<div class="version vid3363 iso6393mri" data-vid="3363" data-iso6393="mri">
 <div class="book bkGEN">
 <div class="chapter ch37" data-usfm="GEN.37">
 <div class="label">37</div><div class="s">Ng&#257; Moemoe&#257; o H&#333;hepa</div><div class="p"> 1&#256;, i noho a H&#257;kopa i te whenua i noho manene ai t&#333;na p&#257;p&#257;, i te whenua o Kanaana.</div><div class="p"> 2Ko ng&#257; whakatupuranga &#275;nei o H&#257;kopa.</div><div class="p">Kotahi tekau m&#257; whitu ng&#257; tau o H&#333;hepa, &#257;, i te wh&#257;ngai hipi ia, r&#257;tou ko &#333;na tu&#257;kana; he taitama hoki ia i te taha o ng&#257; tama a Piriha, o ng&#257; tama a Tiripa, a ng&#257; w&#257;hine a t&#333;na p&#257;p&#257;; &#257;, ka kawea e H&#333;hepa te k&#333;rero kino m&#333; r&#257;tou ki t&#333; r&#257;tou p&#257;p&#257;.</div><div class="p"> 3N&#257;, i arohaina nuitia a H&#333;hepa e &#298;haraira i &#257;na tama katoa, n&#333; te mea ko te tama ia o t&#333;na koroheketanga; &#257;, ka hang&#257; e ia t&#275;tahi koti purepure m&#333;na. 4&#256;, ka kite &#333;na tu&#257;kana e arohatia nuitia ana ia e t&#333; r&#257;tou p&#257;p&#257; i &#333;na tu&#257;kana katoa, n&#257;, ka kino r&#257;tou ki a ia, k&#299;hai an&#333; hoki i &#257;hei te &#257;ta k&#333;rero ki a ia.</div><div class="p"> 5N&#257;, ka moe a H&#333;hepa i t&#275;tahi moe, &#257;, ka k&#333;rerotia e ia ki &#333;na tu&#257;kana; ka nui haere an&#333; t&#333; r&#257;tou kino ki a ia. 6&#256;, i mea ia ki a r&#257;tou, &#8220;T&#275;n&#257;, whakarongo ki t&#275;nei moe i moe nei ahau. 7Nan&#257;, i te paihere w&#299;ti t&#257;tou i waenga m&#257;ra, n&#257;, ka whakatika ake t&#257;ku paihere, &#257;, ka t&#363;. Ko te tino karapotinga mai o &#257; koutou paihere, kei te piko iho ki t&#257;ku paihere.&#8221;</div><div class="p"> 8N&#257;, ka mea &#333;na tu&#257;kana ki a ia, &#8220;Koia r&#257;nei ko koe hei k&#299;ngi m&#333; m&#257;tou? Hei rangatira an&#333; r&#257;nei koe m&#333; m&#257;tou?&#8221; N&#257;, ka nui haere an&#333; t&#333; r&#257;tou kino ki a ia m&#333; &#257;na moe, m&#333; &#257;na kupu.</div><div class="p"> 9&#256;, i moe an&#333; ia i t&#275;tahi atu moe, &#257;, ka k&#333;rerotia e ia ki &#333;na tu&#257;kana, ka mea ia, &#8220;Nan&#257;, t&#275;nei an&#333; hoki t&#275;tahi moe i moe ai ahau; n&#257;, ko te r&#257; me te marama, me ng&#257; whet&#363; kotahi tekau m&#257; tahi, e piko mai ana ki ahau.&#8221;</div><div class="p"> 10&#256;, ka k&#333;rerotia e ia ki t&#333;na p&#257;p&#257; r&#257;tou ko &#333;na tu&#257;kana; n&#257;, ka whakat&#363;pehupehu t&#333;na p&#257;p&#257; ki a ia, ka mea ki a ia, &#8220;He aha t&#275;nei moe i moe nei koe? T&#275;r&#257; r&#257;nei m&#257;tou, ko t&#333;u whaea, ko &#333;u tu&#257;kana, e haere mai ki te piko ki a koe, ki te whenua?&#8221; 11N&#257;, ka hae &#333;na tu&#257;kana ki a ia; ko t&#333;na p&#257;p&#257; ia i mahara ki te kupu.