ia.” Nā, ka tuohu rātou, ka piko iho.
Ka maranga tōna kanohi, ka kite ia i a Pineamine, i tōna teina, i te tama a tōna whaea, ā, ka mea, “Ko tō koutou teina tēnei, ko te whakaotinga i kōrerotia rā e koutou ki ahau?” I mea anō ia, “Kia aroha te Atua ki a koe, e tāku tama.” Nā, ka hohoro a Hōhepa; he tokonga ake hoki nō tōna ngākau aroha ki tōna teina; ā, ka rapua e ia tētahi wāhi hei tangihanga. Ā, haere ana ia ki te rūma i roto, ki reira tangi ai.
Nā, ka horoia e ia tōna mata, ka puta ki waho, ka whakamanawanui, ka mea, “Whakatakotoria he taro.”
Nā, ka whakatakotoria e rātou, māna ki a ia anake, mā rātou ki a rātou anake, mā ngā Īhipiana, i kai tahi me ia, ki a rātou anake. E kore hoki e āhei i ngā Īhipiana te kai taro tahi me ngā Hiperu; he mea whakarihariha hoki tēnā ki ngā Īhipiana. Nā, ka noho rātou ki tōna aroaro, tō mua rite tonu anō ki tōna muanga, tō muri rite tonu anō ki tōna muringa; ā, mīharo ana aua tāngata tētahi ki tētahi. Nā, ka tuwhaina atu e ia ētahi o ngā wāhi i tōna aroaro mā rātou. He nui rawa ia te wāhi i a Pineamine; me i takirimatia te wāhi a tētahi o rātou kua rite ki tāna. Nā, ka inu rātou, ka koa tahi me ia.

සවන් දෙන්න Kenehi 43