</div><div class="s">Ka Hokona, &#257;, ka Haria a H&#333;hepa ki &#298;hipa</div><div class="p"> 12N&#257;, ka haere &#333;na tu&#257;kana ki te wh&#257;ngai i ng&#257; hipi a t&#333; r&#257;tou p&#257;p&#257; i Hekeme. 13&#256;, ka mea a &#298;haraira ki a H&#333;hepa, &#8220;K&#257;hore ianei &#333;u tu&#257;kana i te wh&#257;ngai hipi i Hekeme? Haere mai, me tono koe e ahau ki a r&#257;tou.&#8221;</div><div class="p">Ka mea ia, &#8220;T&#275;nei ahau.&#8221;</div><div class="p"> 14N&#257;, ka mea ia ki a ia, &#8220;T&#275;n&#257;, haere, tirohia, kei te ora r&#257;nei &#333;u tu&#257;kana, kei te ora an&#333; r&#257;nei ng&#257; hipi; ka whakahoki mai ai i te k&#333;rero ki ahau.&#8221; N&#257;, ka tonoa atu ia e ia i te raorao o Heperona.</div><div class="p">&#256;, ka haere ia ki Hekeme, 15&#257;, ka t&#363;taki t&#275;tahi tangata ki a ia, e p&#333;h&#275;h&#275; ana hoki ia i te p&#257;rae, &#257;, ka ui taua tangata ki a ia, &#8220;He aha t&#257;u e rapu n&#257;?&#8221;</div><div class="p"> 16N&#257;, ka mea ia, &#8220;E rapu ana ahau i &#333;ku tu&#257;kana. T&#275;n&#257; koa, whakaaturia mai ki ahau, kei hea r&#257;tou e wh&#257;ngai ana i te k&#257;hui.&#8221;</div><div class="p"> 17Ka mea taua tangata, &#8220;Kua riro atu r&#257;tou i konei; i rongo hoki ahau i a r&#257;tou e k&#299; ana, &#8216;Kia haere t&#257;tou ki R&#333;tana.&#8217; &#8221;</div><div class="p">N&#257;, ka haere a H&#333;hepa ki te whai i &#333;na tu&#257;kana, &#257;, ka kitea r&#257;tou e ia ki R&#333;tana. 18N&#257;, ka kite mai r&#257;tou i a ia tawhiti, &#257;, i te mea k&#257;hore an&#333; ia i tata noa ki a r&#257;tou, ka whakatakoto whakaaro r&#257;tou m&#333;na kia whakamatea.</div><div class="p"> 19&#256;, ka mea r&#257;tou t&#275;tahi ki t&#275;tahi, &#8220;Nan&#257;, ko te moemoe&#257; t&#275;nei te haere mai nei. 20T&#275;n&#257;, t&#257;tou ka haere, ka patu i a ia, ka maka hoki i a ia ki t&#275;tahi o ng&#257; poka, &#257;, ka mea t&#257;tou. N&#257; t&#275;tahi mohoao nanakia ia i kai; &#257;, ka kite t&#257;tou i te tukunga iho o &#257;na moe.&#8221;</div><div class="p"> 21N&#257;, i rongo a Reupena, &#257;, ka whakaorangia ia e ia i roto i &#333; r&#257;tou ringa; ka mea ia, &#8220;Kaua ia e patua e t&#257;tou.&#8221; 22Ka mea an&#333; a Reupena ki a r&#257;tou, &#8220;Kaua e whakahekea he toto; mak&#257; atu ia ki roto ki t&#275;nei poka i te koraha nei, kaua hoki t&#275;tahi ringa e p&#257; ki a ia.&#8221; He mea hoki kia whakaora ai ia i a ia i roto i &#333; r&#257;tou ringa, kia whakahoki ai ia i a ia ki t&#333;na p&#257;p&#257;.</div><div class="p"> 23&#256;, i te taenga o H&#333;hepa ki &#333;na tu&#257;kana, ka huia e r&#257;tou te koti o H&#333;hepa, te koti purepure e mau ana i a ia; 24&#257;, mauria ana ia, mak&#257; ana e r&#257;tou ki te poka. He tuwhera kau an&#333; te poka, k&#257;hore he wai o roto.</div><div class="p"> 25N&#257;, ka noho r&#257;tou ki te kai taro, &#257;, ka anga ake &#333; r&#257;tou kanohi, n&#257;, ko t&#275;tahi tira Ihimaeri e haere mai ana i Kireara me &#257; r&#257;tou k&#257;mera, he waha i ng&#257; mea kakara, i te pama, i te maira, e haere ana ki te kawe ki raro, ki &#298;hipa.</div><div class="p"> 26N&#257;, ka mea a H&#363;r&#257; ki &#333;na tu&#257;kana r&#257;tou ko &#333;na t&#275;ina, &#8220;He aha te pai o t&#257; t&#257;tou patu i t&#333; t&#257;tou teina, o te huna hoki i &#333;na toto? 27T&#257;tou ka haere, ka hoko i a ia ki ng&#257; Ihimaeri, &#257;, kaua &#333; t&#257;tou ringa e p&#257; ki a ia; ko t&#333; t&#257;tou teina nei hoki ia, ko t&#333; t&#257;tou kikokiko.&#8221; &#256;, i whakaae &#333;na tu&#257;kana r&#257;tou ko &#333;na t&#275;ina.</div><div class="p"> 28N&#257;, ka haere mai ng&#257; Miriani, he hunga hokohoko; ka h&#363;tia ake e r&#257;tou a H&#333;hepa i roto i te poka, &#257;, ka hokona atu a H&#333;hepa e r&#257;tou ki ng&#257; Ihimaeri, ki ng&#257; hiriwa e rua tekau; &#257;, ka kawea a H&#333;hepa e r&#257;tou ki &#298;hipa.</div><div class="p"> 29&#256;, ka hoki mai a Reupena ki te poka; n&#257;, k&#257;hore a H&#333;hepa i roto i te poka; &#257;, ka haea e ia &#333;na k&#257;kahu. 30N&#257;, ka hoki ia ki &#333;na t&#275;ina, ka mea, &#8220;K&#257;hore nei te tamaiti; &#257;, ko ahau, me haere ahau ki hea?&#8221;</div><div class="p"> 31N&#257;, ka tango r&#257;tou i te koti o H&#333;hepa, &#257;, ka patua he koati toa, ka tukua hoki te koti ki te toto. 32N&#257;, ka hoatu te koti purepure kia kawea ki t&#333; r&#257;tou p&#257;p&#257;; ka mea r&#257;tou, &#8220;I kitea t&#275;nei e m&#257;tou; t&#275;n&#257;, tirohia ko te koti r&#257;nei o t&#257;u tama, ehara r&#257;nei?&#8221;</div><div class="p"> 33&#256;, ka m&#333;hiotia e ia, &#257;, ka mea ia, &#8220;Ko te koti t&#275;nei o t&#257;ku tama; kua kainga ia e te k&#299;rehe nanakia; kua tino haea rawatia a H&#333;hepa.&#8221;</div><div class="p"> 34N&#257;, ka haea e H&#257;kopa &#333;na k&#257;kahu, ka k&#257;kahuria e ia t&#333;na hope ki te k&#257;kahu taratara, &#257;, he maha ng&#257; r&#257; i uhungatia ai e ia t&#257;na tama. 35Ka whakatika hoki &#257;na tama katoa me &#257;na tam&#257;hine katoa ki te whakam&#257;rie i a ia; &#257;, k&#299;hai ia i pai kia whakam&#257;rietia; ka mea ia, &#8220;Engari ka heke tangi atu ahau ki t&#257;ku tama ki te p&#333;.&#8221; N&#257;, ka uhungatia ia e t&#333;na p&#257;p&#257;.</div><div class="p"> 36N&#257;, ka hokona atu ia e ng&#257; Miriani ki &#298;hipa ki a Potiwhara, ki t&#275;tahi o ng&#257; t&#257;ngata nui a Parao, ki te rangatira o ng&#257; kaitiaki.</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Ā, i noho a Hākopa i te whenua i noho manene ai tōna pāpā, i te whenua o Kanaana.
Ko ngā whakatupuranga ēnei o Hākopa.
Kotahi tekau mā whitu ngā tau o Hōhepa, ā, i te whāngai hipi ia, rātou ko ōna tuākana; he taitama hoki ia i te taha o ngā tama a Piriha, o ngā tama a Tiripa, a ngā wāhine a tōna pāpā; ā, ka kawea e Hōhepa te kōrero kino mō rātou ki tō rātou pāpā.
Nā, i arohaina nuitia a Hōhepa e Īharaira i āna tama katoa, nō te mea ko te tama ia o tōna koroheketanga; ā, ka hangā e ia tētahi koti purepure mōna. Ā, ka kite ōna tuākana e arohatia nuitia ana ia e tō rātou pāpā i ōna tuākana katoa, nā, ka kino rātou ki a ia, kīhai anō hoki i āhei te āta kōrero ki a ia.
Nā, ka moe a Hōhepa i tētahi moe, ā, ka kōrerotia e ia ki ōna tuākana; ka nui haere anō tō rātou kino ki a ia. Ā, i mea ia ki a rātou, “Tēnā, whakarongo ki tēnei moe i moe nei ahau. Nanā, i te paihere wīti tātou i waenga māra, nā, ka whakatika ake tāku paihere, ā, ka tū. Ko te tino karapotinga mai o ā koutou paihere, kei te piko iho ki tāku paihere.”
Nā, ka mea ōna tuākana ki a ia, “Koia rānei ko koe hei kīngi mō mātou? Hei rangatira anō rānei koe mō mātou?” Nā, ka nui haere anō tō rātou kino ki a ia mō āna moe, mō āna kupu.
Ā, i moe anō ia i tētahi atu moe, ā, ka kōrerotia e ia ki ōna tuākana, ka mea ia, “Nanā, tēnei anō hoki tētahi moe i moe ai ahau; nā, ko te rā me te marama, me ngā whetū kotahi tekau mā tahi, e piko mai ana ki ahau.”
Ā, ka kōrerotia e ia ki tōna pāpā rātou ko ōna tuākana; nā, ka whakatūpehupehu tōna pāpā ki a ia, ka mea ki a ia, “He aha tēnei moe i moe nei koe? Tērā rānei mātou, ko tōu whaea, ko ōu tuākana, e haere mai ki te piko ki a koe, ki te whenua?” Nā, ka hae ōna tuākana ki a ia; ko tōna pāpā ia i mahara ki te kupu.

Nā, ka haere ōna tuākana ki te whāngai i ngā hipi a tō rātou pāpā i Hekeme. Ā, ka mea a Īharaira ki a Hōhepa, “Kāhore ianei ōu tuākana i te whāngai hipi i Hekeme? Haere mai, me tono koe e ahau ki a rātou.”
Ka mea ia, “Tēnei ahau.”
Nā, ka mea ia ki a ia, “Tēnā, haere, tirohia, kei te ora rānei ōu tuākana, kei te ora anō rānei ngā hipi; ka whakahoki mai ai i te kōrero ki ahau.” Nā, ka tonoa atu ia e ia i te raorao o Heperona.
Ā, ka haere ia ki Hekeme, ā, ka tūtaki tētahi tangata ki a ia, e pōhēhē ana hoki ia i te pārae, ā, ka ui taua tangata ki a ia, “He aha tāu e rapu nā?”
Nā, ka mea ia, “E rapu ana ahau i ōku tuākana. Tēnā koa, whakaaturia mai ki ahau, kei hea rātou e whāngai ana i te kāhui.”
Ka mea taua tangata, “Kua riro atu rātou i konei; i rongo hoki ahau i a rātou e kī ana, ‘Kia haere tātou ki Rōtana.’ ”
Nā, ka haere a Hōhepa ki te whai i ōna tuākana, ā, ka kitea rātou e ia ki Rōtana. Nā, ka kite mai rātou i a ia tawhiti, ā, i te mea kāhore anō ia i tata noa ki a rātou, ka whakatakoto whakaaro rātou mōna kia whakamatea.
Ā, ka mea rātou tētahi ki tētahi, “Nanā, ko te moemoeā tēnei te haere mai nei. Tēnā, tātou ka haere, ka patu i a ia, ka maka hoki i a ia ki tētahi o ngā poka, ā, ka mea tātou. Nā tētahi mohoao nanakia ia i kai; ā, ka kite tātou i te tukunga iho o āna moe.”
Nā, i rongo a Reupena, ā, ka whakaorangia ia e ia i roto i ō rātou ringa; ka mea ia, “Kaua ia e patua e tātou.” Ka mea anō a Reupena ki a rātou, “Kaua e whakahekea he toto; makā atu ia ki roto ki tēnei poka i te koraha nei, kaua hoki tētahi ringa e pā ki a ia.” He mea hoki kia whakaora ai ia i a ia i roto i ō rātou ringa, kia whakahoki ai ia i a ia ki tōna pāpā.
Ā, i te taenga o Hōhepa ki ōna tuākana, ka huia e rātou te koti o Hōhepa, te koti purepure e mau ana i a ia; ā, mauria ana ia, makā ana e rātou ki te poka. He tuwhera kau anō te poka, kāhore he wai o roto.
Nā, ka noho rātou ki te kai taro, ā, ka anga ake ō rātou kanohi, nā, ko tētahi tira Ihimaeri e haere mai ana i Kireara me ā rātou kāmera, he waha i ngā mea kakara, i te pama, i te maira, e haere ana ki te kawe ki raro, ki Īhipa.
Nā, ka mea a Hūrā ki ōna tuākana rātou ko ōna tēina, “He aha te pai o tā tātou patu i tō tātou teina, o te huna hoki i ōna toto? Tātou ka haere, ka hoko i a ia ki ngā Ihimaeri, ā, kaua ō tātou ringa e pā ki a ia; ko tō tātou teina nei hoki ia, ko tō tātou kikokiko.” Ā, i whakaae ōna tuākana rātou ko ōna tēina.
Nā, ka haere mai ngā Miriani, he hunga hokohoko; ka hūtia ake e rātou a Hōhepa i roto i te poka, ā, ka hokona atu a Hōhepa e rātou ki ngā Ihimaeri, ki ngā hiriwa e rua tekau; ā, ka kawea a Hōhepa e rātou ki Īhipa.
Ā, ka hoki mai a Reupena ki te poka; nā, kāhore a Hōhepa i roto i te poka; ā, ka haea e ia ōna kākahu. Nā, ka hoki ia ki ōna tēina, ka mea, “Kāhore nei te tamaiti; ā, ko ahau, me haere ahau ki hea?”
Nā, ka tango rātou i te koti o Hōhepa, ā, ka patua he koati toa, ka tukua hoki te koti ki te toto. Nā, ka hoatu te koti purepure kia kawea ki tō rātou pāpā; ka mea rātou, “I kitea tēnei e mātou; tēnā, tirohia ko te koti rānei o tāu tama, ehara rānei?”
Ā, ka mōhiotia e ia, ā, ka mea ia, “Ko te koti tēnei o tāku tama; kua kainga ia e te kīrehe nanakia; kua tino haea rawatia a Hōhepa.”
Nā, ka haea e Hākopa ōna kākahu, ka kākahuria e ia tōna hope ki te kākahu taratara, ā, he maha ngā rā i uhungatia ai e ia tāna tama. Ka whakatika hoki āna tama katoa me āna tamāhine katoa ki te whakamārie i a ia; ā, kīhai ia i pai kia whakamārietia; ka mea ia, “Engari ka heke tangi atu ahau ki tāku tama ki te pō.” Nā, ka uhungatia ia e tōna pāpā.
Nā, ka hokona atu ia e ngā Miriani ki Īhipa ki a Potiwhara, ki tētahi o ngā tāngata nui a Parao, ki te rangatira o ngā kaitiaki.

සවන් දෙන්න Kenehi 37